|
پرسە بە قەرز و بەسوو
بەر لە چەند ساڵێک کاک " سەرکەوت دەباغ" تەلەفۆنی بۆ کردم و ووتی:
مناڵێکی زۆر نەخۆشی دەگمەن لە خەستەخانەی لوندە، و خێزانەکەی ئیقامەیان نیە.
خۆم و بەهار و جارێکیش لەگەل کاک " حاجی ئەترووشی" سەردانمان کردن.
دواتر کاک " کاروان" کە لە کڵێسای سوید کاری دەکرد و پێم ناساندن.
پاش ماوەیەک باوکی " مناڵە نەخۆشەکە" دایکی مرد و ئێمە پرسەیەکمان لە " کۆمەڵەی مالمۆکورد" بۆ گرت ، کە خەرجیەکەی " 1500" کرۆن بوو.
ووتی: پارەکەم پێ نیە سەری مانگ دەتدەمێ.
سەری مانگ پارەکەی بۆ ناردمەوە.
پاش ماوەیەکی کەم تەلەفۆنی بۆ کردم و ووتی:
بە نیازم خانوویەک بکڕم لە دەوروبەری مالمۆ ، کەس دەناسم " پارە بە قەرز و بە سوو " بدات.
تەکلیفی قۆڕم زۆر لێکراوە ، بەڵام ئەمەم زۆر لا سەیر بوو.
ڕەنگە ووتبێتی" شێرزاد پرسە بە قەرز بۆ خەڵک بگرێ، لە وانەیە قەرزیش بە سوو بدات".
ئەو خێزانە ئێستا " مافی پەنابەری" یان وەرگرتووە و مناڵە نەخۆشەکەیان هەموو ساتێکی مردنە بۆ دایک و باوکی.
گەردنی خۆیان هەزار جار ئازاد بێت.
من هەرچیەکم کردبێت بە " هاوکاری " نازانم ، و دەشزانم زۆری پێدەزانن و زۆریش لای خەڵک باسیان کردووە.
بە شەرەفی خۆم بۆ " منەت " باسی ناکەم.
بەڵام لە شتێک دەترسم ، لەوانەیە خەڵکی تریش ووتبێیتیان ئەم پیاوە " مووچەی دەوڵەت" ی هەیە ، بۆیە 19 ساڵ پرسەکانی خەڵکمان بۆ دەنێرێت.
وێنەکە گۆڕستانی ڕۆسنگۆردە لە شاری مالمۆ
شێرزاد عەزیز
مالمۆ
به‌روار: 12/07/2025
24 جار خوێندراوه‌ته‌وه
|