سەلمە خەراجیانی
ئەمە وێنەی دایكێكی جەرگ سووتاوە بە ناوی "پوورە سەلمە" خەڵكی گوندی پشتەو خەراجیان، كە دەکەوێتە نێوان شارەکانی رەوانسەرو كامیاران لە رۆژهەڵاتی کوردستان. 

وەکوو ئاشکرایە ڕژێمی تیرۆرو دژە كوردی ئێران، كوڕە پێشمەرگەو تاقانەكەیان شەهید كردووەو چەندین ساڵ شوێنی تەرمەکەیان لێ شاردوەتەوە، بەڵام لە ئاكامداو پاش هەوڵ‌و ماندووبوونێكی زۆرو بەرتیلدان بە جاشەكان، شوێنی ناشتنی كوڕە تاقانەكەی لە شاری "هەمەدان" پەیدا كردووە. 

ئەم شێرە ژنە، كەلەسەری جگەرگۆشەكەی وەك تاجی شاهانە بە سەرەوە ناوەو لەگەڵ باقی پاشماوەی ئێسقانەكانی لە گۆڕغەریبی دەریهێناوەو بردوویەتەوە بۆ كوردستان‌و لەوێ تەسلیم بە خاكی پیرۆزی نیشتمانی كردوە بۆ ئەوەی بەڵکۆ رۆحی بەرزە فڕی کورە شەهیدەکەی ئارام بگرێ...

ئەمەیە رەمزی مانەوەی نەتەوەی کورد.

سەرچاوە

سەرچاوەکە لەم لینکەدایە