|
ئاوی پیسی سلێمانی
🔺هەڵكەوتەی جوگرافیی سلێمانی كاردانەوەی خراپی هەیە لەسەر باری تەندروستی ..ریچ لەگەشتەكەیدا وای نوسیوە.
🔺فەرامۆشكردنی كەرتی تەندروستی لە لایەن عوسمانییەوە كاریگەری هەبوو لەسەر داڕمانی كۆمەڵ.
هاشم جەواد
🔺لەسەردەمی دەسەڵاتی عوسمانی نەخۆشی گوولی لەسلێمانی بڵاوبووە ئەوكەسەی توشی دەبوو یەك پارچە لەشی گەڕو گول دەبوو ،تەنانەت كەس نەیدەوێرا بەلای نەخۆشەكەدابچێت ،كە دەشمردن كەسەكە لەگردێكی دور دەیانشاردەوە كەناونرابووگردی گولان.
محمەد رەسوڵ هاوار لە كتێبی شێخ مەحموودی قارەمان.
🔺ئاوی سلێمانی پیس بوو هاوینانیش زۆرگەرم ورەشابەیەكی تۆزاوی وشكی هەیە كە هەمووی نەخۆشییە .میجەرسۆن
🔺ساڵی ١٨٣١بۆ یەكەمجار رشانەوە رووی لەسلێمانی كرد و بەرشانەوە گەورەكە ناسرا كە چەند هەزار كەسێكی كوشت .جەمال بابان .
🔺لەنێوان ساڵانی ١٩٠٤بۆ١٩٠٥دوبارە سكچون ورشانەوە رووی لەسلێمانی كردەوە ،خەڵك ناوی نابوو چاوە قوڵە نزیكەی ٧٧٠٠كەسی كوشت .مەلامحەمەدی چروستانی لە بیرەوەرییەكانیدا دەگێڕێتەوە:ئەم نەخۆشییە ئەوەندە مەترسیداربوو كەس نەیدەوێرا یاسین بەسەر نەخۆشدا بخوێنێت .
🔺دوای ئەوەی شەڕ ی جیهانی یەكەم تەواو بوو كاتێك ئینگلیزەكان داخڵی سلێمانی دەبن سەدان لاشەی مردوو لەسەر شەقام وخانووەكاندا كەوتووبون ،هەندێكیان لەبرسا وهەندێكیان بەهۆی سكچونەوە .بۆیە دەستیانكرد بە پاكردنەوەی لاشەكان و چەند دكتۆرێكیان هێنا لەگەڵ خۆیان .
🔺لەژمارە ٩٩پێشكەوتن لەساڵی ١٩٢٢جاڕنامەیەك بڵاوكراوەتەوە داوا لەخەڵكی سلێمانی كراوە كە بچن خۆیان بكوتن چونكە ئاوڵە زۆربووە كە چی لەكۆی ١٥هەزار كەس تەنها ٦٠٠كەس خۆیان كوتیوە.
🔺ئەمین زەكی بەگ دەنوسێت :نەبونی تەشكیلاتی سەحیی موسیبەتێكی گەورەیە . لەساڵی ١٩٢٨وای وتوە
🔺پیرەمێردیش لە ژیانی ساڵی ١٩٢٨جاڕنامەیەك بڵاودەكاتەوە داوادەكات سەوزە بشورێتەوە ، لەنیوەڕوانی گەرمدا شیریش نەخورێتەوە
🔺رەفیق حلمی دەنوسێت:رۆژانە لەسلێمانی دەكەسێك دەمرد هەم بەهۆی نەخۆشییەوە هەمیش بەهۆی برسێتییەوە .لەتوانای بەلەدییە نەما لاشە بشارێتەوە .هەر لاكۆڵان و ماڵ و مزگەوتی داڕوخاوبوو تەرمی ئاوساوی شین بووە یان نیوە لاشە خوراو كەوتووبوو.خەڵكی زیندوو لە دیمەنی ئەو لاشەكەوتوانە زەندۆقی دەچوو .
🔺لازاریڤ دەنوسێت :پەتای كۆلێرا و ژانە سك دەیان هەزار كوردی لەناوبرد
*چیرۆكەكان زۆرن
بەڵام باكەمێك نزیك بینەوە :
🔺لەگۆڤاری رەنگینی ساڵی ١٩٨٩هاوارنامەیەك بڵاودەكرێتەوە لەسەر خراپی ئاودانی سەوزەكانی دەوروبەری شاری سلێمانی
بەدەق دەنوسرێت :ئاخر بەئاوی پیسی پاشەڕۆ سەوزە بۆ سلێمانی دێت
🔺بەهرۆز قەشانی كە پارێزگاری سلێمانی بوو داوای كرد كە چارەسەری مەسەلەی ئاوی پیس بكەن و پرۆژەیەكی پێشكەشكردبوو بەڵام پارەی بۆ دابیننەكرا.
محەمەد نوری
به‌روار: 21/06/2022
480 جار خوێندراوه‌ته‌وه
|