|
شێت برای خۆی ناناسێت
دوو هەفتە پێش ئیستا کە ئیڵەن مەسک باسی ساڵی ٢٠٣٠ ئەکرد ، کە خەڵک ئاڵتونی بە قاڵب و دەرزەن ئەکڕی ، کومباری ژێر لاستیک و فۆمی ژێر فەرشیان بە کێش ئەکرد ، هەر لە خۆمەوە لایت شەحنێکم کڕی بە ١٢ هەزار ، لە ڕاستیدا ئەمە پێی ئەوترێ ئەزموون 😁 وتیان تۆ هەنێک ڕەش بینی ، وا مۆلیدە پێچراوەتەوە تۆ تازە لایت شەحن ئەکڕی ، جا کورد ئەڵێ ( شێت ئەو کەسەیە کە برای خۆی نەناسێت) شێت ئەو کەسە نییە خانە دەمارییەکانی مێشکی کارەبای ببچڕێت ، شێت ئەوەیە لە عێراق لە دایک بووبێت و ژیابێت و چاوەڕێی ڕۆژێکی باشتر ، سبەینێیەکی گەشتر بکات ،
من خۆم دواین کەسم تەسلیمی نائومێدی و بێ هیوایی دەبم ، بەڵام هەرگیز تەسلمی جەماعەتی وزەی پۆزەتیڤ و بە دوو هەنگاو ژیانت بگۆرە نابم 😁
ئێمە ئەو جیلەین لەناو تاریکیدا لە دایک بووین و ژیاین ، تاریکی هاومانای مەرگە ، تۆ پسکیتی دەماوەند و کێکە زەردەکە بە مەڵاشوتا نووسابێت چۆن ئەبیتەوە بە مرۆڤێکی ئاسایی ، تۆ خەڵوزت لە تەنەکەیا بردبێتە ژوورەوە بۆ خۆ گەرم کردنەوە و بەیانی نیوەی کەسەکانی خنکابێت ، چۆن ئەبیتەوە بە مرۆڤێکی ئاسایی ،
تۆ سەمونی فڕنە تەنەکەت خواردبێ و ، هیتەرە بەردەکە گرتبێتی و سەد جار ناودەمی ترش کردبیت چۆن ئاسایی ئەبیتەوە.
جیلی ئێمە هەمووی ئەڵێی کاسکێتی لەسەردایە نیوەی سەری هاتۆتە پێشەوە ئەوەنە زمانمان هێنا بە کاغەزی تەمەرهندا
قۆزترین ئینسانی ئێمە جیسمی ئەڵێی قاعیدەی نێرگەلەیە پەنجا گرێی تیایە .
مرۆڤ کە لە شەڕی ڤێتنام و عێراق و ئۆکرانیا دەگەرێتەوە دەخرێتەوە ژێر راهێنانی دەروونی
ئێمە بەو هەموو بەدبەختیەوە هێشتا پێمان وایە تەندروستین .
................
هاوپێچ وێنەی تۆ کاتێک سەعاتێکی رۆلێکس و سویچێکی بۆگاتی و تیشێرتێکی لاکۆستا و شوشەیەک بۆنی تۆم فۆردت لە خۆت داوە و مستیلەکەی داریوشی دووەمت لە دەستدایە و بۆ دوو شەو خۆت ئەکەیت بە خستەخانەیەکی ئەهلیدا 😁
یان کاتێک دانەمەزراویت و لەگەڵ دەستگیران و ژنخوشکەکانتا ئەچیت بۆ ئاڵتوون هەڵگرتن
یان کاتێک پارەی وەرەسە و گورچیلەیەک و سلفەی بانقی ڕافیدەینت وەرگرتووە بۆ سۆلار و تاقە شەمسی
ئێمە نەژیاین ، وەک تابلۆکەی مۆنالیزا لە نێوان گریان و پێکەنیندا نەمانزانی کامیان بوو
مەحوی وتەنی (رازی دڵ هەر لە تاریکی شەودا، بەبێ رووناکی ئیفشا دەکرێت)
هەرچی پیاوی کورد هەیە سەری بووە بە پسکیتی (ئی تی جین) ئەوەنە فەرشی تەڕمان خستە سەرمان و بردەمانە سەربان 😁
هێمن عەبدولقادر
به‌روار: 27/11/2025
53 جار خوێندراوه‌ته‌وه
|