بۆ کاک ڕەزا پێشکەشە.

ساڵی 1993 یەکەم ساڵی مامۆستایمان بوو لە گوندی کانی مازوو، لە پۆل دەرسمان دەووتەوە ، لە دەرگا درا و موفەتیش خۆی کرد بە ژووردا.
لەدواوە دانیشت و تا تەواو بوو.
له بەرچاوی خوێندکارەکان ووتی:
مامۆستا هەمیشە وا دەرس دەڵێیتەوە؟
ووتم : مامۆستا حەز دەکەم لە قوتابیەکان خۆیان بپرسیت.
شەو لامان مایەوە و ووتی :
جێمان دەبێتەوە؟
ووتم: بەهار و مامۆستا ئاڤان پێکەوە و من تۆش لەم ژوورەی خۆمان.

بۆ بەیانی کیسەیەک تووتنی"  کاک ڕەزای کارگوزار"  کە بەدیاری بۆی هێنابووم دامانێ.
دواتر لە بەردەکی سەرا ، پارچەیەک جگەرە و 
ڕۆژی عارفەش لە بەردەمی قەسابەکانی بەلەدیەکە ، تووشی یەک بووین، " 2 تا 3 "  کیلۆ گۆشتمان بەدیاری دایە.
هاوکاری کردنی هەر  مامۆستایەک لەو کاتە سەختەی کاتی ئابڵووقەکە  بۆ هیچ کەس  پیاوەتی و ئازایەتی نیە، و بۆ بەرامبەریش شەرمی تیا نیە.
ساڵانی گرانی دەیان مامۆستای خانەدانی  هاڕی بوو.
ئەوەش پاداشتی مامۆستایە کە دەسەڵاتی کوردی بە برسی کردنیان دەیانخانەتەوە دۆخی ڕۆژگاری ئابڵوقەی بەعس و گەمارۆی ئابووری.

لە کۆتایی ساڵدا وەکو سەرپەرشتیاری
 پەروەردەیی کە منی هەڵسەنگاندبوو، لە سەد " 66" ی بۆ دانابووم.
گەرچی نەئەو شەوە نە جارەکانی تر  هیچ باسی حیزبایەتیمان نەکرد پێکەوە و ، خوا گادارە بۆ یەکجاریش لە ناو قوتابخانە بۆ قوتابیەکانمان باس نەکردووە ،  " ئەو کاتە حیزبایەتی وەکو ئێستاش بۆگەنی نەکردبوو، با  ئێمە ئەو کاتەش 
" یەکێتی  بووبێتین  ، بەڵام زۆر لامان سەیر بوو کە بۆ تەنها" 66 " ی بۆ دانابووین.
.
ئێمه ئەو دەم دەروێشانە لە بواری پەروەردە و فێرکردن دەستمان پێکرد و مامۆستایش خەونی گەورەی مناڵیمان بوو، هەمیش دڵنیا بووین لە  خزمانی بەڕێزی  کانی مازووی پرسیووە، کە دەوامی قوتابخانەکەمان چەند چاک بووە.

لەو سەردەمەدا کە سەردەمی   زەکات و   ئێسقان و  برنجی مامۆستا، بوو  ئێمە بەهۆی  کەرەمی خوا و ماڵی باوکمانەوە لەو مامۆستایانە بووین کە حاڵمان خراپ نەبوو، بۆیه تەنها بیرمان لە ئەرکی مامۆستایی دەکردەوە و بڕیاری موفەتیشیشمان بەلاوە بە  جۆرێک لە سوکایەتی یان بێ ویژدانی دەزانی بەرامبەرمان.

بەڵام  سارد نەبووینەوە و بەویژدانی ئاسوودەوە ساڵانی مامۆستاییمان لە خوێندگاکانی " کانی مازوو، کانی وەیسە، قولەرەیسی، تاسڵوجە، گەلاوێژ"  بەدڵی خۆمان بەڕێکرد.
گەر پیاو بە باشی ئەرکی خۆی جێبەجێ بکات بۆ خۆی دەکات و منەت نیە بەسەر عەرزا.
دەنا ئەودەم دەمانتوانی مووچەی مانگێکی مامۆستایی بە کاتژمێرێک لە دوکانی باوکم لە  ئەسحابەسپی پەیدا بکەین.

حیزبایەتی و براکوژی هەموومانی کرد بە  دوژمنی یەک و ڕۆحمانی ناشرین کرد ، و  نەفرەتی لێ بێت.
وەکو خۆشمان  دەمێکە حیزبایەتیمان تەرک کردووە  بە سپی و ڕەشیانەوە و هیچ شایەکیان  بە سەپان نازانین.

شێرزاد عەزیز
مالمۆ
کاک ڕەزا پێش ڕاپەڕین کتێبخانەی هەبووە لە حاجی ئاوا و پاش ڕاپەڕین گەڕاوەتەوە کانی مازوو ، لە قوتابخانەی گوندەکەیان خزمەتی کردووە.

وێنەکان لەم لینکەدایە:

وێنەکان لەم لینکەدایە