ڕاپۆرتە هەوڵ لە هۆڵەنداوە

مالمۆکورد

 

بۆ پشتگیری و هاودەنگی و دژی پەلامارەکانی تورکیا بۆسەر عەفرین

چەند چالاکیەکی هونەری و شیعر خوێندنەوە

لە یانەی کوردی"میدیــــــا" ی ئەمستردام پێشکەشکرا



 

ڕۆژی یەکشه‌ممه‌ ڕێکه‌وتی 11 ی februari 2018 کاتژمێر 14:00 دووی پاشنیوەڕۆ، بە ئامادەبوونی دەستەبژێرێک هونەرمەندان و ڕۆشنبیران کورد لە هۆڵەندا، لە هۆڵی یانەی کوردی "میدیــــا"ی ئەمستردام، چەند چالاکیەکی هونەری و ئەدەبی بۆ پشتوانی کوردانی ڕۆژئاوا ڕێکخرا.

سەرەتا لە لایەن ئالان حەمە ئەمین، ئەندامی لیژنەی سەرپەرشتی یانەی "میدیـــا" ئەمستردام پاش دەقیقەیەک وەستان بۆ تێکڕای شەهیدانی کوردستان و قوربانیانی عەفرین، بەخێراهاتنی ئامادەبووان و سوپاسی هونەرمەندانی کرد بۆ ئەم دەستپێشکەرییە و سازکردنی ئەم ئێوارە هونەرییە بۆ پشتگیری ڕۆژئاڤا و بۆ بەدەنگەوە هاتن و پشتگیری خۆڕاگری و بەرخودانی خوشک و براکانمان لە شاری خۆڕاگری عەفرین، کە ماوەی سێ  هەفتە زیاترە به‌وپه‌ڕی خۆڕاگرییەوە بەرگری لە خاک و نیشتمانی لە خوێن هەڵکێشراوی خۆیان دەکەن، ئازایانە لەژێر بۆردوومان و هێرشی سوپای ڕژێمی فاشیستی تورکیا، نەک هەر توانیویانە بەرگری بکەن، بەڵکو بەگژمەحاڵدا چونەتەوە و لمۆزی خوێناوی فاشیستەکانیان شکاندووە.

هەروەها ئاماژەی بە تەوارەکانی ئەم دانیشتنە کرد بەم شێوەیەی خوارەوە.

تەوەرەی یەکەم: لە لایەن ئیبراهیم عەلی سەعید ئەندامی لیژنەی سەرپەرشتی یانەی "میدیـــا" ئەمستردام، بەداتاشۆ، لێکۆڵێنەوەیەک ئامادەکرابوو، دەربارەی باری جیوپۆلتیکی ڕۆژئاوا و بەنەخشە هەندێ زانیاری گرنگی دەربارەی هێرشەکانی ئەمدواییەی سوپای تورکیا باس کرد و هۆکاری تێکشانی حەتمی سوپا بەزیوەکەی و بەکرێگیراوەکانی خستەڕوو، تیشکی خستە سەر بەرگری قارەمانانەی شەڕڤانان.

تەوەری دووەم: دوو بەرهەمی هونەری لاوەندنەوەیەک و سروودێک لە لایەن هونەرمەند حەمە بەکری کلارنێت.

تەوەرەی سێهەم: لە لایەن هونەرمەند مامۆستا شۆڕش قەراخی و گروپەکەی، شەش سروودی نیشتمانی ئامادەکردبوو، بە یارمەتی کۆرسی ئامادەبووان دەیانگووتەوە.

تەوەرەی چوارەم و کۆتایی: بە دوو بەرهەمی هونەرمەند تالیب ڕەسوڵ چەند سروودێکی دیکەی هونەرمەندانی کورد کە تایبەت بوو بە شەڕڤانانی ڕۆژئاوا پێشکەش کرا و لە لایەن (سەردار فەتاح ئەمین)ەوە، شیعرێکی شاعیر بەرزان هەستیار بە ناونیشانی (تاڵانمان کەن) خوێندرایەوە.

پاشان بانگەوازی ئەو کەمپینەی کە چەندین خێرخواز و کڵێسای هۆڵەندی لە حەوزی ڕۆتەردام، بۆ پشتگیری قوربانیانی عەفرین دەستیان پێکردووە ڕاگەیەندرا، بە کۆکردنەوەی جلوبەرگی هەمەجۆر و پێویستی ئاوارەکان و خەڵکی عەفرین، شایانی باسە ڕێکخەرانی ئەم کەمپینە خۆشیان هۆکاری گواستنەوەیان لەسەر حسابی خۆیان ئامادەکردووە، لەم ئێوارەیەدا داواکرا هەرکەسە لای خۆیەوە بەشداری ئەم کەمپینە بکات .کڵێسەکە هەردەم کراوەیە و ئەمەش ئەدرێسەکەیەتی:

Stg Home for kurds Afrin

Zuidhoek-232

3082 PS Rotterdam

 

لە کۆتاییدا، بەسێ دیاریی بە نرخ، کە پێکهاتبوو لە کتێبی (کوردستان لەسێبەری مێژوودا)ی هەردوو نوسەرانی ئەمەریکی سۆزان مایسڵەس و هۆڵەندی مارتن ڤان براونێسا، پێشکەش بە هونەرمەندەکان کرا، لە لایەن بەڕێزان (کەمالی حاجی سەعید ڕەش و ئەنوەر ڕەشید)ەوە.

به‌روار:  13/02/2018
265   جار خوێندراوه‌ته‌وه
  بابه‌تی زیاتر ...
(سبەی): ساڵێك له‌مه‌وبه‌ر و له‌ رۆژێكی‌ وه‌كو ئه‌مڕۆدا (20ی‌ كانونی‌ دوه‌م) سوپای‌ توركیا و چه‌كدارانی‌ ئۆپۆزسیۆنی‌ سوریا كه‌ لایه‌نگری‌ توركیا بون، هێرشیان كرده‌ سه‌ر شاری‌ عه‌ درێژه‌ ...
رووداو - سوێد پزیشكێكی كوردی سوێدی بە پرۆفیسۆرێكی سوێدی دەڵێت: بەتەمام دڵێكی دەستكرد دروستبكەم. پرۆفیسۆرەكە پێدەكەنێ و دەڵێ: "ئەوەی تۆ دەیڵێی مەحاڵە و بە تۆ ناكرێ". هەمان پزیشك درێژه‌ ...
پەرلەمانتاران متمانەیان دایەوە بە ستێفان لوێڤێن سەرۆکی سۆسیالدیموکراتەکان، تا بەردەوام بێت وەک سەرۆکوەزیری سوید. بەپێی دەنگدانەکە ١١٥ پەرلەمانتار دەنگیان بە بەڵی دا، کە لە پار درێژه‌ ...
چاوەڕوان دەکرێ نزیکەی 8000 پەنابەر بگەنە سوید. درێژه‌ ...
مالیزیا هه‌وڵێكی‌ به‌ قاچاخبردنی‌ كۆچبه‌ران پوچه‌ڵ ده‌كاته‌وه‌ پۆلیسی‌ مالیزیا هه‌وڵێكی‌ به‌ قاچاخبردنی‌ 34 كۆچبه‌ر له‌و وولاَته‌وه‌ بۆ ئوسترالیا و نیوزله‌ندا پوچه‌ڵ ده‌كاته‌وه‌. درێژه‌ ...
رووداو - دهۆک لە كۆمەڵگەی ئازادی سەر بە شارۆچكە سەرسەنكی دهۆك، بەهۆی گڕگرتنی فڕنێكی نان دروستكردنەوە سێ‌ كەس سووتان "كە مامێك‌ و دوو برازان". بێوار عەبدولعەزیز، گوتەبێژی بە درێژه‌ ...
(سبه‌ی‌): رێكخراوی‌ (یونیسێف)ی‌ سه‌ربه‌ نه‌ته‌وه‌ یه‌كگرتوه‌كان كه‌ رێكخراوێكی‌ تایبه‌ته‌ به‌ منداڵان، گیانله‌ده‌ستدانی‌ (15) منداڵی‌ ئاواره‌ی‌ سوریای‌ به‌هۆی‌ سه‌رما و سۆڵه‌وه‌ درێژه‌ ...
ڕۆژی یەکشەممە دۆناڵد ترەمپی سەرۆکی ئەمریکا لە نوێترین توویتی خۆیدا دەڵێ تورکیا ئاگادار دەکەینەوە لە کارەساتێکی ئابووری گەر هێرش بکاتە سەر کورد ، پاش کشانەوەی هێزەکانمان لە سوریا. درێژه‌ ...
(سبەی): دوای ئەوەی لەسەر كۆترێك كوڕ و باوكێك لە یەكێك لە گەڕەكەكانی شاری هەولێر كوژران و سیانی تریش برینداربون، لەلایەن پۆلیسەوە دو کەس لەسەر روداوەکە دەستگیرکراون. ئێوارەی رۆژ درێژه‌ ...
عەبدوڵا ئۆجالان رێبەری گەلی کورد سیستمى ئیمراڵی بە بەشێک لە پیلانگێڕی نێودەوڵەتى دەزانێت. ئەو تەنها وەک زیندانێک سەیری ئیمراڵی ناکات، بەڵکو ئیمراڵی وەک شوێنێک لێکدەداتەوە، کە مۆدێڕ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   73
کۆی سه‌ردان:   17558155