|
مالومە و مالمۆ
مالومە و مالمۆ
کۆتایی 1984 لەگەڵ بێستوونی ڕەحمەتی و یوسف خانەقینی لە گوندی کاژاوی شارباژێرەوە چووین بۆ مەرگە.
ڕێمان کەوتە گوندی مالومە و مامۆستا ئەحمەد ڕەمەزانی زاوای کاک سیروانی عەبلی عەبانی ڕەحمەتیمان بینی کە مامۆستای گوندەکە بوو.
بردینی بۆ بارەگای " کۆمەڵەی یەکسانی کوردستان" و شەو لایان خەوتین.
دوو پێشمەرگەی لێبوو " کاکە عەبە و کاک کاوە".
کۆمەڵێک نامیلکەی " مارکس و لینین " یان بەشێوەیەکی جوان چاپ کردبوو.
چووینه مەرگە و من شێعرێکم" بە خەیاڵی خۆم" بۆ کۆمەڵەی ڕەنجدەران نووسی بوو ، پیشانی " حەمە موکریم" دا بۆ بڵاوکردنەوە ،ئەو ووتی: ئەمە شێعر نیە.
لە گەڕانەوەدا چووینەوە بارەگای کۆمەڵەی یەکسانی کوردستان/ ڕۆژهەڵات لە مالومە و ژمارەیەک نامیلەکە و نامەیەکیان بۆ ڕێکخراوی سلێمانی کۆمەڵەی ڕەنجدەران دامێ.
بەداخەوە نامەکە لە پزووی شەرواڵەکەم فەوتا و نامیلکەکانم گەیاندە " وەستا تۆفیقی خراجیانی" ئامۆزام.
لە چایخانەی شەعبیش کاک کاوەم بۆ سەعاتێ بینیەوە.
لە شەوی 2023.3.5 کاک کاوە پۆستێکی کۆمەڵەی یەکسانی پۆست کرد. هەڵبەت کاک کاوەم نەدەناسیەوە.
وەکو چەخماخە هاتەوە بیرەوەریم و لە مەسنجەرەوە نامەیەکم بۆ نارد.
و دواتر قسەمان کرد پێکەوە.
چ ڕێکەوتێکە تۆ مەڵێ کاک کاوەی ڤانکۆفەری وڵاتی کەنەدا کاک کاوەی مالومەی کۆمەڵەی یەکسانی کوردستانه.
نامەکە لە کۆمێنتە.
شێرزاد عەزیز
مالمۆ
وێنەکە گوندی مالومەیە کە سەردانی گۆڕی شەهید سەلاحی موهەندیسمان کرد
به‌روار: 10/03/2023
464 جار خوێندراوه‌ته‌وه
|