لە دیمانەیەکی تەلەفزیۆنی لەگەڵ ئەکتەری میسری کۆچکردوو " سەعید ساڵح " ئەوکات تازە لەزیندان ئازاد کرابوو.
پێشکەشکارەکە لێی پرسی: زیندان باشترە یان دەرەوە؟

سەعید ساڵح بەوجۆرە وەڵامی دایەوە:
لە زیندان هەموو شتەکان ڕوونن، فڵان بازرگانی ماددەی هۆشبەرە، فڵان گەوادە، فڵان بکوژە، فڵان دزە، فڵان زیندانی سیاسیە، فڵان بێتاوانە.
‏هەموومان لۆمەی خراپەکانی خۆمان دەکردو  لەخوا دەپاڕاینەوە.

شتەکان ڕوون بوون کەس جلی تۆبەی نەدەپۆشی بڵێت من شەریفم و لەژێرەوەش گەوادی بکات.
دزەکان ناڵێن ئێمە دەست پاکین، بازرگانی ماددەی هۆشبەر ناڵێت من پیاوچاکم ،خەڵك ڕوون و ڕاشکاون.

زیندان جیهانێکی ڕاستەقینەی ڕوونە، بەجۆرێك واهەستمان دەکرد ئەوان دیواریان بۆ دروست کردووین و بەچەکەوە پاسەوانیمان دەکەن هەتا لەو زیندانە گەورە ساختە پڕ درۆیەی دەرەوە بمانپارێزن.

من لەوێ هاتمە دەرەوە، بەڵام جارجارە سەردانیان دەکەم، چونکە خەڵکی ئەوێ ڕاستەقینەن ساختە نین.