بۆ مامۆستا عەبدولسادە گەیتان خەڵەف.

بەپێی عەفو عامێکی سەدام پاش پێشمەرگایەتی ،لە پەیمانگای پێگەیاندنی مامۆستایان وەرگیراینەوە.

جارێکیان "مامۆستا مەحمود " ی بەڕێوبەر
بانگی کردم و ووتی تەلەفیزیۆن هاتووە وەرە قسە بکە.
کاک هاشم جەباری لە  تەلەفیزیۆنی کەرکوک هات و ووتیان لەسەر جەبهەی فاو قسە بکە.
ووتمان: شەڕ زۆر خراپە و ئێران ئاشتی ناوێت،.
کەتەواو بووم ووتیان باسی سەید ڕەئیست نەکردووە.
خۆم کرد بە کەڕەی شەربەت.

جارێکیان تیمێکی خەستەخانەی سلێمانی هاتن بۆ پەیمانگا بۆ خوێن بەخشین.
کەسێک " بیرم نەماوە" ووتی:
خەڵکی سلێمانی ئێوە نە عەسکەری دەکەن و نە بەرگری لە ئێراق دەکەن، ئەوەتا ئێران لە چوارتاوە هاتووە، خەڵکێکی زۆری مەدەنی بریندارە، خوێن ببەخشن بە خەڵکی شارەکەی خۆتان.
"من و سەربەست حسەین بایز" دوو  پێشمەرگەی گەڕاوە بووین و ئیدارە دەیان ناسین.
هەڵسام و چووم سەر تەختەکە و ووتم :
من خوێن ئەدەم.
مامۆستا " عەبدولسادە گەیتان خەڵەف" ی یاریدەدەری بەڕێوبەری پەیمانگا  کە زۆر جار دەمانچەیەکی مەکاریۆفی پێ بوو ووتی:
روح مانرید دم المخریب.

پاش ڕاپەڕین " مامۆستا کەمال دەباخ" ی ڕەحمەتیم لای کتێبخانەی شانۆوە بینی و ووتی:
دەمزانی تۆ زۆر لە ژێر کۆنتڕۆڵی پەیمانگا بوویت و ، کە باس هاتە سەر " مامۆستا عەبدولسادە" ووتی:
شێرزاد ئەو شیوعی بوو ناردبوویان بۆ سلێمانی بۆ کوشتن و کە پێکەوە دەمانخواردەوە ،نوکتەی لەسەر ژنی سەدام دەکرد.

لە ڕاپەڕین" مامۆستا عەبدولساده" جێگەی متمانەی بەعس نەبوو، بۆیە نەیان بردە ئەمنەکەوە، چوە بووە " ئەنفالەکەی بەختیاری".
هەندێ پێشمەرگەی سۆسیالیست لە یەکەم ڕۆژی ڕاپەڕین ڕزگاریان کردبوو.

ئێستا لەگەڵ " کاک هاشم جەباری و مامۆستا عەبدولسادە"  پاش 35  ساڵ زیاتر لەم بیرەوەریانە لە فەیسبوک هاوڕێین.

شێرزاد عەزیز
مالمۆ

لە کۆمێنت هەندێ بیرەوەری تر دەگێڕینەوە:

کلیکی ئێرە بکە