ساڵیادی 1995.10.5

ساڵانی 1995/ 1996  بەهۆی خولی نەخوێندەواری ژنان و پیاوانی کانی وەیسەوە 
" مارلین گرۆشگا و مام پیتەر" م ناسی و هاتوچۆی  ماڵەوەیانم دەکرد.
مارلین خان جگە لە ڕێکخراوی BD  خۆبەخشانە وانەی ئینگلیزیشی له زانکۆی سلێمانی دەوتەوە.
عەسرێک" دکتۆر بروسکە ئەژدەر" یش کە مامۆستای زانکۆ بوو هات بۆ دوکان و ووتی:
کاک شێرزاد مارلینی برادەرت مرد.
شەو من و بەهار چووین بۆ ماڵیان و تەرمەکەی " مارلین خان"  لە تابوتێک دانرا بوو.
بەشداری مەراسیمی ناشتنەکەیشمان کرد کە بە مەراسیمێکی گەورە تەرمەکەیان لە گردی سەیوان ناشت.

لەم ساڵانەی دواییدا لە سەردانەکانی کوردستان 
" مام پیتەر" م دۆزییەوە و وێنەیەکی مارلینمان گەورە کرد و " کاک عومەری شەعب" هەڵیواسی.

چەندین جار داوام  لە  " مام پیتەر"  دەکرد ، کە گۆڕی مارلینم پیشان بدا ، ڕێک نەدەکەوت.

چەند ساڵێک پێش ئێستا" کاک پشتیوان ئاسنگەر" وێنەیەکی گۆڕەکەی بۆ " پەیجی مالمۆکورد" بۆ ناردم.

ئیمڕۆ کەداوام لە " کاک پشتیوان ئاسنگەر" کرد لەگەڵم بێت بۆ سەر گۆڕەکەی، دوکانەکەی لە گەڕەکی ڕاپەڕین داخست و پێکەوە چووینە سەر گۆڕی مارلین خان.

سوپاسی ماندوبونی دڵسۆزانەی کاک پشتیوان دەکەین.

شێرزاد عەزیز
سلێمانی

وێنەکان لەم لینکەدایە:

سەیری وێنەکان بکەن