نوێژێک هەیە لە دڵدا دەکرێ


عەتتاری نەیشاپووری لە یەکێک لە چیرۆکەکانیدا دەڵێت :-
سەگێکی گەڕی بێ لانە و برسی و پیس و پۆخڵ لەناو بازاڕ خۆی بەیەکێک لە شێخەکاندا دەماڵی ، شێخیش گویی نەدەدایە و سەگەکەی دور نە دەخستەوە و دەڕۆیشت ، یەکێک لە هاوەڵەکانی کابرا ، وتی قوربان ئەم سەگە بۆ دور ناخەیتەوە ؟ شێخەکە وتی (ڕاستە ئەم سەگە زاهیرێکی پیسی هەیە ، بەڵام من باطنێکی پیسترم هەیە)

چۆن لە شتێک هەڵبێم و ڕاوی بنێم کە لە خۆمدا بە زیادەوە هەیە ، دەرونپیسی و خەیاڵپیسی و بینینی پیس و گوتنی پیس و بیستنی پیس ، خراپترە لە هەموو پیسیەکانی تر ،

پیسی ئەم سەگە ئەگەر بەریشمان کەوێت و لە تەنیشتیشمان بخەوێت بەئاوێک و کەمێک خۆڵ دەڕوات ، بەڵام پیسی دەروونمان تەمەنێکی دەوێت تا پاک دەبێتەوە .
...........................................
گۆماوێکی وەستاوی لێڵ لە ڕوبارێکی پرسی :-
چۆن چۆنییە ئاوا بەو شێوەیە خاوێن و بەخوڕی ؟
ڕوبار وتی من تێدەپەڕم .

ئەوەی بەدیار شتی بچوکەوە بوەستێ لێڵ دەبێت ،دەبێت وەک ڕوبار بەتەنیشتی یەکدا تێپەڕین گەر دەمانەوێت بەڕونی بمێنیینەوە .
.....................
نالی دەڵێت:-
(ئەم ئەرزە مەزرەعەی عەمەلە و گوڵخەنی ئەمەل
هەندی بووە بە مەسجید و، هەندی بە مەزبەلە)

زەوی کێڵگەی کردەوەیە و وەک تونی حەمام هەرچی تێکەی دەیسوتێنێت ، ئەوەی بە دەرونی پاکەوە بەرگڵاویش بکەوێت خودا وەک باشترین شوێن لێی وەردەگرێت ، ئەوەشی بەدەرونی پیسەوە بچێتە پاکترین شوێن خودا وەک چونی بۆ خراپترین شوێن لێێی وەردەگرێت

حەمدی وتەنی:-
(بەجل پاکی دروست نابێ نوێژی زاهیدی دڵپیس)

بەخۆ خەڵەتاندن و زاهیر و ڕیاکاری و دەست لەملان و ستایشی ڕوو بەڕوو، هەرگیز دایناپۆشی زەم و ئیرەیی و ڕق و دووڕووی و فیتنەیی و ڕاپۆرتی ناو دڵ.

چون لەڕاستیدا نوێژێک هەیە لە دڵدا دەکرێت نەک لەسەر بەرماڵ ، دەستوێژێک هەیە بە ئاکار هەڵدەگیرێت نەک بە ئاو ،
پیساییەک هەیە بە خەیاڵباشی و نیەتباشی لاچێت نەک بە قوڕ ،
پەرستشێک هەیە خاڵسەن بۆ خودایە نەک بۆخەڵکی، لە هەرشوێنێک بێت دەتوانی نییەتی لێبهێنیت ،
ڕۆژوویەک هەیە بە قسە ئەشکێت ، نەک بە خواردن ، گڵاوییەک هەیە لە خەیاڵەوە پیسمان ئەکات نەک بە بەرکەوتنی شتێکی تر.

نوقتە سەری دێڕ ..
هێمن عەبدولقادر
به‌روار:  02/12/2022
159   جار خوێندراوه‌ته‌وه
  بابه‌تی زیاتر ...

دوێنێ فیلمی کۆبانێ (Kobanê)پیشاندرا لە سینەما لە ستۆکهۆڵم، فیلمێکی باڵکێش بوو. ئەو کاتەی کە داعش هێرشی کرد بۆ سەر کۆبانێ لە پایزی 2014 بوو، هەموو ئاگاداری ڕووداوەکان درێژه‌ ...
بەداخەوە کەسایەتی ناسراوی چالاکوانی ژنان " مەبجەل ئەدیب عارف بابان" لە تەمەنی نەوەد ساڵیدا لە شاری لەندەن  کۆچی دوایی کرد.

سێ ساڵ پێش ئێستا بانکی ناوەندی عێراق درێژه‌ ...
خاوەن خەڵاتی نۆبڵی ئاشتی، لە بارەی ناڕەزایەتییەکانی ئێران رایگەیاند “پرۆسەیەکی شۆڕشگێڕانەی نەگەڕاوە”یە و  ڕژێمی ئێران دەڕوخێت.

شیرین عیبادی  چا درێژه‌ ...
دوای ئەوەی سێ رۆژ پێش ئێستا دو هاوسەر لە سنوری قەزای ئامێدی بەهۆی گڕگرتنی سۆبای ماڵەکەیانەوە سوتان، ئەمڕۆ هەینی هەردوکیان گیانیان لەدەستدا.

 هێمن سلێمان، وتەبێژ درێژه‌ ...

ژنێکی سویدی دارتاشێک دەبات بۆ ماڵەوە و دەڵێ : کە شەمەندەنەفەرەکە بەلای ماڵماندا دەڕوات کەنتۆرەکە تەقە تەق دەکات.
دارتاشەکە سەیر دەکات کەنتۆرەکەیان عەیبی نیە و دەڵێ: درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   872
کۆی سه‌ردان:   27224635