قەرەیلان: ئەردۆغان وەفدێکی ناردو وتیان ئێوە لەباکوری کوردستان ئاگربەست رابگەیەنن‌و بڕۆن شەڕ لەگەڵ پارتی بکەن حەقمان نییە
قەرەیلان سەبارەت بەروداوەکەی 5 حوزەیرانی مەتینا کە پێشمەرگە شەهید بون، رایگەیاند گەریلا هێرشی نەكردوەتە سەر پێشمەرگە، ئەو وتی "لەسەرەتای ئەمساڵەوە شەڕێکی قورس لەسەر ئێمە هەیە لەزاب‌و مەتیناو ئاڤا شین، ئەشكەنجە لەسەر رێبەر ئاپۆ هەیە، هەموو رۆژێك هاوڵاتیان لەباكوری كوردستان دەستگیر دەكرێن، ئەوە سێ ساڵە دەوڵەتی تورک دەیەوێ قۆناغ بەقۆناغ کوردستان داگیر بكات، ماوەی چەند مانگێکە هێرشی بەردەوام لەسەر ئێمە هەیەو سی فڕۆكەی چاودێری شەوو رۆژ بە بەردەوامی بەسەرمانەوەیە، لەم ئانوساتەدا كە هێرشێكی وا فراوان لەدژی ئێمە هەیە بە چ عەقڵێكەوە ئێمە بەرەیەكی شەڕی تر بەرووی خۆماندا دەكەینەوە؟ هەر کەسێک عەقڵی هەبێت، دەزانێت لە شەڕی مان و نەماندا، كەس بەرەی دووەمی شەڕ بۆ خۆی ناکاتەوە".

وتیشی "گەریلا هێرشی نەكردوەتە سەر پێشمەرگە، ئەوەی هەیە پیلانێكە دەیانەوێ‌ گەریلا‌و پێشمەرگە بدەن بەیەكدا‌و شەڕی كوردو كورد رووبدات كە ئێمە بەخۆكوژی‌و تیاچونی خۆمانی دەزانین‌و فەرمانی وامان نەداوە، ئەمە نەلەبەرژەوەندی رێکخستنی ئێمەیەو نە لەبەرژەوەندی گەلی كوردە".

قەرەیلان ئاماژەی بەوە کرد کە 25 ساڵە پێشمەرگە نەهاتوەتە مەتینا ئێستا دێن ئەڵێن ئەمە کارێکی یاساییەو ئەركی خۆی جێبەجی دەكات، بەلام بۆ لەم کاتەدا کە 5 كیلۆمەتر لەولاوە شەڕو ئاگرو دوكەڵ هەیە، ئەو وتی "باشە ئەگەر كێشەیەك هەیە بۆ گفتوگۆ نەكەین؟ بۆ بەسەربازی چارەسەری بکەین؟ بۆ كورد گفتوگۆ نەكات‌و بەخێڵ ناومان ببەن‌و بماندەن بەیەکداو بڵێن خۆیان بۆ بەڕێوەنابرێت؟".

قەرەیلان جەغتی لەوە کرد کە هەموی ژیانی لەپێناوی کوردو کوردستان بەخت کردوەو هیچ شتێک هێندەی ئازادی کورد بەلایەوە گرنگ نییە، ئەو وتی "ماوەیەک لەمەوبەر لەڕێگەی هەندێ‌ دۆستەوە ئەردۆغان شاندێكی نارد بۆ لامان‌و وتویان ئێوە لەباكوری كوردستان ئاگربەست لەگەڵ ئێمە رابگەیەنن، ئیتر لەپارچەكانی تر چی دەكەن بیكەن ئێمە حەقمان نییە، ئەمە مانای چییە؟ واتە ئاگربەست لەبەرامبەر ئێمە رابگەیەنن ئیتر ناكۆكیتان هەیە لەگەڵ پارتی بڕۆن شەڕ بكەن‌و ئێمە حەقمان نییە، لەبەرئەوە داوام كرد روبەرو مەسعود بارزانی ببینم‌و ئاگادار بێت کە دەولەتی تورک دەیانەوێ كورد بدەن بەیەكداو بزانین ئێمە دوژمنێكی وامان هەیە". ئاوێنە
به‌روار:  11/06/2021
188   جار خوێندراوه‌ته‌وه
  بابه‌تی زیاتر ...

مرۆڤایەتی لەبەردەم دووڕیانی خۆشگوزەرانی و بەردەوامبوونی ماڵوێرانیدایە، ئومێدێکم هەبوو کە پێشکەوتنە زانستیەکان بەتایبەتی لە بواری پشکنینەکانی ئاسمان ببنە هۆی یەکخستن و یەکڕیز درێژه‌ ...

سەرچاوەیەك لەشاندی دانوستانكاری عێراقی لەگەڵ ئەمریكا، بۆ میدیاكانی ئاشكرا كرد: واشنتۆن دەیەوێت بنكەی سەربازی عەین ئەسەد لەئەنبار وبنكەی سەربازی هەریر لەهەولێر بۆ دوو شوێنی ج درێژه‌ ...
ئەمڕۆ حەوت ساڵ به‌سه‌ر شكستێكی‌ ترسناكی کورددا تێدەپه‌ڕێ‌، كه‌وتنی‌ شنگال به‌ده‌ستی‌ داعش ئه‌و ساته‌وه‌خت‌و شكسته‌یه‌ نه‌ له‌یاده‌وه‌ری‌ كورددا به‌گشتی‌‌و نه‌ له‌یاده‌وه‌ری‌ ئێزیدی درێژه‌ ...
شێرکۆ .. ئەو شاعیرەی هەرگیز لە یادناچێت

نۆرمان میللەر لە تێکستێکیدا دەڵێت « مردن زۆر سەخت نییە، تا ئێستا کەس نییە نەیتوانی بێت بمرێت». بەڵام ئەم وەسفە بۆ هەموو کەس ناش درێژه‌ ...
کریستینا ئامۆژگاری خانمان ئەکات ....
ئەڵێت :-
پاش دوو ساڵ ژیانی ھاوسەری بۆم دەرکەوت مێردەکەم خیانەتم لێ ئەکات و دۆستی ھەیە بە نھێنی.

بەڵام من بیرم کردەوە چ درێژه‌ ...
ڕاتان چییە سەبارەت بە ژەمی سێیەمی ڤاکسین؟
ئاندرش تێگنێل دەڵێت "ڤایرۆسەکە بنبڕناکرێت و چارەسەر هەر ڤاکسینە".
لە پایزدا پرۆسەی کووتانی گشتی لە سوید کۆتایی دێت، تیشک لەس درێژه‌ ...
کابرایەکی کورد ژنێکی هێنا، لەبەر ئەوەی کە حیز بوو عەشیرەتەکەی پێیان تەڵاق دا. لە دوای بەینێ ژنێکی تری هێنا، دیسان هەر وا.
گەڕا گەڕا لە ماڵە گەورە کارەکەرێکی هێنا، زۆری پێ نە درێژه‌ ...
ئێوارەی ئەمڕۆ هەینی 30-7-2021 لە ناوچەی مەرامی شاری کۆنیا لە تورکیا، گرووپێکی چەکدار هێرشیان کردە سەر ماڵباتێکی کورد، حەوت ئەندامی خێزانەکەیان کوشت و خانووەکەیان سووتاند.
درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   1107
کۆی سه‌ردان:   23895610