|
خانوەکەی نوری سەعید بە قیست دروستکراوە
لەدوای کۆدەتای 14 تەمموز" وەسفی تاهیرو عەبدولکەریم قاسم "، لە سەردانێکیان دا بۆ بنکەی پۆلیسی کەرخ ، کاتێک نوێنەری کۆمپانیای (C.A.T Group )* لوبنانی بیناسازی دێن بۆلایان و داوای قیستی خانوەکەی "نوری سەعید" ی سەرۆکوەزیران یان لێ ئەکەن ؛
لەو کاتەی دا "نەجم مورشیدی " پۆلیسی نیگابانی تایبەتی "نوری سەعید" لە گرتوخانەی کەرخ زیندانی ئەبێت ، بەو جۆرە چیرۆکی خانوە نوێکەی" نوری سەعید" بۆ "کەریم قاسم و وەسفی تاهیر)" ئەگێڕیتەوە :
جارێک باشتوجار "عەبدولهادی چەلەبی؛، لەگەڵ هەندێک برادەری تری نوری پاشا داوای لێ ئەکەن ، با ئیتر خانویەکی نوێ دروست بکات، شایستە بێت بە پلەو پایەی ناوچەیی و نیو دەوڵەتی نوری پاشا و بشێت بۆ سەردان و چاوپێکەوتنی میوانە باڵاو پایەدارەکانی ...
پاشا ئەلێت:
ئێوە بازرگانن و لەخۆتانەوە ئەڕوانن ، من کارگوزارێکم و موچەم دیاریکراوە ، ئەو پارەو پولە لەکو ێ بێنم ..؟!
هادی چەلەبی ئەلێت :
دەی پاشا ئەرزەکەی لەسەر من و دورست کردنی بیناکەش لەسەر کۆمپانای "کاتی بیناسازی لوبنانی" بە قستی 50 دیناری مانگانە ئەنجام دێت .
بەوجۆرە (نوری سەعید) ڕازی بو خانوەکەی لە ناوچەی (کەرادە مریەم) پێ ساز بکات..
نەجم مورشیدی لە بەردەوامی گێرانەوەکەی دا ، ئەلێت :
عەبدولکەریم ، کاتێک بۆ حیکایەتی خانوەکەی پاشا گوێی لەمن گرت بو ، لای کردەوە بەلای "وەسفی تاهیر" دا و گوتی:
ــ وەسفی وامان ئەزانی سامان و گەنجینەی دەوڵەت لە بن دەستی "نوری سەعید" دایە.
وەسفی ! ئێمەیان خەڵەتاندو لایان بۆ شل کردین شۆڕش بەرپاکەین و نوری سەعیدیان بۆ بەکۆتایی کەین ...وەسفی ئەوەتا ئەوەمان بۆ بەجێ گەیاندون ، ئیتربەچی ئەگەین ؟
ئەبینیت یەک بەدوای یەکا هەمومان ئەکوژن ، نەگبەتی ئێمە لێرەوە دەستی پێ کردوە ...
ئامادەکردن و کورت کردنەوەی
حەمەسەعی باپیر
ستۆکهۆڵم
لەسەرچاوەی
وتارێک بەناوی نوسەر هادی ناصر سعید الباقر لە پێگەی (الحوار المتمدن ــ٢٤ /١/٢٠١٦)..
(*)..تیبینی//
کۆمپانای بیناسازی لوبنانی (C.A.T Group )
...زوربەی ساختمانەکانی ئەوکاتی سەردەمی پاشایەتی لە عیراق کۆنتراکت کردبو نوسینەگەیەکی لەبەغدا هەبو ..
بهروار: 14/07/2026
29 جار خوێندراوهتهوه
|