|
كچی خۆڵەکە ”بنت زبال"
ناوەكەمیان لەبیر چوبویەوە بەو ناوە لە خوێندنگاو كۆڵان و شەقام بانگ دەكرام!!
بابم كرێكاری شارەوانی بوو ماڵەكەشمان ئاسایی بوو ..
ئێمە خاشاكمان نەدەخوارد وەك ئەوان وێنایان كردبوو وەك هەمو ماڵەكان خواردنمان لێدەناو پێكەوە شەو چەرەشمان هەبوو قاقاشمان لێئەدا.
ئەمن خوشكە گەورەی سێ كوڕو دوو كچ بوین،لەبەر ئەوەی كچی خاشاك كۆكەرەوەبووم بێئاگا بوون لە زیرەكیم، كەمێكیان ئەیاندواندم
ئەوانی دی پێیان شەرم بوو هاوڕێیەتیم بكەن.
ڕۆژێك مامۆستا لێی پرسیم حەزت لێیە ببیە بەچی؟
خوێندكار دی وەڵامی داوە”ئارەزوی بە خۆڵ و خاشاك كۆكردنەوەیە” هەموان پێم پێكەنین ئەمنیش بە كوڵ گریام،مامۆستاكە نوسانمی بە سنگیەوە بە گوێیدا چرپاندم خۆت زیز مەكەو لە پیشەكەی بابیشت شەرم مەكە، بابی منیش پاسەوانی ئەپارتمانێ بوو قادرمەكانی دەسڕینەوە و پۆشاكی كۆنیشی بۆ دەهێناین و پێشمان شەرم نەبوو، ئازابە!!
بەڵێ ئیدی بڕیارم دا ئازاو بەهێزبم ڕێگەش نادەم ببمە گاڵتەچی كەس و خوشك و براكانیشم فێركردن لە ئەمن بەهێز تربن، ڕێگە بە ڕۆژگاریش نەدەین تێكمان بشكێنێ...
ساڵانێك تێپەڕین و لە تاقی كردنەوەی بەكەلۆریدا نمرەیە زۆر باشم هێناو چومە كۆلێژی پژیشكی
ئیدی شتەكان هەڵگەڕانەوە گوێم لێدەبو دكتۆرە ڕۆشت دكتۆرە هاتەوە...
لە خۆشیان پێم لە عەرز نەدەكەوتن هەستم دەكرد دەفڕم...
كۆتەكانم شكاند و ئەوانەشی ڕۆژێ لە ڕۆژان پیم پێدەكەنین ،تۆڵەم لێ نەكردنەوەو دەرهەقیشان خەمساردیم نەنواند...
هەنوكە دوان لە براكانم ئەندازیارن و سێهەمیش لە كۆلێژی پزیشكی ددان دەخوێنێو خوشكیشم سەیدەلیە دەخوێنێ.
هاوسەر گیریم كردوو دایكی دوو منداڵم .
زەحمەتە ئەو ڕۆژانە بیر بچنەوە كە بەمناڵەكانی ”خۆڵو خاشاك”كۆكەرەوە ناوزەندیان دەکردین
ئەو ناوزەند كردنە زیاتر ڕۆحی باوكمانی ناڕەحەت دەكرد،بۆ ئێمە فەخر بوو باوكێك بە پاروی حەڵاڵ گۆشمان بكات.....
پێم باشە مناڵەكانتان فێر بكەن ڕێز لە كەسانی دەورو بەر بگرن و جیاوازی لە نێوان پاسەوانێك و وەزیرێكا نەكەن.....
نووسینی: دكتۆرە رولا الأبيض
ئێستا مامۆستای جوملەی عەسەبیە لە حەلەب
وەرگێڕانی ئەحمەدكریم
به‌روار: 19/06/2022
623 جار خوێندراوه‌ته‌وه
|