7 تەموزی 1981

ئیسرائیل خولێک بۆ  ژمارەیەک فڕۆکەوانی خۆی دەکاتەوە بۆ ئەنجامدانی ئۆپەراسیۆنێک.
لە خولەکە بە بێ ئاماژە پێکردن بۆ هیچ ناو و شوێنێک ، ڕاهێنان بەژمارەیەک فڕۆکەوان دەکەن بۆ بۆردوومانی ئامانجێکی گەورە و گرنگ.

لە کاتێکا خولەکە هێشتا بەردەوامە ، سەرپەرشتیارانی خولەکە ژمارەیەک فڕۆکەوانی بەتوانا هەڵدەبژێرن ، بێ ئاگادارکردنەوەی خۆیان.

ڕۆژێک ئەو ژمارە فڕۆکەوانانەی هەڵیان بژاردووە ، بانگ دەکەن بۆ ناو ژمارەیەک ڤانتۆمی ئەمریکی کە هێزی ئاسمانی ئیسرائیلن ، و پێیان دەڵێن :
بچنە ناو فڕۆکەکان و بفڕن.

کە فڕۆکەکان بەرز دەبنەوە ، بە لاسکی پێیان دەڵێن : نەخشەیەک لە بۆکسی فڕۆکەکە هەیە، دەریبهێنن و دەزگای ئەتۆمی ئێراقیە لە باشووری بەغداد و بچن بۆردومانی بکەن.

لەماوەی تەنها دوو خولەکدا کورە ئەتۆمیەکانی ئێراق کە " دەوڵەتی فەڕەنسا" دروستی دەکرد ، خاپوور و وێران بوو.

ئەم چیرۆکە ساڵی 1983 " کاک ئەبو شەهاب کەرکوکی" لە گوندی دۆڵپەموو بۆی گێڕاینەوە ، کە ووتی " مام جەلال" بۆ ئەوانی لە سەرکردایەتی گێڕاوەتەوە.

شێرزاد عەزیز
مالمۆ.

ڤیدیۆی ئۆپەراسیۆنەکە لەم لینکەدایە:

سەیری ڤیدیۆکە بکە