|
بەرپرسە قاچاخچیەکان بەم کۆڵبەرانە دەڵێن: قاچاخچی
میدیای بەرپرسە قاچاخچیەکان بەم کۆڵبەرانە دەڵێن: قاچاخچی
ئەمان تانیا کۆڵێکیان لەپشت ناوە بەدوای پاروویەک نان بۆ بژێوەی خۆیان منداڵەکانیان، بەنێو بەفرو شاخدا تێدەپەڕن بۆ ئەوەی منداڵەکانیان برسی نەبن، زۆر جار یان دەکوژرێن ویان لە بەفردا بەجێدەمێنن..
بەرپرسەکان لە کۆشکە شاھانەکانیانەوە خاوەنی سەدان ملیۆن دۆلارن، ڕۆژانەش سەدان بارھەڵگری قاچاخی ئۆتۆمبیل و ھێلکەو جگەرەو دەرمان و فەرش و کەرەستەی کارەبای و نەوتی سوریا و بزن و مەڕ و مەنگا داخڵدەکەن...
پارە حەرامەکەش زۆرینەی دەبەنە دەرەوە...
لە بازاڕدا بە ئاشکرا نوسینگەی قاچاخچێتیان داناوە بە ئاسایشی بازگەو خاڵە سنوریەکان پاسەوانی بارە قاچاخەکانیان دەکەن.
دەزانیت ١٦ ھەزار ئۆتۆمبیلی خوار مۆدیلیان بە قاچاخ داخڵکردوەو قازانجی قاچاخچیەکان ١٠٣ ملیۆن دۆلار بوە..
ئێستا میدیای ئەم بەرپرسە قاچاخچیانە بەم کۆڵبەرە ھەژارانە دەڵێن : قاچاخچی!
ئەوەی لە بازاڕی دۆلارەکە نوسینگەی قاچاخچێتی داناوەو مانگانە ٣٠٠ ھەزار کارتۆن جگەرە بەقاچاخ دەھێنێت و ١٠ ملیۆن دۆلاری تەنیا لە قاچاخی جگەرە دەستدەکەوێت، میدیای قاچاخی بەم کۆڵبەرە کە تەنیا یەک کارتۆنی ھەڵگرتوە دەڵێ: وێنەی قاچاخجیەک!!
نەفرەت لەو بەرپرسەی قاچاخچێتی بەسەر میللەتی خۆیەوە دەکات!!
عەلی حەمە ساڵح
به‌روار: 04/01/2021
616 جار خوێندراوه‌ته‌وه
|