شوكور مستەفا لەسەرەمەرگدا بۆ ژنەكەی
شوكور مستەفا لەسەرەمەرگدا بۆ ژنەكەی:
وەرە سینگ و مەمكت بێنە سەرم لەسەری دانێم، با لەسەر ئەم سەرینە ساردوسڕە نەمرم
شوكور مستەفا، لەسەرەمەرگدا خەمی (واو)ەكانی نووسینەكەی بووە

زۆرجار وەرگێڕ دەبێتەوە بە نووسەرە ئەسڵەكە خۆی، چۆن؟ من هەمیشە بە زمانە شیرین و كوردییە پەتییەكەی مامۆستا عەبدوڵڵای حەسەن زادە، رۆمانەكانی عەزیز نەسین-م خوێندۆتەوەو هەر وا دەزانم بەو زمانە نووسراوە، هەروەك چۆن رۆمان و نووسینەكانی یەشار كەمال-مان بە كوردییە پاراوو بێ‌ غەل و غەشەكەی مامۆستا شوكور مستەفا خوێندۆتەوەو من و زۆر خوێنەریش هەر وا دەزانین بەم زمانە دەقە ئەسڵەكە نووسراوە... بۆیە وەرگێڕ دەتوانێت رۆح بكات بە بەری دەقە ئەسڵییەكە و بەپێچەوانەشەوە دەتوانێت وێرانی بكات.
مامۆستا شوكور مستەفا، كە بابەتی سەرەكی نووسینەكەمە، ئەوەندە وەرگێڕو زمانزانێكی گەورەیە، كە كورد بۆ هەمیشە دەبێت وەكو خوێندنگەیەكی پڕۆفیشناڵ لە زمان و رێنمایی و رێنووسەكانی ئەم كەڵە نووسەرە بڕوانێت. لەم رۆژانە بە سودفە یەكێك لە پۆستەكانی هاوڕێی شاعیر بێكەس حەمە قادرم كەوتە بەرچاو، كە دوا وەسیەت و قسەی مامۆستا شوكور مستەفایە كاتێك لە نەخۆشخانەیەكی هەولێر، دكتۆرەكان هیچ چارەیەكیان نامێنێت ، لەو كاتەدا، بانگی نووسەرێك دەكات كە پێدەچێت زمانزان و هەڵەچنی گۆڤارێكی ئەدەبیی بێت بەناوی (سەركەوت وەلی)و ئەمەش دەقی دوا گفتوگۆی شوكور مستەفایە كە پێش مردنیشی هەر لە خەمی زمان و رێنووسی كوردیدا بووە:
" نیوەڕۆیەك زەنگی تەلەفۆنەكەم لێیدا، هەواڵی ئەوەیان پێڕاگەیاندم كە مامۆستا شوكور مستەفا لە نەخۆشخانەیە و داوات دەكات، بە پەلەپڕووزێ خۆم گەیاندە لای، لە نەخۆشخانەی هەولێری فێركاری بوو، بەشی بووژانەوەی دڵ.. دیار بوو هەستی بەوە دەكرد ئەوێ دوایەمین مەنزڵگای دەبێ لەسەر زەوی.
دوای ئەحواڵ پرسین، گوتی: بۆیە بەدوای تۆم ناردووە تا لە بری من كارێك بكەی.
گوتم: فەرموو مامۆستا.
گوتی: نووسەرێكی ڕۆژهەڵاتیی بە ناوی ئەحمەد كاكەمەمی كە ئێستا دانیشتووی وڵاتی سویدە، كتێبێكی فێربوونی ئەلفوبێی كوردی بە چوار بەرگ بۆ منداڵانی كورد نووسیوە، بەڵێنی ئەوەم پێدابوو كە سەرپەرشتی چاپی كتێبەكەی بۆ بكەم، لێ پێدەچێ مەرگ زووتر بێ، دەتوانی ئەو كارەم بۆ بكەی؟
گوتم: بەڵێ دەیكەم.
كاغەز و قەڵەمێكی لە دەست بوو، گوتی: راوەستە با نامەیەكت بۆ بنووسم، نامەكە بگەیەنە دەست كاك كەمال كەریمی لە حزبی دیموكرات، نامەكەشی ئاوا دەستپێكرد ((لە ژووری بەرەو ئەو دنیاوە....)).. لەم كاتەشدا دوو دكتۆر لەوێ بوون سەیری پشكنینەكانیان دەكرد، یەكیان بە زمانی ئینگلیزی گوتی: ((تەواو، كۆتایی هاتووە و چارەی نییە))، لەم كاتە، مامۆستا شوكور بۆ ساتێك وەستا و بە لا چاوێك سەیرێكی كردن، توند دەستمی گرت و گوتی: دوا تكام لێت ئەوەیە لەو نووسینەی لە گۆڤاری رامان لەلاتە ئاگات لێبێ (واو)ـەكان لەگەڵ وشەی پێش و پاشی لەیەك جیا بكەوە... یەكێك لە دكتۆرەكان گوتی: مامە قسە مەكە باش نییە، هاوسەری مامۆستا شوكوریش گوتی ئێ مەلا وا دوكتۆر یێژێ قسە مەكە خراوە، مامۆستا كە باش لە ئاخافتنی دكتۆرەكان تێگەیی بوو، گوتی: ژنێ ئەوا دوكتۆرەكان یێژن ئەمری، وەرە سینگ و مەمكت بێنە سەرم لەسەری دانێم، با لەسەر ئەم سەرینە ساردوسڕە نەمرم".
شوكور مستەفا، لەسەرەمەرگدا خەمی (واو)ەكانی نووسینەكەی بووە، وەلێ‌ دەبێت ئەم پیاوە لە ژیانی رۆژانەی خۆی چەندە دڵسۆز بووبێت بۆ زمان و نەتەوەو رێنووسەكەی، دوا سەرنجی مامۆستای نەمر، لەسەر زمانی كوردیی ئەمەیە كە بڵاوی كردۆتەوە:
"... زۆرم حەز دەكرد زمانی كوردییش وەك زمانانی تر بەتەواویی بخەمڵایە و زێدەتر لە ئێستای پێش بكەوتایە و بووبووایەتە زمانێكی هاوچەرخی وا كە پێداویستییەكانی ئەم سەردەمەی ئێمەی بە پێكەڵی چارەسەر بكردایە....
زمانەكەمان، كارەساتەكانی رۆژگار و هەڵەنگوتن و باری رابردووی كوردیش بەهەموو دژوارییەكەوە نەیتوانیووە لەناوی ببا. فۆلكلۆر و ئەدەبی كوردیی نووسراو، ئەو سامانە بەجێماوەی میللەتەكەمان روونترین بەڵگەی ئەم قسەیەمانن و ئەوەی ئەركی سەرشانی هەموو رۆشنبیرێكی كوردیشە ئەوەیە كە بە گیانێكی كوردپەروەرانەوە سەیری زمانەكەمان بكا و بەرژەوەندیی پێشخستن و پاراستنی زمانەكەش بخاتە پێش هەموو بەشێكی ترەوە... دەبا بۆ خزمەتی زمانی پاك و شیرینی كوردی بێ پشوودان تێبكۆشین."
مەریوان مەسعود
به‌روار:  19/09/2022
59   جار خوێندراوه‌ته‌وه
  بابه‌تی زیاتر ...

فەلسەفەی قەدەغەکردنی خولی لەبەرکردنی (قورئان و فەرموودە) چییە؟ ئێ زۆر سروشتییە لە دیموکراسیدا ڕەنگە جیاوازەکان مومارەسەی فکرەکانی خۆیان بکەن، ئەرکی حیزبی و دینی خۆیانە ئیسلا درێژه‌ ...
دکتۆر مەحمود عوسمان دەڵێ:
ساڵی (2004) ئه‌ندامی ئه‌نجومه‌نی حوكم بوم، ڕۆژێكیان ده‌چووم بۆ ده‌وام له‌ناوچه‌ی سه‌وز، ئه‌وكاته‌ ئه‌مریكیه‌كان ناوچه‌ی سه‌وزیان ده‌پاراست‌و سه‌رپه‌ درێژه‌ ...
خوێندنەوەیەك بۆ رووداوەكانی رۆژهەڵاتی كوردستان وئێران
پەیامێك بۆ میللەتی خۆمان لەرۆژهەڵاتی كوردستان
د. كامەران مەنتك
چی لە ئێران دەگوزەرێت؟ ئەوەی روودەدات ئایا شۆ درێژه‌ ...
خەونەکەی خۆتم پیشاندە
ئێران و کێشەی گۆڕانکاری لە خۆرهەڵات

بەشی دووەم
ئەلتەرناتیڤ لە کێ و لە کوێوە دەست پێدەکات؟

ئەوەی لە ئێران دەگوزەرێت، هەڵگ درێژه‌ ...
دیمەنی شەوانی ئاسمان دەشێوێنرێت..!
چۆن و کێ ئەم کارە دەکات..؟

دوای چەند ساڵێکی تر سروشت و جوانی ئاسمان بەتەواوی دەشێوێت...

دیمەنی ئەو زنجیرە ڕووناکی درێژه‌ ...
وەبیرم دێ کاتێک خومەینی مرد لە ڕۆژی ڕێوڕەسمی ناشتنەکەیدا بەڕێوەبەری ڕادیو ئەمریکا ئەحمەد ڕەزا بەهارلو لە ڕێگای تەلەفۆنەوە وتووێژێکی لەگەڵ سیاسەتمەداری ناسراوی جیهان، وەزیری پێ درێژه‌ ...
سەڵاحەدین دەمیرتاش لەرێگەی باشاك دەمیرتاشی هاوسەرییەوە پەیامێکی لەبارەی کوژرانی ژینا ئەمینی بڵاوکردەوە و وەک پاڵپشتییەك قژی تاشی.

سەڵاحەدین دەمیرتاش دەڵێت: بەرخۆدان بە درێژه‌ ...
خەونەکەی خۆتم پیشاندە
ئێران و کێشەی گۆڕانکاری لە خۆرهەڵات
بەشی یەکەم

ساڵانێکی زۆرە بەڵگەنەویستێکی سیاسی زۆر ڕوون باڵی بەسەر خۆرهەڵاتدا گرتووە. ئەویش ڕەتکر درێژه‌ ...

لە ناوەڕاستی ساڵی خوێندندا مامۆستای پۆلەکە بەهۆی کێشەکانیەوە بۆ ماوەیە پۆلەکەی بەجێهێشت و مامۆستایەکی نوێ بۆ ماوەیەکی کاتی جێگەی گرتەوە. بۆیە دەستی کرد بە وانە وتنەوە و دوا درێژه‌ ...
هاونیشتمانییانی ئازیز، دۆستان و هاوڕێیان

ئاگادار کرامەوە ئەمشەو ڕێکەوتی ٣٠ی خەرمانانی ١٤٠١ی هەتاوی لە کاتی خۆپێشاندان و ناڕەزایەتی دەربڕین بە مەرگی هۆڤییانەی ژینا ئە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   1409
کۆی سه‌ردان:   26428110