|
چیرۆکی ماندێلا و مامۆستاکەی
کاتێک نیلسۆن ماندێلا لە زانکۆ یاسای دەخوێند، یەکێک لە مامۆستاکانی ناوی پیتەر بوو و سپی پێست و زۆر ڕقی لێیەتی.
ڕۆژێک کە پیتەر لە ڕیستۆرانتی زانکۆ خەریکی خواردن بوو، نیلسۆن ماندێلا بە هەڵگرتنی خواردنەکەیەوە لێی نزیک بووەوە و لە نزیکی دانیشت .
. پرۆفیسۆر پیتەر پێی گوت: وا دیارە تۆ تێناگەیت کاک ماندێلا کە بەرازێک و باڵندەیەک پێکەوە دانانیشن بۆ خواردن.
ماندێلا سەیری کرد و بە هێمنی وەڵامی دایەوە و وتی:
خەمت نەبێت پرۆفیسۆر، من دەفڕم، ڕۆژی پاشان چوو لەسەر مێزێکی تر دانیشت.
پرۆفیسۆر وەڵامدانەوەکەی ماندێلا توڕەی کرد و بڕیاریدا تۆڵەی لێبکاتەوە.
ڕۆژی دواتر پرۆفیسۆر پیتەر لە پۆلدا پرسیارێکی لە ماندێلا کرد:
ماندێلا ئەگەر بە ڕێگادا بڕۆیت و سندوقێکت دۆزیەوە دوو جانتا لەناو ئەم سندوقەدایە.
جانتای یەکەم پارەی تێدایە و جانتای دووەم حیکمەت کام جانتا هەڵدەبژێریت؟
ماندێلا بێ دوودڵی لە وەڵامدا وتی:
بێگومان من جانتای پارەکە دەبەم.
پرۆفیسۆرەکە زەردەخەنەی کرد و بە گاڵتەجاڕیەوە وتی:
ئەگەر من لە شوێنی تۆ بوومایە جانتای حیکمەتم دەبرد.
ماندێلا بە ساردی وەڵامی دایەوە، هەموو کەسێک ئەوەی پێویستی پێیەتی دەیبات.
پرۆفیسۆر پیتەر پڕ بوو لە توڕەیی و ڕق و وڵامەکەی ماندێلای بە سووکایەتی زانی.
تا ئەو ڕادەیەی کە لەسەر وەرەقەی تاقیکردنەوەی ماندێلا “گەمژە”ی نووسی .
ماندێلا وەرەقەی تاقیکردنەوەکەی وەرگرت و هەوڵیدا ئارام بمێنێتەوە، لەسەر مێزەکەی دانیشت، دوای چەند خولەکێک ماندێلا هەستا و بەرەو پرۆفیسۆرەکە ڕۆیشت، بە تۆنێکی ئەدەبەوە پێی گوت: ناوی خۆت لەسەر کاغزی تاقی کردنەوەکەم نووسیوە بەڵام بیرت چووە واژۆی بکەیت.
به‌روار: 13/02/2025
60 جار خوێندراوه‌ته‌وه
|