دوو هاوسەر پێکەوە کۆچی دواییان کرد
دوای ئەوەی سێ رۆژ پێش ئێستا دو هاوسەر لە سنوری قەزای ئامێدی بەهۆی گڕگرتنی سۆبای ماڵەکەیانەوە سوتان، ئەمڕۆ هەینی هەردوکیان گیانیان لەدەستدا.
هێمن سلێمان، وتەبێژی پۆلیسی دهۆک رایگەیاند؛ بەرەبەیانی ئەمڕۆ هەینی ئەو دو هاوسەرە گیانیان لەدەستداو و دوای خۆیشیان دو منداڵیان بەجێهێشتوە کە یەکێکیان تەمەنی هەشت مانگە و ئەوی دیکەش تەمەنی حەوت ساڵانە.
ئاماژەی بەوەشکرد، تەرمەکان رادەستی کەسوکارەکانیان کراونەتەوە و بڕیارە ئەمڕۆ لە گۆڕستانی شاخکێ لە دهۆک بەخاک بسپێردێن.
روداوەکە 31ی مانگی رابردو لە گوندی کانیکی سەر بە شارۆچکەی بامەرنێ لە قەزای ئامێدی رویدا، پیاوەکە ناوی دڵشاد رەمەزانە و تەمەنی 35 ساڵان بو، هاوسەرەکەشی ناوی بەهیە جەعفەرە و تەمەنی 30 ساڵ بوە.
کەی ئێن ئێن
بهروار: 03/02/2023
254 جار خوێندراوهتهوه
|