|
سوەیدا کۆبانێی سوریا یە.
ئازاد بوونی کۆبانێ لە 2015.1.26 بووە هەوێنی ڕۆژئاوایەکی بەهێز لە سوریادا.
دەنا گەر بکەوتایە ئێستا دۆخی " سەربازی و سیاسی" کورد وەکو ئێستا نەدەبوو.
جۆلانی کە بێ هەڵبژاردن خۆی خۆی کرد بە سەرۆک و دەستورێکی عەرەبی کرد بە بەرگی وڵاتێکی چەندین نەتەوە و گرووپی جیاوازدا و ئێستا خەوێکی عەرەبی شۆڤینانەی هەیە هەروەک ئەوەی بەشار و بەعسی سوری.
و دەیەوێت بە زەبری هێز " یەک ووڵات و یەک ئاڵا و یەک نەتەوە" بسەپێنێت
پاش کۆمەڵکوژی عەلەویەکانی ڕیفی لازقیە " ڕوداوەکانی کەنار" دەیەوێت دروزیش بخاتە ژێر بارەوە.
بەڵام پەلاماری دروزەکان بە پێچەوانەی عەلەویەکان کەوتۆتەوە.
بۆردومان و هەڕەشەکانی ئیسرائیل پلانی جۆلانی پەکخست.
ئەگەر لەشکری جۆلانی لە سوەیدا سەربکەوێت ، تەنیا هێزێک لەدەرەوەی هێزی "کۆماری عەرەبی سوریا" بن هێزی هەسەدە و کوردە.
کە بەدڵنیاییەوە ئەو کات لە ڕێکەوتنی لەگەڵ : مەزڵوم عەبدی" پاشەکشە دەکات و لە گونجاوترین هەلدا پەلاماری ڕۆژئاوای کوردستان دەداتەوە.
سەرکەوتنی جۆلانی لە سوەیدا بە پاشەکشەی ئیسرائیل دێتە دی کە ئیسرائیل تەنیا هێزی مەیدانیە لە سوریا بتوانێت پارسەنگی هێز دژ بە جۆلانی و تورکیاش ڕابگرێت.
کە تا ئەم ساتە هەڵوێستی ئیسرائیل پشتیوانی تەواوی دروزە و ماکی پاشەکشەی پێوە دیار نیە.
لە ئەگەری کەوتنی ڕۆژئاواشدا " کە گریمانەی خەیاڵە" جۆلانی سوریایەکی عەرەبی بۆ دەمێنێتەوە کە " سونەی عەرەب و گروپە جیهادی و داعشەکان" تیا دەسەڵاتداری بێ ڕکابەر دەبن.
تا جۆلانی بەهێز بێ ، تورکیاش بەهێز دەبێ لە ناوچەکە و سەیریش نابێ ئەردۆغان لە پرۆسەی ئاشتی پە.کە.کە پاشەکشە بکات.
کەواتە سوەیدا نەک بۆ دروز بەتەنیا ، بۆ کورد و عەلەوی و کریستان و هەموو گرووپە ئەتنیکیەکانی تریش گرنگ و ستراتیژیە و خاڵی یەکلاکەرەوەیە لە ململانێ و ئایندەی سوریا و هەمان هێزی کۆبانێی هەیە.
شێرزاد عەزیز
مالمۆ
به‌روار: 21/07/2025
14 جار خوێندراوه‌ته‌وه
|