|
ئەی ڕەقیبەکەی کوڕی پاک و دایبیەکەی مەلا عادل!!
ساڵانی 2000 کەناڵی جزیرە بەرنامەیەکی هەبوو بە ناوی " سری للغایة" .
لە بەرنامەیەکیدا باسی بنکەی کۆنتڕۆڵکردنی هەموو تەلەفۆنەکانی جیهانی دەکرد کە لە بەریتانیا بوو.
نموونەی یەکەم:
مامۆستا عەبدولحەمید لە لایڤێکدا گەنجێک لێی دەپرسێ:
مامۆستا لەگەڵ ناوی خۆم ئاڵای بەریتانیام داناوە حەرام نیە؟
مەلا عەبدولحەمیدیش دەڵێ:
خاچ لای موسڵمان نا جائیزە لای بەرە.
هەموو کەس ناتوانێ ئەوەندە چاو قایم بێ ، لەژێر ئاڵای خاچدا بژی و وا گەنج ڕێنمایی بکات.
نموونەی دووەم:
مامۆستا عادل لە ڤیدیۆیەکدا دەڵێ:
جنسیەکەی بەریتانیا دەکەمە قوربانی حەفازەکەی حەمەی کوڕم.
گەر بەریتانیا بتوانێ کۆنتڕۆڵی تەلەفۆنی هەموو جیهان بکات نازانێ لە وڵاتەکەی چی دەگوزەرێت؟
نمونەی سێیەم:
شوفێرێکی کوردی مالمۆ بۆی گێڕامەوە:
لەو کاتەی خۆپیشاندانەکانی مالمۆ بوو ، کە پەنابەره ئیسلامیەکان دەیان ئوتومبێلی پۆلیس و خەڵکیان دەسووتاند ، پیاوێکی سویدیم سوار کرد، کە زانی سەر ڕەشم ووتی
لەگەڵ پەنابەرێک قسەم کردووە و ووتویەتی : سوید دەکەین بە ووڵاتێکی ئیسلامی.
منیش پێم ووتووە: ئێوە لە ووڵاتە ئیسلامیەکانی خۆتان ڕاتان کردووە و هاتوون بۆ سوید، کە ئێرەتان کرد بە ئیسلامی بۆ کوێ ڕادەکەن.
ئەگەر وەکو پەنابەر زیان بکەین" ئیسلامی و سێکۆلار و بێ دین " هەموو پێکەوە زیان دەکەین.
وەکو ئاوارەی نیشتمانی خۆمان بووین، ئەم مەلایانە بۆ ناهێڵن لە تاراوگە و غوربەت بێ کێشە بژین ؟؟؟
یەک پرسیار :
بە ویژدانتان پێش ڕاپەڕین هیچ مامۆستا و زانایەکی ئاینیتان بینیوە بەم جلانەوە؟
یان ئەوە چ خیانەتێکە بەرامبەر کورد ، زات بکەیت و بڵێیت " ئەی ڕەقیب کفرە؟".
ئەی ڕەقیب موڵکی ئەم دەسەڵاتە کوردییە نیە ، کە ئەوەندەی دەسەڵاتی کۆمەڵێک بازرگانی سیاسی و خێزان و بنەماڵەیە ، چارەکی ئەوە لە خزمەتی خەڵکا نیە.
مزگەوت و خانەقا و تەکیەکان دەیان سەرکردە و پێشەوای کوردایەتیان پێشکەشی خەباتی نەتەوەییمان کردووە، کەچی ئەمانە نەک بێگانە پەرست و ئاینباز بەڵکو جاشی ڕیشدارن.
شێرزاد عەزیز
مالمۆ
https://www.malmokurd.com/News-44823-6
به‌روار: 17/05/2025
104 جار خوێندراوه‌ته‌وه
|