پیاوکوژەکەی فەیسبووك "خۆی كوشت"
خەندان-
ئەو پیاوە ئەمەریكییەی تۆمەتباربوو بە كوشتنی هاوڵاتییەكی بە تەمەن و گواستنەوەی بەشێوەی راستەوخۆ لەفەیسبووك، لەناو ئوتومبێلێكدا "خۆی كوشت".
پۆلیسی ویلایەتی پەنسلڤانیا رایگەیاند، ستیڤ ستێفێنس ئەو پیاوەی كە تۆمەتبارە بە كوشتنی هاوڵاتییەكی بەتەمەن لەسەر یەكێك لە شەقامەكانی ئۆهایۆ، "خۆی كوشتووە"، ئەوەش بەپێی ماڵپەڕی بی بی سی.
ستیڤ ستێفنس-ی تەمەن ٣٧ ساڵ، دانیشتووی شاری كلێڤلاند لە ئۆهیایۆ، پاشنیوەڕۆی یەكشەممەی رابردوو تەقەی لە رۆبێرت گۆدوین-ی تەمەن ٧٤ كرد و كوشتی، ئەو ساتانەی لەڕێی پەخشی راستەوخۆی فەیسبوك گواستەوە.
لە ڤیدیۆكەدا دەردەكەوێت كە ستیڤ لە ئۆتومبێلەكەی دێتە دەرەوە و خۆی لە پیاوێكی بە تەمەن نزیك دەكاتەوە كە بۆ پیاسە ماڵەوەی جێهێشتووە، لە ناكاو دەمانچەیەك دەردەهێنێت و تەقەی لێدەكات.
ستیڤ بە پێی وتەكانی خۆی، كە لە فەیسبوك ئاماژەی پێداوە، هەر لەو رۆژەدا ١٤ كەسی دیكەی بەو شێوەیە كوشتووە، بەڵام پۆلیس تا ئێستا تەنها روداوەیان پشتڕاست كردووەتەوە.
بهروار: 18/04/2017
2342 جار خوێندراوهتهوه
|