چی ڕوویدا دوێنێ شەو لە دیمەشق؟ وە بۆ؟
 
* دوێنێ شەو هێزی تایبەتی ئیسڕائیلی ئۆپەراسیۆنێکی تایبەتیان کرد لە دیمەشق و دەستیان گرت بەسەر چەند ئامێرێکی سیخوریکردنی تورکیدا.
قسەکەرێکی حوکومەتی ئیسڕائیل بە کەناڵی الحدث ڕاگەیاند کە:

١- دابەزینی هێزی تایبەتی ئیسڕائیل لە نزیک دیمەشق زۆر پێوێست و گرنگ بوو بۆ ئاسایشی ئیسڕائیل.

٢- دەستمان گرتووە بەسەر چەند ئامێر و کەلوپەلێکی مەترسیدار و نهێنیدا لە کاتی ئۆپەراسیۆنەکەماندا.

٣- چەند ئامێڕێکی تورکیمان تێک شکاندوە کە لە دەوروبەری دیمەشق جێگیر کرابوون بۆ سیخوریکردن بەسەرمانەوە.

٤- بە ئیدارەی کاتی دیمەشقمان وتووە کە سنوری دانبەخۆداگرتمان تاقینەکەنەوە لەگەڵ توانای ئۆپەراسیۆنەکانماندا.

٥- هەندێک لەو ئامێرانەی کە دۆزراونەتەوە بۆ ماوەی ١٠ ساڵە لەناو سوریادا بوونیان هەیە (بەڵگەی هاوکاری و پاڵپشتی لۆجیستیکی و سەربازی تورکیا بۆ تیرۆریستانی جولانی و هاوشێوەکانی). 

٦- تورکیا هەوڵئەدات نزیک بێت لێمان لەو هێڵ و سنورەی کە پێویستە نزیک بێتەوە (واتا تورکیا هەوڵئەدات لە سنورەکانی ئیسڕائیل نزیک بێتەوە و سەرقاڵی سیخوڕیکردنە بەسەر ئیسڕائیلەوە لە ڕێگای تیرۆریستانی دیمەشقەوە).

• لەبیریمان بێت پێش دوو هەفتە، تورکیا و ئیدارەی دیمەشق واژووی هاوکاریکردنی سەربازیان کرد. 

• پێش چەند مانگێکیش نوێنەرانی سەربازی ئیدارەی دیمەشق لەناو پێشانگا و بازاڕی سەربازی تورکیدا ئەسوڕانەوە بۆ کڕین و وەدەستخستنی ئامێر و تەکنەلۆژیایی سەربازی تورکی کە بەشێکی هی ناتۆیە یان لە ناتۆوە وەرگیراوە. 

• واتا تورکیا وەک ئەندامێکی ناتۆ لە ئێستادا بەشدارە لە پێدانی زانیاری تەکنەلۆژیایی سەربازی بە تیرۆریستانی دیمەشق.

• هەر تاوان و کۆمەڵکوژیەک ئەنجامبدرێت بە ئامێر و تەکنەلۆژیایی سەربازی تورکی و بە ڕاوێژکاری و مەشق و ڕاهێنانی تورک و هاوکاری و پاڵپشتیان دەبێت.

* لە ئێستادا سوریا ناوجەرگە و گۆڕەپانی ململانێی سیخوڕی و سەربازی و ڕامیاری ئیسڕائیل و تورکیایە. 

• لەناو خاکی سوریادا ئەگەری بەهێزی بەریەکەوتن و ڕوو بە ڕوو بوونەوەی ئەو دوو هێزە تا دێت زۆر و بەهێزتر دەبێت. 

• جاران ئێران ئەو دەورەی دەبینی بەڵام ئەمڕۆکە تورکیا جێگای ئێرانی گرتۆتەوە. 

• ئەشێت ڕوداوەکانی ناو ئێراقیش هاوشێوەی سوریا بێت کە لە ئێستادا بۆتە گۆڕەپان و ناوجەرگەی ململانێی سەختی نێوان مانەوەی هەژموونی ئێرانی بەرامبەر هەوڵی دەستبەسەراگرتنی تورکیدا. 

• دەشێت پێکدادانەکانی ڕۆژی هەینی ڕابردووی لالەزاریش هەر لە هەمان چوارچێوەدا خوێندنەوەی بۆ بکرێت. 

* لە هەر وڵات و ناووچە و هەرێمێک، گەمەکەر و بکەری ناووچەیی و نێودەوڵەتی زۆر و زیاتر بوون، دەبێت چاوەڕێی زۆرتر قوڵبوونەوەی ناکۆکیە ڕامیاری و سیاسیەکان بینەوە لەگەڵ هەڵکشانی پێکدادان و توندوتیژی و زیاتر بوونی نا سەقامگیری. 

•ئەمڕۆ سوریا و ئێراق دوو وڵاتی کاندیدن بۆ ئەو دۆخە دروستکراوە نەخوازراوە. 

ئامادەکردنی:
کامەران کوردی
ئەمریکا

سەرچاوە بە عەرەبی

• کەناڵی حەدەس