|
ئاپۆدێلا
26 ساڵە تاریکیی دەرخوارد ئەیەن
ئەو چرای ڕووناکییە
پێمناڵێ ی خۆر چیە؟
26 ساڵە ئیرادەی ئەخۆن
ورەی ئەو هەر تێرە
پێمناڵێ ی دوژمن چیە؟
26 ساڵە بچوکی ئەکەنەوە
ئەو هێشتا کلیلی دەرگا گەورەکەیە
پێمناڵێ ی ئەفسانە چیە؟
26 ساڵە لە نەخشەی دائەبڕن
ئەو نەخشەی ڕێیان ئەداتێ
پێمناڵێ ی بەخشین چیە؟
26 ساڵە پێکی مەرگی ئەدەنێ
ئەو بە پێکەوەژیانەوە ئەیگرێ
پێمناڵێ ی ئاگایی چیە؟
26 ساڵە ئەیبەستنەوە
ئەو کە بچێ بۆ مێژوو
لە ئایندەوە دێتەوە
پێمناڵێ ی زیندان چیە؟
26 ساڵە دەرزی ڕقی لێئەدەن
ئەو شیفای ئاشتییان ئەدا
پێمناڵێ ی مەسیح چیە؟
26 ساڵە قاچی ئەبڕنەوە
کەچی ژن هەر لەسەر پێیە
پێمناڵێ ی پیاو چیە؟
26 ساڵە هەوای کۆنی ئەدەنی
هەناسەی ئەو: ژن ژیان و ئازادییە
پێمناڵێ ی فەلسەفە چیە؟
26 ساڵە لەبیر خەڵکی ئەبەنەوە
کەچی خەڵك هەر ئاپۆچیە
پێمناڵێ ی
ئاپۆ
چیە؟!
پەیکار عوسمان
هێلسینکی
به‌روار: 13/02/2025
35 جار خوێندراوه‌ته‌وه
|