گەواهی... عەبدووڵا پەشێو

منیش گەواھی دەدەم، پڵنگەکانی بادینان، نەک ھەر دەستێک، دارستانێک دەست و مەچەکیان لەپشتە. بەدرێژایی زنجیرەچیاکانی زاگرۆس و تورووس، ملیۆنان دەست گوڵەباخی کۆڵەمستیان گرتووە و لەبەر کزەبای ئازادی دەشنێنەوە.

چ بەدبەخت و چارەڕەشن ئەوانەی، لەجێی سەد ملیۆن دەستی ھاوخوێنەکانی خۆیان، دەستی میت و ئیتتیلاعات و موخابەرات و دامودەزگەکانی دیکەیان لە پشتە و نیشتمان پڕ دەکەن لە تخووب: تخووبی سۆران و بادینان، ئەم بەرەباب و ئەو بەرەباب، ئەم پارتخێڵ و ئەو پارتخێڵ، ھەولێر و سلێمانی، دھۆک و زاخۆ، ڕەنگی ئەم جامانە و ئەویتر...

ئەو ھەموو لەمپەر و دیوارانەی، لە ماوەی دەیان ساڵی کاولکاریدا، پارتخێڵەکان لە ڕیزەکانی گەلی کوردستاندا ھەڵیانچنیوە بە خۆڕاگریی کوڕگەلی بادینان خەریکە دەرەزی تێ دەکەوێ. ھەنووکە بادینان و سۆران، کوێستان و گەرمیان زێتر لە جاران ھەست بە ھاوچارەنووسی دەکەن و بەمەش خەریکن ڕەنجی دەیان ساڵەی بەرەبابە مەلعوونەکان بە با دەدەن.

سەیرە! سەرانی پارتخێڵەکان ڕۆژێ بە تەنەکە و بەرمیل درۆ دەکەن، کەچی ھێندە دەبەنگن، دوای سی ساڵ فەرمانڕەوایی، ھەر فێر نابن چوار درۆی ماقووڵ بکەن بۆ پینەکردنی تاوان و کەتنەکانی خۆیان. ھەر کەسێک باسی نان و داد و ئازادی بکا، ئەوان تەماشایەکی ئاوێنە دەکەن، خۆیان دەبینن و قەوانە شڕەی بەعسییەکان لێ دەدەن: سیخوڕە، دەستی لە پشتە!!!!

تا ئێستا وام دەزانی ئەگەر بە میکرۆسکۆپیش چاو لە چاکەیەکی حوکمڕانە وەحشی و نەخوێندەوارەکان بگێڕم نایدۆزمەوە، بەڵام ماوەیەکە ھاتوومەتە سەر ئەو باوەڕەی کە، نەخێر، چاکەیەکیان ھەیە، چاکەیەکی گەورە: ھیچ ڕووبەرێکی جاشایەتی و سیخوڕییان بۆ کەسانی خوار خۆیان بەجێ نەھێشتووە، چونکە تا سیخوڕی گەورە وەستابن، کەس بە کەچەلیرەیەکی ئەردۆگانیش سیخوڕ و جاشی ڕەشۆکی ڕاناگرێ. لە سەردەمی ئینتەرنێت و گووگلی دەمشڕ و دڕۆنی ھەزارچاو و مانگی دەستکردی نەھەنگەکان کێ کاری بە خەفیە و جاشی برسی و لاتولەوار ماوە؟!

ئەمڕۆ مۆدەی سوپەرسیخوڕانە، سیخوڕی وا، بە فڕۆکە ھاتوچۆ بکا، بەتالیۆنێک پاسەوان و کاروانێک جامڕەشی لە دووبێ، بتوانێ بە فەرمانێک سەرزەوی و بنزەوی بۆ ماخۆکانی دابدۆشێ، فەرھەنگ و زمانی نەتەوەیەک ئاوەڕووت بکا، جوگرافیای وڵاتێک بگۆڕێ، بە بەرات و مووچەی حەرامی بندیوار سەدان ھەزار ھاونیشتمان بکاتە بەرتیلخۆر و دایانتەپێنێ، شارەکانی کوردستان بەعسیڕێژ بکا، ھەستی خێڵەکی و شارچییەتی و دیالێکتبازی بڕسکێنێ، وەک بزمار داچەقێ و سی ساڵی ڕەبەق ڕێگە نەدا بەشێکی وڵات، بۆ یەکەمجار لە مێژووی خۆیدا، دەستوورێک، لەشکرێک، پەرلەمانێک، سیستەمێکی دادوەریی ھەبێ، نەک چەند چەقەنەخانەیەک بۆ دەستپێداھێنان و خەساندن و زمانبڕین..

سڵاو لە پڵنگەکانی زیندان

ئازادی بۆ پێشەنگەکانی بادینان

عەبدوڵڵا پەشێو

ھێلسنکی ٣/٣/٢٠٢١

لە ساڵی ١٩٨٤دا ئەم ھۆنراوەیەی خوارەوەم بۆ قارەمانانی ناو زیندانەکانی داگیرکەران نووسی. ئێستاش، دوای ئەو ھەموو ساڵانە ، زیندان و زیندانی ھەمانن، ئەوەی گۆڕاوە زمانی زیندانەوانەکانە...

پێلێنان

"کێت لەگەڵدایە، تەرەس؟"

"کێت لەگەڵدایە، سەگباب؟"

ئێستا دانی پیا دەنێم،

بەسە،‌ لێم مەدە جەناب:

ئاوی چەم و ڕووباران،

داری شیو و کەناران،

دڕندەی دەشت و شاخان،

فڕندەی ڕەز و باخان،

تەمی دۆڵ، کوچکی بەستان،

بای گەرمێن، بەفری کوێستان،

ملیۆنان دیلی زیندان،

زیندانی شار و گوندان،

ئەندامی شانەکەمن،

ھەموویان لەگەڵ مندان.

٢٨/٦/١٩٨٤ – مۆسکۆ
به‌روار:  09/04/2021
9633   جار خوێندراوه‌ته‌وه
  بابه‌تی زیاتر ...


بەر لە چەند ساڵێک لە یەکێک لەسەفەرەکانمدا گەنجێکی نەخۆش و غەمگینم ناسی بە ناوی «نەوزاد حارس»ـەوە. نەوزاد کوڕێکی رەشتاڵەی گەلێک هەست ناسک بوو، بەسەروڕوخسار زیاتر لە درێژه‌ ...
یەكێتی ئەوروپا:
🔻 نیگەرانین لە حوكمەكەی دادگای پێداچوونەوەی هەرێمی كوردستان
🔻 ئەم حوكمە كاریگەری لەسەر دەنگی ناڕەزایەتی‌و كاری رۆژنامەگەریی دەبێت
🔻 داوا لە حك درێژه‌ ...
لە پێش وێستگەى میترۆى شارى واشنتۆنى پاپتەختى ولایەتە یەکگرتووەکانى ئەمریکا. میوزیک ژەنێک بۆ ماوەى چل و پێنج خولەک جوانترین میوزیکى گەورە میوزیک ژەنەکانى دنیاى لێدا. دیارە پێشترو بە درێژه‌ ...
خه‌ندان-

به‌ڕێوه‌به‌رایه‌تی پۆلیسی پارێزگای سلێمانی رایگه‌یاند، ئێواره‌ی ئه‌مڕۆ له‌سه‌ر پێنج دۆلار شه‌ڕ و ده‌مه‌قاڵێ له‌نێوان وه‌ستایه‌ك و شاگردێكدا له‌گه‌ڕه‌كی سه‌رچن درێژه‌ ...

رونکردنەوەیەک بۆ ڕای گشتی

ئەمە دەڵێم حەقیقەتی ئەو وێنە و کۆبوونەوەکانمانە لەگەڵ کۆنسۆڵگەری ئەڵماناو ئەمریکا کە دادگای پێداچۆنەوەی ھەولێر لەژێر ھەژمۆنی پارتی بە درێژه‌ ...
عەقڵانی نیە كە ئەمەریكا تۆمەتبار بكەی بەوەی هاوكاری دارایی چەند ڕۆژنامەنووسێكی كردووە بۆ ئەنجامدانی تیرۆرستی لە كاتێكدا دەزانیت ئەگەر ئەمەریكا نەبێت حوكمڕانیەكەتان بە چەند ڕۆژێك د درێژه‌ ...
سوید
مەترسیدارترین مافیای سوێد بۆ هەتاهەتایە زیندانی دەكرێت

دادگەی سزا قورسەكانی مالمۆ لە سوێد بە تاوانی كوشتن و سپیكردنەوەی پارە سزای زیندانیكردنی هەتاهەتایی بە درێژه‌ ...
دوێنێ بۆ پارشێو ناردمیان نان بکڕم، وەستابووم تا نۆرەم بێت.
ژنێک هات یەک تەشت مەکیاجی کردبوو، منیش بە سەرسووڕمانەوە ووتم:
پەکوو بەم پارشێوە و ئەو هەموو مەکیاجە!!!
درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   1344
کۆی سه‌ردان:   23124551