ئەمنێستی: بەڵگەمان لایە کە ئێران بە شێوازی توند مامەڵەی خۆپیشاندەران دەکات
خەندان-
ڕێکخراوی لێبوردنی نێودەوڵەتی ئەمنێستی رایدەگەیەنێت، بەڵگەی حاشاهەڵنەگری لەبەردەستە کە دەریدەخات هێزە ئەمنیەکانی ئێران بەشوازی زۆر توند و نایاسای مامەڵە لەگەڵ خۆپیشاندەراندا دەکات.
بەڵگەی ڤیدۆیی و وێنەیی، پێشێلکاری هیزە ئەمنیەکانی ئێرانی لەبەرامبەر بە خۆپیشاندەران خستوەتەڕو
ئەمنێستی بە هاوپێچ بەچەندین بەڵگەی ڤیدۆیی و وێنەیی، پێشێلکاری هیزە ئەمنیەکانی ئێرانی لەبەرامبەر بە خۆپیشاندەران خستوەتەڕو، سەرەرای ئیدانەکردنی ئەو کارانە داواش دەکات دەسەلاتدارانی ئێران بە بەرپرسیاریەتیەوە مامەڵە لەگەڵ دۆخەکەدا بکەن و ریز لە ئازادی بیرۆبۆچون بگرن.
تێڵا و کوتەک لەلایەن هیزە ئەمنیەکان بۆ دامرکاندنەوەی خۆپیشاندەران بەکارهێنراوە
لە راپۆرتی رێکخراوەکەدا ئاماژە بە بەکارهێنانی زەبروزەنگ کراوە و هاوکات باسیشی لە بەکارهێنانی "تێڵا و کوتەک" کردوە لەلایەن هیزە ئەمنیەکان بۆ دامرکاندنەوەی خۆپیشاندەران.
دوابەدوای روداوەکانی سەرەتای ئەم مانگە و خستنەخوارەوەی فرۆکەی نەفەرهەڵگری ئۆکرانی لە ئاسمانی ئێران لەلایەن سیستمی بەرگری ئەو وڵاتە، کە سەرەتا نکوڵی لێدەکرد و دواتر دانیپیادانا کە ئەوان خستویانەتە خوارەوە و بە "هەڵەی مرۆیی" بوە، سەدان کەس لە شارە جیاجیاکی ئێران رژانە سەر شەقامەکان و ئیدانەی ئەو کارەیان کرد.
بەرفروانبونی نارەزایەتیەکانی ئێران دژی ئەو روداوە تا دێت رەهەندی نیشتیمانی زیاتر وەردەگرێت و لە شەقامەکانی ناوەندی تاراندا بە دەنگی بەرز دروشمی" مەرگ بۆ درۆزن" دژی حکومەتی ئێران دەوترانەوە وەک ئاماژەیەک بۆ نارەزایی دژی دروشمی چەند ساڵەی ئێران بەناونیشانی" مەرگ بۆ ئەمریکا".
بهروار: 16/01/2020
285 جار خوێندراوهتهوه
|