ئەمریکا داوای لە تورکیا کرد هێرش نەکاتە سەر عفرین
وەزارەتی دەرەوەی ئەمریکا داوای لە تورکیا کرد پرۆسەی سەربازی لە شاری عفرین ئەنجامنەدات.
هێزەر ناورت وتەبێژی وەزارەتی دەرەوەی ئەمریکا وتی: هانی تورکیا دەدەن زیاتر چاو بخاتە سەر بەرەنگاربوونەوەی رێکخراوی داعش لە ناوچەکە.
هەر سەبارەت بە هەڵوێستی ئەمریکا بەرانبەر هەڕەشەکانی تورکیا لە خۆرئاوای کوردستان، رێکس تیلەرسن وەزیری دەرەوەی ئەمریکا رایگەیاند: بەردەوام دەبن لە کارکردن لەگەڵ تورکیا، لە نیگەرانییەکانی تورکیاش تێدەگەن لەبارەی پەکەکەوە.
وتیشی : "دەبێت هەموو رێکخستنەکاتییەکان رادەستی خاوەنی راستەقینەیان بکرێنەوە و هەڕەشە نەکرێتە سەر هیچ وڵاتێکی دراوسێ".
ئەم لێدوانانەی بەرپرسانی ئەمریکا لە کاردانەوەی ئەو ئامادەکارییانەی تورکیا دێت، کە بۆ هێرشکردنە سەر عفرین لە سنوورەکانی خۆرئاوای کوردستان ئەنجامی دەدات و لە ماوەی چەند رۆژی رابردوو هێزێکی زۆری لەو ناوچانە کۆکردووەتەوە.
نالیا
بهروار: 19/01/2018
519 جار خوێندراوهتهوه
|