لەتەقینەوەکەی ستۆکهۆڵم کەسێک کوژرا
دوێنێ ڕۆژی یەکشەممە پیاوێکی 60 ساڵانە لە نزیک وێستگەی شەمەندەفەری گەڕەکی ڤۆربی گۆرد لە ستۆکهۆڵم بەهۆی تەقینەوەیەک کە پۆلیس پێی وایە نارنجۆک بووە، گیانی لەدەست دا و خەڵکی گەڕەکەکە گوڵ و مۆمیان لە شوێنی ڕووداوەکە دانا.

- لاسێ ئەندەرشۆن یەکێک لە دانیشتوانی ئەو گەڕەکەیە کە هاتووە بۆ سەیری شوێنی ڕووداوەکە و دەڵێ بێگومان دێینە شوێنی ڕووداوەکە ببینین و ڕیز بۆ قوربانییەکەش دەربڕین. ئەو دەڵێت ئەوەی ڕوویداوە تۆقێنەرە کە بە ڕۆژی ڕووناک کەسێک تووشی کاری لەو جۆرە ببێت.

کاتژمێر 11ی پێشنیوەڕۆی دوێنێ پۆلیس ئاگادار کرایەوە کە دوو کەس لە نزیکی وێستگەی شەمەندەفەری ژێرزەوی (tunnelbana) بەهۆی تەقینەوەیەکەوە بریندار بوون.

یەکێکیان پیاوێکی شەست ساڵانە کە بە پێی پۆلیس لە نزیک وێستگەی شەمەندەفەری ڤۆربی گۆرد شتێکی هەڵگرتۆتەوە کە پێ دەچێت نارنجۆک بێت و بەسەریدا تەقیوەتەوە ژنێکی 40 ساڵانیش بەوهۆیەوە بریندار بووە. پیاوەکە بە هۆی سەختی برینەکەیەوە دواتر لە نەخۆشخانە گیانی لەدەست داوە، ژنەکەش لە ژێر چاودێریی پزیشکدایە.

جێی باسە پۆلیس لێکۆڵینەوە بەراییەکانیان لەژێر ناوی کوشتن و وێرانکاریی دەست پێ کردووە. تا ئێستا دیار نییە کە ئەو کەرەستەی تەقینەوەیە کێ دایناوە و پۆلیس دەڵێن کە پێیان وانییە کە پەیوەندیی لە نێوان قوربانییەکان و تەقینەوەکەدا هەبێت بەڵکە هەردووکیان ڕێبوار بوون و پیاوەکە ئەو کەرەستەیەی هەڵگرتۆتەوە و تەقیوەتەوە پێیدا.

پۆلیس هەروەها دەڵێن کە گومانی ئامانجی تیرۆریستی لەو ڕووداوە ناکرێت.

بەرپرسی یەکەی فەرهەنگ و بەڕێوەبەرایەتیی کاتی ئازاد لە کۆمۆنی ڤۆربی گۆرد، مییا باریمان دەڵێت هەوڵ دەدەین زیاتر بێینە ئەم دەورووبەرە و لەگەڵ هاوڵاتییاندا باسی ڕووداوەکە بکەین، وەڵامی پرسیاری لاوان و کەسانی دیکە بدەینەوە و پێکەوە ئارامیی بگەڕینیینەوە بۆ ناوچەکە.

گوێ لە ڕاپۆرتەکە بگرە
به‌روار:  09/01/2018
194   جار خوێندراوه‌ته‌وه
  بابه‌تی زیاتر ...
K24 - هه‌ولێر: دادگای شاری لیسته‌ر له‌ به‌ریتانیا، سزای زیندانیكردنی بۆ سێ گه‌نجی كورد ده‌ركرد، كه‌ به‌ ئه‌نقسه‌ت و بۆ وه‌رگرتنی پاره‌ی بیمه‌ (تأمین)، ئاگریان له‌ ماركێته‌كه‌یان درێژه‌ ...
گوزەرێك بەنێو دوا ساتەکانی ژیانی جەمال نەبەزدا سەروەر عەبدوڵڵا سەرەتا لە بەرەبەیانی ٨/١٢/٢٠١٨ کاتژمێر٩:١٠ زانای گەورەی کورد دکتۆر جمال نەبەز کۆچی دوایی کرد و بە جەستە لێم درێژه‌ ...
لەیلا گیوڤەن لە ١٦ی کانوونی یەکەمی ٢٠١٨ / ٢٥ی سەرماوەزەوە دەستى بە چالاکیى مانگرتنى بێسنوور کردووە و ماوەى ٧٥ رۆژە لە مانگرتنەکەیدایە. مانگرتنى بێسنووری زیندانیانى تریش لە ٣٧هەمین درێژه‌ ...
دەبێت ساڵانە ٥٠٠ پزیشک دابمەزرێت تا ئەو بۆشاییە پڕبکرێتەوە کە بەهۆی خانەنشینبوونی پزیشکە بەتەمەنەکانەوە دروست دەبێت ئەمەش بەپێی داتاکانی بیرۆی ناوەندیی ئامار (Statistiska centr درێژه‌ ...
(سبەی): ساڵێك له‌مه‌وبه‌ر و له‌ رۆژێكی‌ وه‌كو ئه‌مڕۆدا (20ی‌ كانونی‌ دوه‌م) سوپای‌ توركیا و چه‌كدارانی‌ ئۆپۆزسیۆنی‌ سوریا كه‌ لایه‌نگری‌ توركیا بون، هێرشیان كرده‌ سه‌ر شاری‌ عه‌ درێژه‌ ...
رووداو - سوێد پزیشكێكی كوردی سوێدی بە پرۆفیسۆرێكی سوێدی دەڵێت: بەتەمام دڵێكی دەستكرد دروستبكەم. پرۆفیسۆرەكە پێدەكەنێ و دەڵێ: "ئەوەی تۆ دەیڵێی مەحاڵە و بە تۆ ناكرێ". هەمان پزیشك درێژه‌ ...
پەرلەمانتاران متمانەیان دایەوە بە ستێفان لوێڤێن سەرۆکی سۆسیالدیموکراتەکان، تا بەردەوام بێت وەک سەرۆکوەزیری سوید. بەپێی دەنگدانەکە ١١٥ پەرلەمانتار دەنگیان بە بەڵی دا، کە لە پار درێژه‌ ...
چاوەڕوان دەکرێ نزیکەی 8000 پەنابەر بگەنە سوید. درێژه‌ ...
مالیزیا هه‌وڵێكی‌ به‌ قاچاخبردنی‌ كۆچبه‌ران پوچه‌ڵ ده‌كاته‌وه‌ پۆلیسی‌ مالیزیا هه‌وڵێكی‌ به‌ قاچاخبردنی‌ 34 كۆچبه‌ر له‌و وولاَته‌وه‌ بۆ ئوسترالیا و نیوزله‌ندا پوچه‌ڵ ده‌كاته‌وه‌. درێژه‌ ...
رووداو - دهۆک لە كۆمەڵگەی ئازادی سەر بە شارۆچكە سەرسەنكی دهۆك، بەهۆی گڕگرتنی فڕنێكی نان دروستكردنەوە سێ‌ كەس سووتان "كە مامێك‌ و دوو برازان". بێوار عەبدولعەزیز، گوتەبێژی بە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   128
کۆی سه‌ردان:   17562321