مالمۆ🇸🇪
کۆتایی تراژیدی بۆ نەشتەرگەری جوانکاری

دادگای تێهەڵچوونەوەی سوید سزای دوو ساڵ زیندانی پزیشکێکی پشتڕاستکردەوە کە بەهۆی کەمتەرخەمی لە کاتی بێهۆشکردنی "مەها کادۆرا" (49 ساڵ)، دایکی سێ منداڵ، لە ساڵی 2023 لە مالمۆ، بووە هۆی مردنی.
لێکۆڵینەوەکان نیشانیان دا کە نەخۆشەکە تووشی کەمی توندی ئۆکسجین بووە و دواتر دڵی وەستاوە. دادگا هەڵەکانی پزیشکەکە لە بێهۆشکردن و چاودێری پزیشکی بە جددی هەژمار کرد.
هەروەها:
مۆڵەتی پزیشکی لێ سەندراوەتەوە.
نزیکەی 460 هەزار کرۆنی سویدی قەرەبوو بۆ خێزانەکە دیاری کرا.
کلینیکەکە داخرا و خاوەنەکەی لە پێشکەشکردنی خزمەتگوزاری تەندروستی قەدەغە کرا.
ئەم کەیسە سەرنجی بەرچاوی ڕای گشتی لە سوید ڕاکێشا و دادگا پەیامێکی ڕوونی دا کە کەمتەرخەمی پزیشکی کە ببێتە هۆی لەدەستدانی ژیان، بە توندی مامەڵەی لەگەڵ دەکرێت.
وێنە: مەها کادۆرا و کچەکەی یارا کادۆرا

ڕادیۆی سوید