|
ئەز پەک نەبووم
لە ساڵی 2000 ەوە بەشداری زۆربەی هەرە زۆری خۆپیشاندان و ڕێپێوانەکانی پشتیوانی خەباتی باکووری کوردستان بووین، لە زۆریشیان پێشەنگ بووین لەگەڵ هاوڕێکانمان.
گەرچی پەیجی مالمۆکورد کە " نیو ملیۆن" لایکی پەیجەکە و ملیاریش لایک و کۆمێنت کرابوو، لەسەر وێنەکانی " ئاپۆ و گەریلا" داخران.
کەچی ساڵی 2016 لە پرسەی " شەهید بادین ئیمام" لە مالمۆ هەندێ هەڤاڵانی پەک بە " کاک حاجی دۆشکە ئەترووشی" یان ووتبوو:
نایەڵین " شێرزاد" بێتە پرسەکەوە چونکە " پارتیە".
لە کاتێکا پەیوەندی کەسیمان لەگەڵ " شەهید بادین" هەبوو ، ڤیدیۆی ناشتنەکەی تەنیا بۆ ئێمە نێردرا و براکەی کە لە کوردستان گەڕایەوە خۆی لەماڵەوە سەردانی کردین.
" کاک حاجی دۆشکە ئەترووشی" بە هەڤاڵانی پەکی ووتبوو :
گەر نەهێڵن شێرزاد بێتە پرسەکەوە، ئێمە هەموو هاوڕێکانی دەڕۆین.
بەڵام دواتر ئەو هەڤاڵانە بۆیان دەرکەوت کە ئێمە کوردی سەربەخۆین بە تایبەت" حاجی ئەترووشی و خۆم" و حیزبی نین .
سەیر بوو ئێمە پێکەوە مۆری پەک بوونمان لێدرابوو، لە کاتێکا یەک چرکەش کەسمان پەک نەبووین ، و هەڵبەت پەک بوون شەرەفی گەورە و بەرخۆدان و کوردایەتیە.
ئاپۆ و پەک ئەو دوو سیمبوڵە گەورەی نەتەوەن هەم ملیۆنان کوردیان لە گۆڕی تورک بونەوە کردەوە بە کورد و هەم دوژمنە هەرە گەورەکەی کوردیشیان هێناوەتە سەر مێزی داننان بە کورد و هەم ڕۆژئاوای کوردستانیان لە سوریا سەندۆتەوە و ئازاد کردووە.
دەڵێن لە شەستەکان سیاسیەکی کوردی باشوور ووتویەتی تا " باکوور " ڕزگار نەبێت کوردستان ڕزگار‌ی نابێت.
هەر بۆیە خەباتی باکوور سەنتەری خەباتی کوردستانی گەورەیە ،
دەنا بەشداری هەموو چالاکیەکانی ڕۆژهەڵاتی کوردستانیش بووین و نە " دیموکرات و نە کۆمەڵە"ش بووین.
سڵاو بۆ یادی دامەزراندنی 47 ساڵەی دامەزراندنی پارتی کرێکارانی کوردستان و ئاپۆی ماندێلا .
لەگەڵ مامۆستا هێمن مهابادی دەیڵێینەوە:
بۆت نووسیوم بۆت بنووسم ئەمن چیم؟
دوندی قەندیل، گۆڕەپانی هەڵگورد نیم
بەرەو بەرزی دەچم ئەگەرچی وردم
خاکی بەرپێی تێکۆشەرێکی کوردم
شێرزاد عەزیز
مالمۆ
به‌روار: 27/11/2025
50 جار خوێندراوه‌ته‌وه
|