ئێران جارێکی دیکە هەڕەشە لەهەرێمی کوردستان دەکاتەوە

وتەبێژی وەزارەتی دەرەوەی ئێران هەڕەشە لەهەرێمی کوردستان دەکات‌و ڕایده‌گه‌یه‌نێت، "دانبەخۆداگرتنی ستراتیژیمان تاسەر نابێت".

ئاوێنه‌: دوای بۆردوومانەکانی مانگی ڕابردوی هەرێمی کوردستان لەلایەن ئێرانەوە، جارێکی دیکە ئەو وڵاتە هەڕەشەی لەهەرێمی کوردستان کردەوەو ئەمڕۆ دووشەممە سەعید خەتیبزادە وتەبێژی دەرەوەی ئێران ڕایگەیاند، "خۆڕاگری ستراتیژی ئێران بەرامبەر بونی "کۆمەڵە تیرۆرستییەکانی" هەرێمی کوردستان خەریکە نامێنێت".

سەعید خەتیبزادە وتیشی:"داوا لەحکومەتی هەرێم‌و حکومەتی ناوەند دەکەم چەک لەدەستی ئەو کۆمەڵانە وەربگرنەوەو بنکەو بارەگاکانیان دابخەن".

هۆشداریه‌كه‌ی‌ ئه‌مڕۆی‌ وه‌زیری‌ ده‌ره‌وه‌ی‌ ئێران له‌كاتێكدایه‌، ڕۆژی‌ 6ی‌ ئه‌یلولی‌ ئه‌مساڵیش محەمەد پاکپور فەرماندەی هێزی وشکانیی سوپای پاسداران ڕایگەیاند، "سەرەڕای چەندینجار ئاگادارکردنەوەی بەرپرسانی هەرێمی کوردستان لەبارەی چالاکیی هێزەکانی دژبەری کۆماری ئیسلامی، بەڵام هێشتا ئەو هێزانە چالاکییان هەیە، بۆیە دانبەخۆداگرتنی سوپاش کۆتاییهاتوە".

لەڕاگەیه‌ندراوێكیشدا ناوەندی هاوکاریی حزبەکانی کوردستانی ئێران ئاماژه‌یان به‌وه‌دا، "ئەو شوێنانەی کە ئێران هەڕەشەی کردنە ئامانجیان دەکات، شوێنی ژیانی پەنابەرانی سیاسی‌و خەڵکی مەدەنین‌و سەدان ژن‌و منداڵی پەنابەر کە بەهۆی سیاسەتی سەرکوتکەرانەی دەسەڵاتی ئێران خاک‌و وڵاتی خۆیان جێهێشتوە، لێیان دەژین".

ئاماژه‌یان به‌وه‌شدابوو، "کۆماری ئیسلامی بۆ کاولکاریی‌و دەستێوەردانی زیاتر دەگه‌ڕێت‌و دەیەوێت بەکەڵکوەرگرتن لەدۆخی ناوچەکەو دانبەخۆداگرتنی کۆمەڵگەی نێودەوڵەتی لەبەرامبەر تاران، قەیرانێکی دیکە بخولقێنێت".

ناوەندی هاوکاری بریتین له‌هه‌ردوو حزبی‌ دیموكراته‌كه‌ی‌ ڕۆژهه‌ڵات‌و کۆمەڵەی زەحمەتکێشانی کوردستان‌و کۆمەڵەی شۆڕشگێڕیی زەحمەتکێشانی کوردستانی ئێران.
به‌روار:  04/10/2021
73   جار خوێندراوه‌ته‌وه
  بابه‌تی زیاتر ...

دوێنێ شەو هونەرمەندی ڕاپ، ئەیناری ١٩ ساڵ تەقەی لێ کرا و کوژرا. 
ڕووداوەکە پەیوەندی بە ناکۆکی نێوان گرووپە تاوانکارییەکانەوە هەیە. ڕووداوەکە نزیک کاتژمێر ١١ی شەو درێژه‌ ...

فرێدی ماکونێل پیاوێکی بەریتانی 35  ساڵەیە و،   ئێستا دوو گیانە و دەیەوێ مناڵەکەی لە سوید لە دایک ببێ ، تا بەناوی خۆیەوە تۆمار بکرێ.
یاسای سویدی ڕێگا ب درێژه‌ ...

ڕەجەب تەیب ئەردۆغان دەرگای باڵیۆزخانەکانی ئەمریکا و فەرەنساو ئەڵمانیا و کەنەدا و پێنج وڵاتی تری داخست و باڵیۆزەکانی لەفڕۆکەخانەی ئەنقەرەوە ڕەوانەی وڵاتەکانیان کرده‌وه.
درێژه‌ ...
زەلامێک شەو دڕەنگ دەگەرێتەوە بۆ ماڵ .. 
لە کۆڵانەکەيان سەگێکی بەڕەڵا پێی دەوەڕێت . ئەويش لەترسا ڕادەکات ، سەگيش بەوەڕينەوە بەدووی دەکەوێت .
دراوسێيەکيان لە سەربا درێژه‌ ...
دووکاندارێکی ڕەزيل مشکێکی زۆر لە دووکانەکەيدا دەبێت .. هەرچی تەڵەيە تاقيدەکاتەوە بێفايدە دەبێت !
ڕۆژێك شاگردەکەی پێی دەڵێت :
وەستا ئەگەر بيانکووژم ، مشکی چەندم دەدەيت درێژه‌ ...
كۆمەڵەی نووسەرانی کورد لە سوید ١٦ی مانگی ئۆکتوبەر ٢٥ـەمین کۆنگرەی خۆیان بەڕێوە برد. بۆ یەکەمجار ژنێک وەک سەرۆکی کۆمەڵەکە لەلایەن ئەندامانی کۆنگرەوە هەڵبژێردرا.
درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   651
کۆی سه‌ردان:   24444561