|
لە پیتەرسبۆرگەوە بۆ سلێمانی
لە پیتەرسبۆرگەوە بۆ سلێمانی 🇷🇺
چیرۆکی " مارف حەمەی مەلا پیرۆتی خراجیانی "
سڵاو هاوڕێیان ،ئەم جارە بۆ مێژوو ، ساڵی
1914 و لە گەرمەی جەنگی جیهانی یەکەم ، خوا لێخۆشبووان باپیرەم "ْمارف ی حەمەی مەلاپیرۆت و برا گەورەکەی فەرەج ی حەمەی مەلا پیرۆت" لە جادەی مەولەوی پیاسە ئەکەن ، ڕەشبگیر دەبێت دەوڵەتی عوسمانی بۆ شەڕی ڕووسیا ، هەردووکیان دەبەن بۆ دەبۆکەو لەوێ لەبەر تەمەنی براکەی بەر ئەدەن و باپیرەم تەدریب ئەکا و لەبەر ئەوەی پیاوێکی تێکسمڕاوی سووروسپی چاوکاڵ بوو "کە بە مارفە سوور" یش ناسراو بوو دەکرێت بە لێپرسراوی کۆمەڵێک لەو کەسانەی کە لەگەڵیدا بوون .
پاش ماوەیەک لەشکری ڕووس لە ڕۆژهەڵاتی سلێمانی نزیک ئەبنەوە ، باپیرەم و هاوڕێکانی ئەنێرن بۆ بەرگری ، شەڕەکە زۆر قورس ئەبێت ، زۆربەی هەرەزۆری هاوڕێکانی شەهید ئەبن ، گەڵا دەجوڵێتەوەو ئافرەتێک تفەنگی پێیەو تەقە ئەکات باپیرەم کە ئەیبینێ ئافرەتە و بەدوایا سوپایەکی زۆر یەت بەرەو ڕوویان ئیتر تەقە ئەوەستێنێت بەڵام دوو گوللە بەر سنگی دەکەوێت و لەپشتەوە وەکو ڕەحمەتی باوکم ئەیووت یک مشت لە چاڵی پشتیا جێی ئەبۆیەوە کە لەپشتەوە گوللەکان تەقیبوونەوە.
سەیر ئەکات بە هەر کەسێک بریندار بێ ئەیکوژن بەڵام باپیرەم ناکوژن و تیماری ئەکەن و ئەیبەن بۆ ڕووسیاو بۆ پایتەختی ئەوکاتەی ڕووسیای قەیسەری شاری سەینت پیترسبۆرگ ،.
پاش شەش مانگ باپیرەم چاک ئەبێتەوە ، بەڵام پاش ساڵێک بەری ئەدەن و ئەڵێن ئیتر بڕۆ ، باپیرەم ماوەی حەوت ساڵ لەگەڵ شەش هاوڕێی تری کە یەکێکیان ناوی " عەزیز لاوە" بووەو ئەویش هەر خەڵکی سلێمانی بووە کاروکاسبی ئەکەن ، پارەیەکی باش کۆ ئەکاتەوە و ، لە کافێیەک بە هاوڕێکانی ئەڵێت: من ئەڕۆمەوە بۆ سلێمانی ، بەڵام ئەوان هیچیان پارەی پێویستیان بۆ ئەو گەشتە دوورە پێ نابێ.
باپیرەم ئەڵێ: یارمەتی هەرکەسێک ئەدەم بێتەوە ، دووانیان ئەڵێن وەڵا یارمەتیمان بەیت ئێمە یەینەوە لەگەڵتا ، یەکێکیان بەناوی خوالێخۆشبوو بەڕێز " عەزیز لاوە "و ئەوی تریان ئێستا ناوەکەیم لەبیر نیە لە ڕووسیاوە یەن بۆ تورکیاو موسڵ و پاشان کەئەگەنە سلێمانی ، شار ئەوروژێت و هەموو خەڵکی شار بەرەو حاجی حان ماڵی باوکی باپیرەم" حەمەی مەلا پیرۆت "ْ کە خانوویەکی گەورە و نۆ ماڵی کرێچی تێدابووە و ناسراو بووە بە خانووی پەستەک سوور ، چونکە زۆربەی کرێچێکان حەماڵ بوون و پەستەکی سووریان لەبەردابووە ، ئیتر ئاهەنگ و شایی و خۆشی سەراپای سلێمانی ئەگرێتەوە ، کە ئەڵێن لە پەتریپۆرت هاتونەتەوە .
ئەم ووشەی پەتریپۆرتە هەر لەناوی ئەوشارەوە هاتوە سەینت پیترسبۆرگ کە باپیرەم و هاوڕێکانی لێ بوون وبۆ سەر زمان قورس بووەو بۆیە خەڵکی سلێمانی پێیان ووتوە پەتریپۆرت .
سلێمانی و ئێوەش هەر بمێنن
ئەندازیار
سەردار ئەحمەد مارف محەمەد مەلا پیرۆت
به‌روار: 30/11/2025
20 جار خوێندراوه‌ته‌وه
|