سی پی جەی: حكومەتی هەرێم دەریخست بانگەشەكانی لەبارەی ئازادی رۆژنامەگەرییەوە قسەی پوچن


كۆمیتەی بەرگری لە رۆژنامەنوسان ناسراو بە سی پی جەی، ئەمڕۆ پێنجشەممە، رایگەیاند، بە بڕیارەكەی دادگای پێداچونەوە بۆ پەسەندكردنی سزادانی رۆژنامەنوسانی بادینان، حكومەتی هەرێمی كوردستان دەریخست كە بانگەشەكانی بۆ پابەندبون بە ئازادی رۆژنامەگەرییەوە "قسەی پوچن."

ئاوێنە: سی پی جەی لە بەیاننامەیەكدا رایگەیاند"بە بڕیارەكەی دادگای پێداچونەوە لە هەولێر بۆ پەسەندكردنی سزای شەش ساڵ زیندانی بۆ هەریەكە لە رۆژنامەنوسان شێروان ئەمین شێروانی و گوهدار زێباری، حكومەتی هەرێمی كوردستان دەریخست بانگەشەكانی بۆ پابەندبون بە ئازادی رۆژنامەگەرییەوە هیچ نین جگە لە قسەی پوچ."

ئەو رێكخراوە داوای لە دەسەڵاتدارانی هەرێم كردوە دەستبەجێ ئەو دو رۆژنامەنوسە ئازاد بكەن و ئەو تۆمەتانەش هەڵبوەشێنینەوە كە روبەڕویان كردونەتەوەو هەروەها گوشارخستنە سەر میداكارانیش رابگرن.

سی پی جەی ئاماژەی بەوەداوە كە دادگای پێداچونەوە رۆژی 28ی نیسان لە بڕیارێكدا كە ئەمڕۆ بڵاوكراوەتەوە، بڕیاری دادگای تاوانەكانی هەولێری پەسەندكردوەو هەروەها جەختی لەو بانگەشانە كردۆتەوە كە شێروان شێروانی و گوهداری زێباری پارەیان لە كونسوڵخانەكانی ئەمریكاو ئەڵمانیا لە هەولێر وەرگرتوەو پلانیان هەبوە بۆ تێكدانی ئاسایشی هەرێمی كوردستان.

سی پی جەی ئاماژەی بەوەشداوە كە بڵاوبونەوەی بڕیارەكەی دادگای پێداچونەوە سێ رۆژ دوای ئەوە دێت كە نێچیرڤان بارزانی، سەرۆكی هەرێمی كوردستان لەبەیاننامەیەكدا بەبۆنەی رۆژی جیهانی ئازادی رۆژنامەگەرییەوە، بەڵێنی "پشتیوانی تەواو"ی بۆ ئازادی رۆژنامەگەریی دابو.

پێشتریش سی پی جەی رەخنەی لە شێوازی دادگاییكردنی ئەو رۆژنامەنوسانەی بادینان گرتبو كە لە 16ی شوباتی ئەمساڵ لە دادگای تاوانەكانی هەولێر بەڕێوەچو و تێیدا سزای شەش ساڵ زیندانی بەسەر ئەو دو رۆژنامەنوسەو هەروەها سێ چالاكوانی دیكەی بادیناندا سەپێنرا، كە دادگای پێداچونەوە لە بڕیارەكەیدا كە ئەمڕۆ بڵاوكرایەوە، سزاكانی ئەو پێنج رۆژنامەنوس و چالاكوانەی بادینانی بە زۆرینەی دەنگ پەسەندكرد.
ئاوێنە
به‌روار:  07/05/2021
87   جار خوێندراوه‌ته‌وه
  بابه‌تی زیاتر ...
لە چەند ڕاپۆرتێکدا پێشتر باسی ئەوەمان کردبوو ئەو کوردانەی ڕۆژئاوای کوردستان کە پەیوەندییان بە هێزەکانی وەکوو پەیەدە و یەپەگە هەبووە، دەزگای کۆچ داوای هاوڵاتینامەی سویدییان ڕەت دەکا درێژه‌ ...

ڕۆژی 2011.6.21
پێش دە ساڵ ماڵپەڕی مالمۆکورد لە نێتا بڵاو کرایەوە.
لەگەڵ بلۆک کردن و داخستنی دەیان ئەکاونتی لەفەیسبووک و یوتوب و ڤیمیۆ هێشتا بەردەوامە.
مالم درێژه‌ ...
ئەو رۆژەی جانتاكەت ئەكەیتە شانت و وڵات بەجێ ئەهێڵيت:-
- ئیتر تا ماویت هیچ شوێنێک وڵاتی تۆ نيه... نه وڵاتەكەیی خۆت (ئەوێ)، نه وڵاتی خانه خوی (ئێره)...
- نه توانای درێژه‌ ...
ژنێکی جوان سواری تەکسیەک دەبێ.
پاش ئەوەی ژنەکە دەگاتە ماڵەوە.
ژنە دەڵێ چەند دەکا؟
شوفێر دەڵێ: هیچ
ژنەکە دەڵێ: خۆ من ناتناسم بۆ پارەم لێ وەرناگری؟
شوف درێژه‌ ...
ڪابرایەك چووە ناو پاسێك و سڵاوی ڪرد ، ڪەس وەڵامی سڵاوەڪەی نەدایەوە ،، ئەویش بەوە زۆر پەست بوو ...
وتی ڪۆمەڵێ ڪەر و گا هەن وەڵامی سەلامەڪەشت نادەنەوە ...
شۆفێری پاسەڪە ڪ درێژه‌ ...

لە بەریتانیا چوم بۆ تەوالێت بۆ میزکردن لە تەنیشت پیاوێک وەستام ،پیاوەکە پرسی:
کوردی کاکە ؟
وتم بەڵێ
خەڵکی سلێمانیت ؟
وتم بەڵێ
وتی موالیدی هەفت درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   327
کۆی سه‌ردان:   23529064