|
گۆڕێکی گەورەی بێناز 😡
ئەمە گۆڕی ڕەوانشاد، زانای زمانەوان و مێژوونووس و شوێنەوارناس و فەرهەنگنووسی گەورەی کورد «تۆفیق وەهبی» یە لە چیای پیرەمەگروون. بەداخەوە ئەمە گۆڕە هەڵنەچنراوەکەیەتی لە سەردەمی حوکمڕانیی کورد کە کەس نازانێ گۆڕی ئەوە.
تۆفیق وەهبی دەستووری زمانی کوردیی لە ساڵی 1929 داناوە. دەرچووی کۆلیجی سەربازییە لە ئەستەنبووڵ. لە ساڵی 1930 بووەتە متەسەڕیفی شاری سلێمانی و لە ساڵی 1943 بووەتە وەزیری ئابووریی عیراق و لە ساڵی 1948 بووەتە وەزیری مەعاریف (پەروەردەی ئێستا)ی عیراق.
دوای کودەتای 14 ی تەممووزی 1958، هەتا مردنی لە لەندەن ژیانی بەسەر برد.
لە ساڵی 1984 لە لەندەن کۆچی دواییی کرد. بە وەسییەتی خۆی تەرمی پیرۆزی هێنرایەوە کوردستان و لە پیرەمەگروون نێژرا.
زۆر بەداخەوە بە بینینی گۆڕی ئەم زانا و پیاوە گەورەیەی مێژووی کورد، کۆڵێک خەم دایگرتم.
وێنەی گۆڕی تۆفیق وەهبی، ئەمڕۆ 2025.11.25 گیراوە
عەبدولڕەحمان فەرهادی
به‌روار: 25/11/2025
241 جار خوێندراوه‌ته‌وه
|