چەخماخە
هەر خۆتان نین.
ئێوە کە هەورە تریشقەی پێش رێژنە و
ئاوێنەکانی ڕووبارو، بەژن و باڵای دار چنار و،
سوورە گوڵ و، پۆلە مەلی، بەیانیانتان دەگەڵ دابێ
هەر خۆتان نین
هەموومانین!
ئێوە لە سەر ئەو جادانە
کە دەڕابەی هەر چی دوکان و بازاڕی داخراوە
لەگەڵتان بێ. چی خشتی تووڕەی دیوارەو
هەرچی پایەی کۆنکرێتی ڕاوەستاوەی شارەکانەو
هەر چی شووشەی پەنجەرەیەو چاوی ماڵە
لەگەڵتان بێ
هەر خۆتان نین .
هەموومانین بە پەلکە گیاو بە پەنجەرە
بە هەناسەو بە شنەوە
بە قژی سەرو و دەوەن و
بە بنچک و بە بێشکەوە.
هەر خۆتان نین.
ئەوەی گەڵای دارستانی لەگەڵ دابێ چۆن تەنیایە؟؟
ئەوەی خەونی منداڵان و چاوی ئاو و
ئەو هەموو پەیژەی گزنگ و
ئەو هەموو باڵەفڕێی زامانەی
لەگەڵدابێ. چۆن تەنیایە؟
...
هەر خۆتان نین
وەختێ جادە بانگی کردن:
ئەو هەموو کورسیە چۆڵانەی قوتابخانە و
خاڵیبوونەوەی مزگەوت لە ویرد و نوێژ
خاڵیبوونەوەی گەڕەک لە شەوقی یاری و
سارد بوونە وەی چای چایخانە و
ڕستەی پچڕاوی سەر تەختەو
ڕیشی نیوە نەتاشراوو
پاروویەکی نیوە خوراوو
پێتان ئەڵین:
هەر خۆتان نین هەموومانین.
ئەوکاتەی ئێوە سروودی دار و بەردن
گەرووتانین.
کە مەوجدانەوەی ئازاری سەر شەقام بن
هاژەتانین .
هەر خۆتان نین
پەنجەکانی دەستتان ئێمەین
با مەچەکیش ئی خۆتان بێ.
ڕەنگەکەتان ئێمەین و
با وێنە کەیش هی خۆتان بێ!
سەروملتان هێ خۆتانەو بەڵام سینەو
خۆرپەی دڵ و بە تایبەتی
برینەکانتان هی ئێمەن.
چوار گوێچکیلەین و یەک دڵین .
چوار پەنجەرەین و یەک ماڵین.
چوار کارێزین و یەک باخچەو
چوار هەنگاوین و یەک ڕێگا.
...
هەر خۆتان نین
تەماشاکەن:درەختێکتان لێ ئەکوژن
من لێرەوە،بەژنی سپی
درەختەکەم خوێنی لێدێ.
کڵپەیەکتان لێ ئەگیرێ.
من لێرەوە
هەناسەی ژورم تەنگ ئەبێ.
لە لای ئێوە کانییەکی بچووک بگری
من لێرەوە مندالێکم تینووی ئەبێ.
تەماشاکەن:باڵی تەیرێک ئەکەن لەوێ
من لێرەوە
وشەم نافڕی!
دە گوێش بگرن
ئەو وژە وژەی لای منە
هی خەمەکانی ئێوەیە
ئەم گڤە گڤی پەخشانەیش
هی دەنگی خوێنی ئێوەیە
تەماشاکەن:ئەو کوڕبوونەوەی شانانەم
هی هەڵگرتنی تابووتی
جۆگەلەکانی ئێوەیە.
...
ئەوەی تەنیایەو گوڵێکی دەگەڵ نییە
یەک پەپوولە دۆستی نییە
هەر ئەوانن.هیچیان نییە
نە عەشق نە پەروانەو نە مانگە شەو
ئەوان هەرگیز نە خوا ئەبینن و نە خەو!
شێرکۆ بێکەس
به‌روار:  20/11/2021
83   جار خوێندراوه‌ته‌وه
  بابه‌تی زیاتر ...
لە سەردەمی صدامی خوێڕی
من قوتابی صناعەی ١٧ ی تموز بووم لە شێخ محێدین ،
خۆمان ماڵمان لە سەرچنار بوو
بۆ حەقی هاتووچۆ و لەفە درێژه‌ ...

ساڵی 2012 چوومە ئیستەنبۆل، هەفتەیەک لەوێ بووم و بەفڕۆکە هاتمەوە ئامەد و چەند ڕۆژێکیش لەباکوور مامەوە. پانتۆلێکی کاوبۆم لەئیستەنبۆل کڕیبوو و تۆزێ درێژبوو، لەئامەد چوومە دوکان درێژه‌ ...
دوای حەوت مانگ لە بەكارهێنانی هەموو جۆرە چەکێکی پێشکەوتوو لە شەڕەکانی زاپ و ئاڤاشین و مەتینا لەلایەن دەوڵەتی توركەوە، بەڵام دواجار هەر شکستی هێنا و لەسەر دەستی گەریلاکانی ئازادیی ک درێژه‌ ...


وەزیری ناوخۆی فەرەنسا رایگەیاند 31 ژن و پیاو و منداڵی کۆچبەر لە کەناراوەکانی ئەو وڵاتە خنکاون و دەڵێت، قاچاخچییەکان بەرپرسیارن لەم تراژیدیایە. ئەوەش بە گەورەترین کارە درێژه‌ ...
سەرلەبەیانی ئەمڕۆ لە پارلەمانی سوید کاندیدی سەرۆکی پارلەمان بۆ پۆستی سەرۆکوەزیران کە سەرۆکی سۆسیالدێموکراتەکان ماگدالێنا ئاندێرشۆن بوو خرایە دەنگدان و بۆ یەکەم جار لە مێژووی سوید ژ درێژه‌ ...

لە بەشی ناوخۆیی بووم لە سەردەمی خوێندنمدا لە ئەکادیمیای هونەرە جوانەکانی بەغدا، ئەو ساڵەی پەیوەندی بە باسەکەمەوە هەیە بەشە ناوخۆییەکەی منی تێدا بووم لە تەنیشت یانەی فەرمانبە درێژه‌ ...
🔻 هەولێر: وەزیری دەرەوەی سوید لەگەڵ مامۆستا بەدەل بەرواری و چەند چالاکوانێک کۆبوەوە
مامۆستا بەدەل بەرواری لە پەیجی خۆی لە تۆڕی کومەڵایەتی فەیسبوک نوسیویەتی:
دیدارا ( آ درێژه‌ ...


ئەی نیشتمان لێم ببورە...
كە بەجێت دێڵم ناچارم
كە رێی هات و نەهات ئەگرم...
بێ‌ ئایندەم،زۆر بێزارم

ئەی نیشتمان كاتێ‌ بەعس...
ئەی درێژه‌ ...


١) کە لەساڵی (١٩٧٠) چوومە زانکۆی بەغدا ــ کۆلێژی ئاداب، بەشی زمان و ئەدەبی ئینگلیزی، هەموو (٢٠)ی مانگێک، حکومەت (٧) دیناری بە قوتابییەکانی بەشی ناخۆ دەدا. کە دەیکردە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   699
کۆی سه‌ردان:   24678929