|
لە قوەخاسەکەی بەردەکی سەرام دا
هاوینی 1988
شەهید " جیهانی وەستا حەسەن" پاش ئەنفالەکان دەهات و چەندان شەو لە ماڵی ئێمە دەخەوت.
ئەو شەوانەی ئەو دەهات تا بەرەبەیان ئەو چیرۆکەکانی خۆی بۆ دەگێڕاینەوە و ئێمەش بەدەم چا خواردن و جگەرە کێشانەوە گوێمان لێدەگرت.
زۆر جار دەیووت:
دەترسم مناڵم بێ و ئەم چیرۆکانەی بۆ بگێڕمەوە ، بڵێ باوکم فشەکەرە.
بەر لە مانگێک " ئاگرۆ" ی کوڕم سەیری فیلمێکی دەکرد و چەکی ئاڕبی جی دەتەقی.
ووتم: ئاگرۆ ئاربی جیت پێوە نێن موهیمە؟
ووتی: ئا.
ووتم : دەزانیت ئاڕبی جیان پێوە ناوم، موهیمە؟
ووتی : ئا.
چیرۆکی قوەخاسەکەی سەرا
هاوینی 1988 ناسنامەی خانەی مامۆستایانم پێ بوو، ژمارەیەک هاوڕێ بووین ڕۆژانە لە "چایخانەی شاهۆ"ی سەرا دۆمینەمان دەکرد و کە فێنکی دەکرد، لە گۆڕەپانەکەی سەرا دادەنیشتین.
ئێوارەیەکیان " من و سەردار هەڵەبجەیی و ئەحمەد هەڵەبجەیی" لەبەردەم دوکانی جەرگیز وەستا بووین ، قوەخاسەیەک هاتە بەردەمی من و ووتی: تەفتیش.
ووتم: فەزڵ.
دەستی کرد بە ناوگەڵم .
بەهەموو هێزی خۆم یەک زلەم لێدا.
قوەخاسەکە ووتی:
"لیش تخاف عندک هم عندي".
تومەز " تەنتە" بوو ، لێیدا ڕۆی.
کە سەیری سەردار و ئەحمەدم کرد، ئەحمەد پریشکی کەوتبوو، " ئەحمەد " بەڵگەی بەهێزی بەعسیشی هەبوو.
دوایی ووتی:
لەدڵی خۆمدا وتومە ئێستا هەر سێکمان دەکوژێت.
شاهیدەکان شکور زیندوون.
وێنەکە لە ڕاستەوە:
سەردار ڕەشید، شێرزاد، نەوشیروان حەمە خورشیدی ڕەحمەتی.
ساڵی 1991 پاش ڕاپەڕین لە سەرا گیراوە.
شێرزاد عەزیز
مالمۆ
بهروار: 14/05/2026
96 جار خوێندراوهتهوه
|