|
خۆشەویستی و قەڵەوی 🤣
توێژینەوەیەک دەڵێت "ئەوانەی دەکەونە داوی خۆشەویستییەوە، ئارەزووی خواردنی زیاتر دەکەن و قەڵەودەبن"، ئەمە بەمەرجێک خۆشەویستییەکە دوولایەنە بێت، بەڵام بەپێچەوانەوە ئەوانەی یەکلایەنە دەکەونە داوی خۆشەویستییەوە، خەوو خۆراکیان نامێنێت.
برادەرێکم یەکلایەنە کچێکی خۆشدەویست هەموو ڕۆژ دەهات دەیوت خەوو خۆراکم نییە، وتم کاکە یەکجار بڕۆ پێی بڵێ‌و ڕزگارت دەبێت لەم دوودڵییە، ڕۆژێک برادەرەکەم بینییەوە، پێیوتم: ڕەحمەتت لێبێت، پێموت، ڕەفزێکم وەرگرت‌و بەنجەکە بەریدام..
هەر لەسەر ئەم بەزمە، دەڵێن حاجییەک وتبووی خۆشەویستی جاران پاکبوو، بەخوا حەوت ساڵ ئافرەتێکم خۆشویست، هەر نەمهێشت بشزانێت. لەمە سەیرتر گەنجی ئێستا ئاشقی وێنەی پڕۆفایلی فەیسبووک دەبێت، دانەیەک وتی فەیسبووکێکم بەناو کچەوە دانا، لەگەڵ کوڕێک قسەم دەکرد، دوای چوار مانگ پێموت کچ نیم‌و کوڕم، دوای ئەوەی زانی، وتی؛ تخوا قەینا تازە خووم پێوە گرتووی، هەر قسەم لەگەڵ بکە.
جارێک گەنجێک بەماتۆڕێکەوە لەبەردەم مەکتەبی کچاندا خۆی عەرز دەکات‌و پێشی ماتۆڕەکە بەرزدەکاتەوە، ماتۆڕەکەی وەردەگەڕێنێت‌و خۆی خەڵتانی خوێن دەکات‌و ددانێکیشی دەشکێت، کچێک دێت بۆلای کوڕەکەو پێیدەڵێت؛ ها ئەوە ڕەقەمی خۆم‌و چوار کچی هاوڕێم، بەڵام عەیبە بۆکچ ئاوا خۆت سووک ئەکەی.
لەهەمووی خۆشتر ئەوەیە کوڕ لەم وڵاتە لەهەرکوێیەک ئافرەت ببینێت؛ دەکەوێتە داوی خۆشەویستییەوە، دەڵێن گەنجێک لەسەر کچێک حەوت چەقۆی لەخۆی دابوو، کە بردبوویانە تەوارییەکە لەوێ ئاشقی سستەرەکە ببوو!! هههههه..
مەشهوور
به‌روار: 31/01/2023
311 جار خوێندراوه‌ته‌وه
|