بهریتانیا رهگهزنامه له 14 پهنابهری كورد دەسەنێتەوە
نهوا - لاڤه كورده
بههۆی جیاوازی ناوهكانیان له عیراق و بهریتانیا، حكومهتی بهریتانیا رهگهزنامه له 14 كورد وهردهگرێتهوه و سهرپهرشتیاری گشتی فیدراسیۆنی پهنابهرانیش دهڵێت "داوامان له حكومهتی عیراق كردوه هاوكارییان بكات".
زانا حسێن بهڕێوهبهری كۆلێژی ئێكسڵ ئیجوكهیشن له لهندهن، به رادیۆ نهوای وت "تائێستا حكومهتی بهریتانیا رهگهزنامهی له 14 كهس وهرگرتۆتهوه، چونكه كاتێك پهنابهرێك فۆرم بۆ وهرگرتنی رهگهزنامه پڕدهكاتهوه، له كۆتا لاپهڕهدا واژۆ لهسهر ئهوه دهكات زانیاریهكانی ئهو كهسه راست و دروستن و به نایاسایی وهری ناگرێت، بهڵام كاتێك كهسێك ناوهكهی لهگهڵ ناوی رهگهزنامهی عیراق ههمان ناو نییه و دهیهوێت مامهڵهی هاوسهرگیری و منداڵ بكات به تایبهت ئهو كهسانهی له ساڵی 2012 بۆ 2013 گهڕاونهتهوه ههرێم، ئهوا زانیاریهكانی ئاشكرا دهبێت، كه وانییه".
سهبارهت بهوهی حكومهتی بهریتانیا بهدواداچون بۆ ههموو پهنابهرێكی عیراقی دهكات، رایگهیاند، تهنها ئهو كهسانهی مامهڵهی هاوسهرگیری و منداڵ دهكهن ئاشكرا دهبن، چونكه حكومهتی بهریتانیا لێكۆڵینهوه له ههموو پهنابهرێك ناكات.
سهبارهت بهو بابهته، ئاری جهلال سهرپهرشتیاری گشتی فیدراسیۆنی پهنابهرانی عیراق بۆ رادیۆ نهوا وتی "داوا له حكومهتی عیراق كراوه هاوكاری ئهو پهنابهرانه بكات كه له وڵاتانی ئهوروپا ناویان گۆڕیوهو هاوتای ناوه عیراقیهكانیان نییه".
وتیشی "پێش سهرههڵدانی داعش ناوگۆڕین ئاسان بوو، بهڵام لهئێستادا ناو گۆڕین نییه و حكومهتی عیراق تهنها رهگهزنامهیان به ناوه عیراقییهكهیانهوه بۆ دهردهكات".
بهروار: 10/04/2018
1019 جار خوێندراوهتهوه
|