|
تەڵقینی بەرپرسێک.
ئەی بەندەی خودا واخرایتە چاڵ
بەڕووت و قوتی و گیرفانی بەتاڵ
ئێستا تێگەشتی کاتێ مرۆڤ ڕۆی
جوتێ گۆرەویش نابات لەگەڵ خۆی
وا ئێستاش ئێمە لەسەر گۆڕی تۆین
پاش کەمێکی تر هەمومان ئەڕۆین
دوو فریشتەکە دێنە سەردانت
هەتا ببینن گێچی ئیمانت
چەپ و ڕاست ئەگرن ئەمدیوو و ئەودیو
تۆش دەمت نەبێت بەتەڵەی تەقیو
پرسیار دەکەن ،وەڵامیان دەوێ
زەخیرەت هەبێ ، پەکت ناکەوێ
خۆت توڕەنەکەیت ، چاو دەرپەڕێنی
بەلەسە بیت و خۆت ڕاپسکێنی
ئەوان حیمایەی بەردەرگاکەت نین
بەشەق ئەتناردن بۆ غاز و بەنزین
لای ئەوان ناخوات جوێن و قسەی ڕەق
سەرۆکی تۆشیان داوەتە بەر شەق
ئەگەر ئەتەوێ خۆت ڕسوا نەکەی
باسی مەسولی و شتی وا نەکەی
نەبەرتیل ئەخوات نەهێز و بازوو
هەر دەم کەیتەوە پڕێکەن لەگوو
مەشخەڵی ئاگر ئەکەن بە سنگتا
تێڵای دڕکاوی ئەکەن بەقنگتا
هەرچیت پێ ئەکەن ئەمڕۆ لەو بنە
هێشتا خزمەتی بەخێر هاتنە
سوێنیان بۆ نەخۆی قەت چاوبز نەبووم
گەندەڵ و خوێڕی و حیز و دز نەبووم
هیچ هەوڵ مەدە پینەی پێدادەی
لێیان مەعلومە کامە گەووادەی
تەنها ڕێگەی تۆ سەرداخستنە
خەجاڵەت بون و چاو شۆڕکردنە
بڵێ ڕوڕەشم ، کزە ئیمانم
گوم خوارد لەگوی سەگ زۆر پەشیمانم.
پشکۆ ڕەحیم
به‌روار: 12/09/2021
1184 جار خوێندراوه‌ته‌وه
|