حەوتەمین شارەوەانی ئیتاڵیا ڕەگەزنامەی فەخری بەخشیە ئۆجەلان

شارەوانی شارۆچکەی "بینرولا" لە شاری تۆرینۆ لە باکوری خۆرئاوای ئیتالیا ئەمڕۆ شەممە ڕەگەزنامەی فەخری بەخشیە عەبدوڵا ئۆجەلان ڕابەری پارتی کرێکارانی کوردستان (پەکەکە)، کە ماوەی ١٨ساڵە لەلایەن دەسەڵاتدارانی تورکیاوە لە زنیدانی ئیمرالی زیندانیکراوە.

ماڵپەڕی روسیالیەوم لە زاری شارەوانی ئەو شارۆچکەیەی ئیتالیاوە بڵاویکردەوە، ئەو بڕیارەیان بۆیە داوە وەک پشتیوانییەک لە تێکۆشانی گەلی کورد لەپێناو بەدەستهێنانی مافەکانیدا بە ڕێگەچارەی ئاشتییانە.

لە بەشێکی تری لێدوانی شارەوانی شارۆچکەکەی ئیتالیا هاتووە "عەبدوڵا ئۆجەلان سوربووە لەسەر شێوازی ئاشتییانە بۆ چارەسەرکردنی کێشەی کورد، سەرباری ئەوەی ماوەیەکی زۆرە زیندانی کراوە".

شارەوانیەکەی ئیتالیا ئاماژەی بەوەش کرد، پێدانی ڕەگەزنامەی فەخری بە ئۆجەلان بەهۆی ئەو ڕۆڵە گەورەیەوەیە کە هێزە کوردییەکان هەیانە لە دژی چەکدارانی داعش.

ئەوە لەکاتێکدایە تا ئێستا ژمارەی ئەو شارەوانییانەی کە ڕەگەزنامەی فەخریان داوە بە ئۆجەلان گەشتووەتە ٧ شارەوانی، لەوانە شارەوانەکانی بالیرۆم و ناپۆلی ئیتالیا، دواتریش شارەوانی بینرولا ڕێککەوتنێکی برایەتی و دۆستایەتی لەگەڵ شارەوانی کۆبانی ئیمزا کرد.

عەبدوڵا ئۆجەلان لە ٤ی نیسانی ١٩٤٨ لە گوندی ئامارا (عومەرلی) لە شارۆچکەی سروجی سەر بە پارێزگای ڕحا (ئۆرفە)ی باکووری کوردستان لەدایکبووە.

ئۆجەلان تاوەکو ساڵی ١٩٩٨ لە وڵاتانى لوبنان و سوریا بوو. لە لوبنان ژمارەیەک کەمپى بۆ ڕاهێنانى ئەکادیمى و سەربازى و سیاسیى گەریلاکانى پەکەکە دامەزراندبوو. کاتێک لە ساڵى ١٩٩٨ پەیوەندییەکانى نێوان تورکیا و سووریا تێکچوو. تورکیا ھەڕەشەی لە سووریا کرد، کە هێرش دەکاتە سەر ئەو وڵاتە. ئەوەش بووە هۆى ڕێککەوتنى ئەدەنە لە ساڵى ١٩٩٨دا لە نێوان ئەنقەرە و دیمەشقدا و لە ئەنجامى ئەو قەیرانەدا ئۆجەلان لە ٩ی تشرینى یەکەمى ١٩٩٨ سوریاى بەجێهێشت و ڕووی لە ڕووسیا کرد. سەربارى ئەوەى پەرلەمانى ڕووسیا (دۆما) بە زۆرینەى هەرە زۆر دەنگى مانەوەیان بە ئۆجەلاندا، بەڵام حکومەتى ڕووسیا ڕێگاى مانەوەى بە ئۆجەلان نەدا.

عەبدوڵا ئۆجەلان لەسەر بانگهێشتى ژمارەیەک پەرلەمانتارى ئیتالیا ڕووى لەو وڵاتە کرد، کە ماسیمۆ دالێما سەرۆک وەزیرانى ئەو کاتى ئیتالیا بوو. بەهۆى گوشارەکانى تورکیا و ئەمەریکاوە ئیتالیاش نەیتوانى زیاتر لە دوو مانگ ڕێگا بە مانەوەى ئۆجەلان بدات

کاتێک ئۆجەلان لە ڕۆژى ١٥ى شوباتى ١٩٩٩ باڵیۆزخانەى یونانى لە شارى نایرۆبیى پایتەختى کینیا بەجێهێشت لە ڕێگاى ڕۆیشتن بۆ فڕۆکەخانە لەلایەن چەند ئۆتۆمبێل و ژمارەیەک کەسى دەمامکدارەوە هێرشکرایە سەر کاروانى ئۆتۆمبێلەکانى و لە دواى بێهۆشکردنى ئۆجەلان، بەو فڕۆکەیە کە پێشتر ئامادە کرابوو فڕێندرا بۆ تورکیا.

عەبدوڵا ئۆجەلان زیاتر لە ٤٠ کتێبی نووسیوە. لە زیندانی ئیمڕاڵی نۆ کتێبی نووسیوە و بڵاوکراوەتەوە. بەشێک لە کتێبەکانی وەرگێڕدراونەتە سەر زمانەکانی ئینگلیزی، ئەڵمانی، فەڕەنیسی، ئیتالی، ڕوسی، ئیسپانیولی، فارسی و عەرەبی.
نالیا
به‌روار:  10/06/2017
1297   جار خوێندراوه‌ته‌وه
  بابه‌تی زیاتر ...
دوو هونەرمەندى شێوەکار لە شارى سلێمانى تابلۆکانى خۆیان سوتاند، وەک دەربڕینى ناڕەزایەتى لە خراپى گوزەران و ڕێزنەگرتنى هونەرەکەیان لە هەرێم. ئەمڕۆ هەینى کامەران قەرەداغی کەمپێنێکی درێژه‌ ...
میدیاكارانی تەلەفزیۆن لە سلێمانی كۆبوونەوە رۆژی 13/12/2017 سەعات 6 ی ئێوارە لەهۆڵی هۆتێل رامادا، لقی سلێمانی سەندیكای رۆژنامەنووسانی كوردستان و رێكخراوی دیالۆگ و كلتورDCO ئ درێژه‌ ...
کۆمەڵەی دەواری سەربەخۆ (کۆدەست) هاونیشتمانییانی کوردستان کۆمەڵەی دەواری سەربەخۆ ڕێکخراوێکی نا‌حکومیی خۆبەخشە، بە دید و بۆچوون و پێشنیاری ئەندامانی کار دەکات و بەرنامەی سیاسیی خۆی درێژه‌ ...
Îqameya pîzeçî Danyar Mohammed hat dirêj kirin bo du salên din. Daîreya Koçê ev biryara xwe doh ragihand. Danyar Mohammed berî neh salan ji Kurdistana Îraqê hat Swêdê. Xwe zû hî درێژه‌ ...
ڕۆژنیوز – ناوەندی هەواڵەکان لە وەڵامی پەرلەمانتارانی ئاکەپە کە پرسییان کوردستان چییە و لەکوێیە، عوسمان بایدەمیر، پەرلەمانتاری هەدەپە لە پەرلەمانی تورکیا، دەستی خستەسەر دڵ-ی درێژه‌ ...
Bi APPa Språkplay mirov dikare li bernameyên televîzyonê guhdarî bike û wergera bi zimanê xwe bibîne. Mirov dikare êdî bi telefona xwe li televîzyona swêdî meyzêne û wergera gotin درێژه‌ ...
ڕۆژنیوز ڤیدیۆی گوندەکانی قەڵا و قوم پەڵک-ی دەڤەری گەرمیان بڵاودەکاتەوە، لەکاتێکدا، کە لەلایەن حەشدی شەعبی-یەوە تۆپباران دەکرێن. ئەمڕۆ سێشەممە حەشدی شەعبی گوندەکانی قەڵا، ق درێژه‌ ...
کەسانێک دۆسییەی ساختە بۆ داوای پەنابەری دەفرۆشنە ئەو کەسانەی دەیانەوێت ئیقامە وەربگرن. ئێکۆت (Ekot) بەشی هەواڵەکانی رادیۆی سوید لە بەدواداچوونێکیدا ئەمڕۆ ئاشکرای کرد کە چەندین ک درێژه‌ ...
کاک ....... نەو شیروان باوکی دوین کەتۆ ڕۆیشتیت شەقام وه ستا مافی هەژار لە گۆڕ نرا پەیماننامەی كه م ئه ندام و دايكى ئه نفال کاڵبووە وە و دڕا نووکی قەڵەم درێژه‌ ...
خەڵاتی ڕێزلێنانی کۆچبەرانی کورد بۆ خاتوو مەریەم زەرزا لە هۆڵەندا ئێوارەی ڕۆژی شەممەی ڕێکەوتی 09-12-2017 لەهۆڵی یانەی کوردی "میدیـــا" لە ئەمستردام، بە ئامادەبوونی ژمارەیەکی بەر درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   97
کۆی سه‌ردان:   16052764