|
لووتبەرزی و خۆ بە نازین
ئەگەر ویستت جەوهەری کەسێک بناسیت ، تەنها کەمێک دەسەڵاتی بدەرێ هەرچی گرێ و گۆڵی دەروونی هەیە کە پێشتر هەیبووە بۆ خەڵکی دەردەخات ، دەست ئەکات بە ستەم لەچواردەورەکەی.
ئەگەر ویستت ڕەوشتی کەسێک تێک بدەیت ، تەنها کەمێک پارە بخەرە بەردەستی ، ئەگەر ویستت غرور و لە خۆ بایی بوونی کەسێک ببینیت ، تەنها لەکاتی (زانست) دا تەماشای بکە چەند بە لوت بەرزانەوە تەماشای ئەوانی تردەکات.
(دەسەڵات و پارە و زانست) ئەگەر ئاگاهیەکی قوڵی لە پشتەوە نەبێت خاوەنەکەی ناشیرین ئەکات ، وەک شمشێرێکی تیژ بدەیتە دەست منداڵێک هەموو گیانی خۆی و ئەوانی تریش دەبڕێت.
فیرعەون دەسەڵاتەکەی لەناوی برد ، قاروون سەروەتەکەی ، بەعلەمی کوڕی باعورا ، زانستەکەی.
..........
لەکاتی دەسەڵاتدا ستەم مەکە ، چونکە ڕۆژێک پێویستت بەوانی تر دەبێتەوە
لەکاتی هەبوونیدا ئەوانی ترت لەیاد بێت ، چونکە تەمەنی گشتمان کەمترە لەوەی فریای خواردنی بکەوین
لەکاتی زانیندا ، سادە و خاکەڕابە ، تا زانینی زۆر تووشی لوتبەرزی و نەفرەت و بێزراوی ئەوانی ترت نەکات.
هەموو شتێک کۆتایی دێت (وەگەرنا تۆزی بەربادین) وەگەرنا بڵقی سەر ئاوین. ئەوانەی کە بەمانە بنازێت.
هێمن عەبدولقادر
به‌روار: 30/11/2025
34 جار خوێندراوه‌ته‌وه
|