ئەمڕۆ لە ئەمریکا چی روویدا؟
 سەر لە ئێوارەی ئەمڕۆ، لایەنگرانی دۆناڵد ترەمپی سەرۆکی ئەمریکا لەبەردەم کۆشکی سپی و بە مەبەستی رەتکردنەوەی ئەنجامی هەڵبژاردنە سەرۆکایەتییەکەی ئەو وڵاتە لەسەر داوای خودی ترەمپ بە بەشداری هەزاران لایەنگر و دەنگدەری سەر بە کۆمارییەکان خۆپیشاندانیان کرد.

هاوکات، دۆناڵد ترەمپی سەرۆکی ئەمریکا بەشداری لە خۆپیشاندانەکەدا کرد و لە بەردەم لایەنگرانیدا ئاماژەی بەوەکرد، "هەرگیز وازناهێنین و دان بە شکستدا نانێین". هانی لایەنگرەکانیشیدا تا بەرەو باڵەخانەی کۆنگرێس بڕۆن. داواشی لە مایک پێنسی جێگری کرد، "کارە راستەکە ئەنجام بدات و وڵات بپارێزێت". هاوکات، ترەمپ هەڵبژاردنەکەی بە گەورەترین ساختەکاری لە مێژووی وڵاتەکەیدا ناوبرد.

دواتر، خۆپیشاندەران بە ئاڕاستەی باڵەخانەی کۆنگرێس هەنگاویان نا و لەو نێوەندەشدا گرژی و پێکدادان لەنێوان هێزەکانی پۆلیس و خۆپیشاندەراندا روویدا و تیایدا گازی فرمێسکرێژ بەکارهات و تەقەشی تێکەوت، بەوهۆیەشەوە ژنێک گیانی لەدەستداوە.

خۆپیشاندەران درێژەیان بە هەوڵەکانیان دا و سەرئەنجام توانیان بەربەستی هێزە ئەمنییەکان تێپەڕێنن و بچنە نێو باڵەخانەی کۆنگرێسەوە، لە هەمان کاتدا ئەنجومەنی نوێنەران و کۆنگرێسی ئەمریکا بە سەرۆکایەتی مایک پێنسی جێگری سەرۆکی ئەمریکا و نانسی پێلۆسی سەرۆکی ئەنجومەنی نوێنەران، بە مەبەستی دەنگدان لەسەر ئەنجامی کۆتایی هەڵبژاردنەکەی ساڵی رابردوو بەڕێوەچوو، بەڵام بەهۆی گەیشتنی پشێوییەکانی دەرەوە بۆ ناو باڵەخانەکە، کۆبوونەوەکە بۆ کاتێکی نادیار دواخرا.

لە کاردانەوەی گرژییەکانیشدا، حاکمی ویلایەتی واشنتۆن قەدەغەی هاتوچۆی بۆ ماوەی ٢٤ کاتژمێر راگەیاند و دۆناڵد ترەمپیش فەرمانی رەوانەکردنی هێزی گاردی نیشتیمانی بۆ ویلایەتەکە دەرکرد.

لە پەیامێکیشیدا، دۆناڵد ترەمپ بە خۆپیشاندەرانی راگەیاند، "لە هەستەکانتان تێدەگەم، بەڵام بڕۆنەوە بۆ ماڵەکانتان". مایک پێنسی جێگری سەرۆکی ئەمریکاش جەختی لەوەکردەوە، "دەبێت هەموو گێرەشێوێنەکان دەستگیربکرێن و بەزووی کۆتایی بە گرژییەکان بهێندرێت".

لەلایەکی دیکەوە، بۆریس جۆنسن سەرۆکوەزیرانی بەریتانیا رایگەیاند، "دیمەنەکانی بەردەم کۆنگرێسی ئەمریکا جێگای شەرمەزارییە". دەشڵێت، "ئێستا گرنگە ئاڵوگۆڕێکی ئاشتیانەی دەسەڵات پیادەبکرێت". 

هاوکات، وەزارەتی دەرەوەی ئەڵمانیا لە راگەیەندراوێکدا داوای لە دۆناڵد ترەمپ کرد کە، "بەزووی دەست لەکار بکێشێتەوە".

ئەمەش دوای ئەوە دێت، رۆژی ٣ی تشرینی دووەمی ٢٠٢٠، هەڵبژاردنی گشتی سەرۆکایەتی ئەمریکا بەڕێوەچوو و تیایدا دۆناڵد ترەمپی سەرۆکی ئێستا و پاڵێوراوی کۆمارییەکان، هەروەها جۆبایدنی جێگری سەرۆکی پێشووی ئەمریکا و پاڵێوراوی دیموکراتەکان کێبڕکێکاری سەرەکی هەڵبژاردنەکە بوون، لە ئەنجامدا جۆ بایدن بەبردنەوەی زۆرینەی دەنگی دەنگدەران توانی سەرکەوتن بەدەستبهێنێت و وەک ٤٦ەمین سەرۆکی هەلبژێردراوی ئەو وڵاتە دیاریکرا.
ئێن ئاڕتی 
به‌روار:  07/01/2021
126   جار خوێندراوه‌ته‌وه
  بابه‌تی زیاتر ...
خەندان-

وتەبێژی وەزارەتی دەرەوەی ئەمریکا رایگەیاند، "ئێجگار توڕەین" لەهێرشکردنەسەر هەرێمی کوردستان و خەڵکی عێراقیش بەدەست ئەو جۆرە توندوتیژیانەوە ئازار و مەینەتی زۆر درێژه‌ ...
کەنەدا چەندین ساڵە تەکنەلۆژیای چەک و کەرەستەی سەربا درێژه‌ ...
دەوڵەتی تورک لە چوارچێوەی ئۆپراسیۆنی پاکتاوک درێژه‌ ...

لەکۆندا کاهینەکان بە خەڵکی قورەیشیان دەگوت:
بۆئەوەی ئاواتەکانتان بەدی بێت، بتەکان داوای مانگاتان لێدەکەن !
ڕوونە بت قسەناکات ،ئەوەی مانگای پێویست بوو کاهینەکان درێژه‌ ...
کابرایەک سێ مناڵی سپی هەیه، مناڵی چوارەم ڕەش دەردەچێت.
لە دڵیدا دەبێ بەگرێ و هیچیش بەژنەکەی ناڵێ.
پاش ساڵانێک ژنەکەی نەخۆش دەکەوێ و ، لەسەرە مەرگا بەپیاوەکەی دەڵێ:
درێژه‌ ...
هەپەگە رایگەیاند، هێزەکانی پاراستنی ئاسمانی شەهید د درێژه‌ ...

منیش گەواھی دەدەم، پڵنگەکانی بادینان، نەک ھەر دەستێک، دارستانێک دەست و مەچەکیان لەپشتە. بەدرێژایی زنجیرەچیاکانی زاگرۆس و تورووس، ملیۆنان دەست گوڵەباخی کۆڵەمستیان گرتووە و لە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   419
کۆی سه‌ردان:   22847067