|
ئەمڕۆ یادی دامەزراندنی پارتی کرێکارانی کوردستانە.
ساڵی 1978 لە ڕۆژێکی وەک ئەمڕۆدا، لە گوندی فیسی سەر بە ناوچەی لیجەی پارێزگای ئامەد لە باکووری کوردستان، لەژێر هەلومەرجێکی سەخت و دژواردا، پارتی کرێکارانی کوردستان، بە درووشمی "ڕزگاری بۆ کوردستان"، دامەزرا.
پارتەکە، ئەم بۆنەیەی ناوناوە "جەژنی ژیانەوە"، هەموو ساڵێک بە ئاهەنگ لە چەند شوێنێکی جیاواز یادیی دەکەنەوە، ئێستاش دوای 47 ساڵ، ملیۆنان ئەندام و لایەنگری لە هەر چوار بەشی کوردستان و دیاسپۆرا هەیە.
سێ سەرەکیترین دامەزرێنەری ئەو پارتە:
عەبدوڵڵا ئۆجەلان: بە نەتەوە کورد
حەقی قەرار: بە نەتەوە تورک
کەمال پیر: بە نەتەوە لاس
زۆر جار لەناو ئەو پارتەدا، ئەم سێ سەرکردەیە، بە سێکوچکەی دامەزرێنەر ناویان دەهێندرێت.
حەقی قەرار ماوەیەکی کەم پێش دامەزراندنی پارتەکە، لەسەر ڕێگەی ئامەد تیرۆر دەکرێت، کەمال پیریش دوای دامەزراندنی پارتەکە دەستگیر دەکرێت و لە زیندانی ئامەد بەهۆی مانگرتن لە خواردن و خواردنەوەوە شەهید دەبێت، هەرچی عەبدوڵا ئۆجەلانیشە، بەهۆی کۆمەڵکوژییەکانی دەوڵەتی تورکیا دەرهەق بە لایەنگرانی پارتەکە، بەرەو ڕۆژئاوای کوردستان کۆچ دەکات.
ئەوەی جێگەی هەڵوەستەیە، ئەم پارتە لەژێر ئەم هەموو فشار و کۆمەڵکوژی و ڕەشبگیرییەدا، ڕۆژ بە ڕۆژ گەورە دەبێت و کوردان و خەڵکی ئازادیخوازی جیهان لە دەوری خۆیدا کۆدەکاتەوە.
بڕوا ستار
به‌روار: 27/11/2025
188 جار خوێندراوه‌ته‌وه
|