پەیامێك بۆ نەتەوەی كورد
برنارد هنری لیڤی


بە حوكمی زمان و مێژوو، من سەر بە نەتەوەی فەرەنسیم كە رەنگە دێرینترین نەتەوەی جیهان بێت.
لە لایەنی رۆحیشەوە من سەر بەگەلێكی دێرینم كەگەلی جولەكەیە وخاوەنیگەنجترین دەوڵەتی دونیایە. ئێستاش وا گەلێكی دیكەی دێرین خەریكی دوبارەكردنەوەی هەمان تەجرەبەیە.
كورد بە وێنەی جولەكە كارەساتدیدەیە، هەوراز و نشێو و نەهامەتی و بندەستی و ستەمی بێ هەژماری بەسەرهاتووە. بەڵام خۆراگر بوون و نەتوانەوە و چوون بەگژ دوژمنەكانیاندا و ئێستاش وا لە كۆتایی كاروانو دیاریكردنیچارەنووس نزیكدەبنەوە و خوازیارن دەوڵەتێكی سەربەخۆ دروستبكەن كە ئازادی و ئارامی و كەرامەت بۆ هاوڵاتییەكانی دابین بكات. 
گەلی كورد بە ناو ئازار و خۆڕاگریدا گەیشتە ئێرە و لە شەڕیتێكشكاندنی تیرۆردا بەهێزترین و سەرەڕمی هەموو جیهانی مۆدێرن بوو،هەندێك جار بە تەنیاش لە جیاتی هەموان جەنگا. 
بروا ناكەم یەك پێشمەرگە لە كاتی شەڕی تیرۆردا بیری لای ئەوەنەبوبێت كە دوای تێكشكاندنی تیرۆر و ئازادكردنی موسڵ و لەو كاتەگونجاوەدا كە سەرۆك مەسعود بارزانی بۆ ریفراندۆمی دانابوو، كورد بە مافی خۆی دەگات و هەموانیش ئەم مافە بە رەوا دەزانن. 
هەندێك لە دۆستە نزیكەكانی كورد لەو باوەڕەدان ئیعتۆاف بە دەوڵەتی كوردستان هاوسەنگی و ئاشتی لە ناوچەكەدا تێكدەدات، من پێم وایە بەپێچەوانەوە، كورد دەبێتە جەمسەری سەقامگیریی لە ناوچەیەكدا كە تیرۆر و توندرۆیی تێیدا هەر وا دێ و هەڵدەكشێ.
كورد لەوەتەی هەن داكۆكی لەو بەها ئینسانییانە دەكەن كە رژێمەكانی ناوچەكەژێرپێی دەنێن. ئەمان داكۆكی لە سەقامگیری و سنورەكان و یاسا و مافی مرۆڤ دەكەن، ئەوان گاڵتەیپێدەكەن. ئەوان خەڵك راودەنێن و ئاوارەدەكەن و كورد دەیانگرێتە خۆ و نەوای ئارامیان بۆ دابین دەكات. 
لە راستیدا كوردەكان لە ناوچەكەدا نمونەیەكی دەگمەنن بۆ دیموكراسی و پێكەوەژیان و لێبوردەیی و یاسا سەروەری، لە رۆژهەڵاتی ناوەڕاستدا رەنگە لەم جۆرە باوەڕە نەبینی و سیستمێكی جیۆسیاسی وجودی نەبیت كە بە شەڕ و كۆنەقین نەژی و پێویستی بە ئاشتی بێت. 
بچوكی مەساحەی دەوڵەتی كوردستان، نابێتە هۆی لاوازی ئەو دەوڵەتە، مێژوو نمونەی زۆر دەوڵەتی بچوك بەڵام بەهێز و پتەومان پیشان دەدات چونكەگەلەكانیان لەبەردەم جەبەروتی ناحەزەكانیاندا یەكگرتو و خۆڕاگربوون. گەلەكانیان رۆح و مێژووی هاوبەش پێكیانەوەدەبەستێ نەك رەگەز و خۆبەزل زانین و ناسنامەیەكیگۆشەگیرانەی بێمتمانە. 
كورد میللەتێكی لەو جۆرەن، دەزانن بۆچی دەجەنگن، خۆبەخشانە و بێ دوودڵی، گەورە و بچوكیان و پێشمەرگە و سەركردەیان وەك یەك لە سەنگەردان و بۆ لەنێوبردنی ئیستیبداد خەبات دەكەن. 
ئەوان نەك هەر خۆیان، مەسیحییەكانیشیان پاراست و نەیانهێشت پاكتاو بكرێن. مەسیحییەكان ئێستاش لە ناوچەی ئەواندا هێشتا بە زمانی دێرینی مەسیح قسە دەكەن. كوردەكان لە شەڕدا یەكسانیژن و پیاویشیان پەێڕەوكرد كە ئەوە سیمای شارستانییە مەزنەكانە. 
بۆیە من پێموایە لەدایك بوونی دەوڵەتی كوردستانن لەدایكبوونی هێزێكە بۆ ئاشتی نەك بۆ فەوزا. ئەو روداوە ناوچەكە رزگار دەكات لە ئەهریمەنی تیرۆر و توندوتیژی و ئیستبداد و ستەم . ئەو دەوڵەتە دەبێتەچرای كوردانی دابەشكراو و تروسكایی ئومێد بۆ ستەملێكراوانی جیهان. 
بۆیە نابێ كوردەكان لە ئیعلانی رۆحیجیهانیی و نێونەتەوەیی خۆیان سڵ بكەنەوە.
لە سەردانەكانم بۆ كوردستان سەرنجی ئەوەم دا ئەم میللەتە فرە رەنگە، جیا لە زمانی خۆی، بەو زمانانەش دەدوێ كە لە مەنفا و ئاوارەییدا فێری بووە، نێونەتەوەییانە دەڕوانێتە دەوروبەر و هەستیاریی بەرامبەر هیچ كولتور و زمان و پێكهاتەیەك نییە. 
پۆپۆلیستەكانی رۆژئاوا رەنگە قیمەتی نێونەتەوەیی بون نەزانن، بەڵام هەر ئەم رۆحە بوو دەیان شەڕی بۆ ئازادی سەرخست. كرانەوە و ئوممەمییەتی كورد چرایەكە لە شەوی زوڵمەتی ناوچەی رۆژهەڵاتی ناوەڕاستدا. شەڕی كورد لە جیاتی هەموو جیهان دژی داعش، شەڕی ئومەمییانەی بەرۆح و گیانی كورد بوو. 
چاوەڕوانكراوە كە دراوسێكانی كوردستان، دژایەتی بكەن، چونكە بوونی كوردستانی سەربەخۆ و ئازاد، هەمیشە مایەی بەخۆداشكانەوە و ئیحراجی دەبێت بۆ ئەوانی موزەییەف و ساختە. بۆ ووڵاتانی ئەوان كە زیندانن نەك ووڵات و هەریەكەیان بەشێك لە كوردی تێدا زیندانی كراون. 
لە بەرەنگاربونەوە و رۆژەكانی داهاتودا، دەبێ كوردەكان تەوەقوع بكەن كە رەنگە تەنیا بن، وەك هەمیشە تەنیا بوون. جارێكیان جەنەرال شارل دیگۆڵ ووتی: گەلان دۆستیان نییە. بەداخەوە دواتر دەزانن كە هاوڕێكانیان لە كۆتاییدا داكۆكی لە سەركەونی ئەو سیستمە دەكەن كە لەسەر بنەمای دۆستایەتی و عەدالەت و سەقامگیری و ئاشتی دروست بووە. 
كوردەكان هۆشیارن و خۆیان بۆ ئەمە ئامادەكردووە، خۆشبەختانەش ملیۆنەها ژنان و پیاوانی جیهان لە فەرەنسا و لە ووڵاتانی دیكە دۆستی كورد بوون بەر لەوەی ووڵاتەكانیان پەیوەندی لەگەڵ كورد گرێ بدەن. ئەم جۆرە دۆستایەتی و ئەم هەڵوێستە نەگۆڕە دڵنیایی بەخشە كە دواجار گەلی كوردستان سەردەكەوێ.

نەوا
به‌روار:  04/10/2017
265   جار خوێندراوه‌ته‌وه
  بابه‌تی زیاتر ...
له‌ ڕۆژی‌ جیهانی‌ په‌نابه‌راندا ، چه‌ندین كاره‌سات و ئاماری‌ تراژیدی‌ بلاَوكرانه‌وه‌ به‌رواری‌ 20 ی‌ حوزه‌یرانی‌ هه‌موو ساڵێك ، ڕۆژی‌ جیهانی‌ په‌نابه‌رانه‌ كه‌ به‌ بڕیارێكی‌ كۆم درێژه‌ ...
موراد قەرەیلان، ئەندامی کۆمیتەی بەڕێوبەریی پارتی کرێکارانی کوردستان- پەکەکە، ڕایدەگەیەنێت: ئەردۆغان هێرش بۆ سەر قەندیل وەک پروپاگەندەی هەڵبژاردن بەکاردێنێت، ئەگەر شەرەفی هەیە با بێ درێژه‌ ...
چالاکوانی مافی مرۆڤ ئێرێن کەسکین هاوڵاتی تورکیە خەڵاتی ئاننا لیندی پێ بەخشرا، بەوهۆیە کە بە زیاتر لە یەک تۆمەت دادگایی دەکرێ و داوا دەكرێ زیندانی هەتاهەتایی بکرێ، بۆیە ناتوانێ لە ر درێژه‌ ...
لە یادی حەوتەیەمین ساڵەی ماڵپەڕی مالمۆکورد پیرۆزبایی لە نووسەر و خوێنەر و بینەرەکانمان دەکەین و هیوادارین جێگای ڕەزامەندییان بین. لەڕۆژی 2011.6.21 ماڵپەڕەکەمان لە نێت وپاشا درێژه‌ ...
لە پشووی ڕابردوودا هاوڵاتیانی تورکیە توانیان بەشداری لە هەڵبژاردنی تورکیەدا بکەن. لەسەریەک نزیکەی یازدەهەزار کەس دەنگەکانی خۆیان بۆ تورکیە ناردەوە.هەفتەی داهاتوو ئەنجامەکانی هەڵبژا درێژه‌ ...
دووه‌م په‌نابه‌ری‌ كورد له‌ كه‌مپه‌كانی‌ دوورگه‌كان گیانی‌ له‌ده‌ستدا ماڵپه‌ری‌ گاردیان بلاَویكرده‌وه‌ ، په‌نابه‌رێك له‌ ڕۆژی‌ هه‌ینی‌ ڕابردوو له‌ كه‌مپه‌كانی‌ په‌نابه‌ران له‌ د درێژه‌ ...
سەعات هەشتی دوێنێ شەو پۆلیس زەنگێکی ئاگادارکردنەوەی بۆ هاتووە کە لە نزیک کافەیەکی ئەنتەرنێتی ناوەڕاستی شاری مالمۆ تەقەیەکی زۆر بیستراوە. پۆلیس دەڵێت ناکۆکیە نێوخۆییەکانی گروپە تاوا درێژه‌ ...
ئەنجلینا جولی ئەکتەری بەناوبانگی ئەمریکی و باڵیۆزی نیازپاکی نەتەوەیەکگرتووەکان، لە دواى ئەوەی سەردانى موسڵی کرد ئەمڕۆ سەردانى کەمپی دۆمیزی لە پارێزگای دهۆک کرد. پەیامنێری ئێن ئا درێژه‌ ...
گەریلاکانی هەپەگە لە ئامەد و جولەمێرگ چالاکییان دژی سوپای تورک ئەنجامدا، لە ئەنجامدا ٢٠ سەربازی سوپای تورک کوژران. ئەمڕۆ، ناوەندی ڕاگەیاندنی هێزەکانی پاراستنی گەل-هەپەگە، لەبارە درێژه‌ ...
”لە سویدیش دژبەرانی تورکیا هەن کە ئەگەری ئەوەی هەیە وەک دژبەرەکانی دانمارک بکرێنە ئامانج وپیلانی کوشتیان بۆ دابڕێژرێ." ئەوە بە پێی قسەکانی بەشیر کاڤەک ،یەکێک لەو ڕۆژنامەنووسانەی پ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   124
کۆی سه‌ردان:   16860686