بیری" ستۆکهۆڵم "ئەکەم !


بیری 
هەموو ئەو شەقامە پاک وبێگەردانەی ستۆکهۆڵم دەکەم 
کە ئێواران لە دوای ئیشکردن بەشەکەتێکی زۆرەوە بەدەم پیاسەو خەیاڵی کوردستانەوە  تا ئەوسەری "سلوسن "دەڕۆیشتم ..
بیری 
 هەموو ئەو ڕەش پێستە‌ ئەفریقیانە ئەکەم کە لەناو شەمەندەفەرە قەرەباڵغەکان دەمبینین و
بۆنیان لەشیان،شەمەندەفەرەکەی پڕ دەکرد لەبێزاری وجاڕسی..
بیری 
هەموو ئەو زۆربڵێی وچەلەحانیانە ئەکەم .کە سۆماڵییەکان تەلەفونێکی کۆنیان توند دەلکاند بەگوێیەکانیانەوە و
 هەتا دابەزینیش هەر چەنەیان ئەدا و مێشک وکاسەی سەریان لەگەڵ خۆیاندا ئەبردین..
بیری 
چاوی خوماری هەموو ئەو کیژە ڕۆمانیانە ئەکەم ،کە بە گۆڵێکی سورەوە ئەهاتنە سەر ڕێگامان و دەپاڕانەوە گوڵێکیان لێبکڕی..
 بیری 
دەنگی ئۆکۆردۆنی ئەو قەرەجانەی  ئەوروپای شەرقی ئەکەم 
کە لە "تونێل بان" و" پەندەل تۆگەکان "و سەرسوچی شەقام و ناو مۆڵە گەورەکان دەیان کرد به ڕۆژی خۆیان ..
بیری 
هەموو ئەو قەرەجە سواڵکەرانەی بۆسن و یوگوسلافیا ئەکەم کە بەپەرداخێکی نیوە خاڵی پارەوە ئەهاتنە بەردەمت و دەتوانەوە بەسەردەستا  بۆ چەند کرونێ..
بیری 
ساردو سەرمای ناو تونێلەکان ئەکەم ،کە بەیانیان زوو وەکو چۆلەیەکی تەڕبووی ژێر نوا ڕەقی دەکردینەوە ..
بیری 
ئەو بەفر وبارانە زۆرەی سوید ئەکەم .کە چوار فەسڵەی خوا عەرزی وەکو چاوەکانمان تەڕ دەکرد..
بیری 
بۆنی ئەو پاکستانی وهیندیانە دەکەم‌ ،لەگەڵ سڵاو و دەستگوشنیان بۆنی بەهاراتت لێدەهات..
بیری 
ئەو خۆشاردنەوەیەی خۆمان دەکەم لەیەکتری ،کە کوردییەکەمان دەکرد بەسوید و بۆ ئەوەی کەس نەزانێ خەڵکی کوێین..

بیری زۆر یادگاری ستۆکهۆڵم دەکەم .
بیری 
پێکەنینی ئەو کیژە پرچ زەردە سویدییانە دەکەم ،کە سەرێکیان دەجوڵاند و چاوییان دەنوقاند و بزەیەکیان دەکرد وەک سڵاو.
بیری 
ئەو پیرەمێرد وپیرێژنە قۆڵتڕانە ئەکەم، کە بەسارد و سڕییەوە لەقەد وباڵامان ورد دەبوونەوە و وەکو مرۆڤ سەیریان نەدەکردین.
بیری 
هەمووئەو گریانە بەکوڵ و بێکەسیانەی خۆم دەکەم .کە جگە لەخۆم هیچ کەس نەبوو دڵنەوایم بداتەوە.
بیری
هەموو ئەکاتە ئەکەم ،کە دایکم لەتەلەفوندا ئەگریا بۆ دوری من . منیش دوای داخستەوەی تەلەفونەکە بەڕاستی دەمردم ..
بیری 
قیڕە قیڕی ئەو نەوڕەسە دەنگ ناخۆشانەی نزیک دەریاکان دەکەم ،کەبەیانیان زوو بێدارییان دەکردینەوە ،وەک ئەوەی بڵێن ئێرە وڵاتی ئێوە نیە بڕۆن ئێمەش بێزارین لێتان..
بیری 
بینینی ئەو پاپۆڕ وکەشتی و باخیرە گەورانە ئەکەم ،کە لەسەر ڕۆخی دەریا گەورەکان دەهات و دەچوون،ئێمەش هەر بۆ فشە ڕەسمێکمان دەگرت لە تەنیشتیان..
بیری 
هەموو ئەو وێنانە دەکەم .کە بە روویەکی خۆش ودڵێکی مردووە دەمان ناردنەوە بۆ کەس و کارمان ..
بیری 
 پێکەینی هەموو ئەو هاوڕێیانە ئەکەم ،کە بەسەقەتی زمانە سویدییەکەی یەکتری دەتریقاینەوە ..

بیری هەموو شتێکی ستۆکۆڵم دەکەم
بیری
بۆڵە بۆڵی ئەو "کهولیستانە" ئەکەم .کەهەموو قسەیەکانیان ڕستەیەکی تەواوی لێدروست نەدەکرا .. 
بیری 
دەنگی ئەو سەنتورانە ئەکەم، کە قەرەجاکانی ئەوروپای شەرقی ئەیان ژەند و
 لەبەردەم خۆیان پەڕۆیەکیان ڕادەخست بۆ پاروییەک نان..
بیری 
ئەو‌ ژوورە بچوکە چل و هەشت مەترەی خۆم دەکەم کە لە هوندیگە بەڕەش تێیایدا دەژیام ،ئێستا نیوەی خۆمی هەر تیاماوە ..
بیری 
دەنگە دەنگ وقاوقریژکی ئەو دیسکۆیانە دەکەم .کە بەبەردەمیان دەڕۆیشتین کەس‌ساحێبی خۆی‌نەدەناسی.
بیری
 شەوانەی شەممە ویەک شەممەی ستۆکهۆڵم دەکەم .
کەدەبوو بە پارچەیەک مەرجان ومرواری کەدەتگوت  لەسەر سینەک داندراون.
بیری
هەموو ئەو تەڕد و ڕەفزانەی ڕوحکوشتنەی  میگراخون دەکەم .کە بەپۆستە جەرگبڕەکان بۆیان دەناردین و هەزاران جار حورمەتیان دەشکاندین..
بیری 
هەموو ئەو سەرکێشانەی خۆم  دەکەم .کە بێ بلیت سوار تونێل بانەکەکان دەکەوتین و ڕوانیمان لەدەرچەی پەنجەرەکەوە دەبوو بە هەزار
بیری 
هەموو ئەو جەزائیر و مەغریبانە ئەکەم ،
کە دزی دنیایان لە مارکێت و مۆڵە گەورەکان ئەکرد بەبەر چاوی ئێمەوە .
بیری 
یەکەم کەمپی ماشتا ئەکەم ..کە خواردنێکیان دەرخوارد دەداین ،کەئێستاشی لەسەر بێت نازانم چیبوو..
بیری 
ئەو کەمپە ناخۆش و پڕ مەینەتیە دەکەم ،کە وەک زیندانێک  پڕ بوو لە بێزای و بێ ئۆقرەیی .
بیری
 بۆنی بێزاری شەوانی زستانە پڕ بەفر وبارانەکانی ئەکەم .کە پڕ بوون لە دڵەڕاوکێی و خۆخواردنەوە و شەڵاڵ بوون لە بێ ئارامی..
بیری 
هەموو ئەو ئازارانە ئەکەم کە بە بێ ئیقامەیی چەشتم ،کە تائێستاش لەیادم ناچنەوە.
بیری 
هەموو ئەو کارە قورسانە ئەکەم 
کە بەڕەش چوومە ژێرباری و ناچار بووم کە بیانکەم.
بیری
 ئەو خواردنە سارد وسڕانەی ئەکەم .کە زۆر بەپەلە بەسەر پێوە لەکاتی‌ئیشدا ئەمانخواردن ..
بیری 
هەموو ئەو قەرەباڵغی وسەرقاڵی و ڕاکردنانەی ناو سەنتەر دەکەم ،کە هەندێک جار خۆمان لەبیر دەچوو ..
بیری 
ئەو هاوڕێ تازانەم ئەکەم کە هەر یەکە و لە وڵاتێکەوە ،سەفەر فڕێیدا بوونە ئێرە ..
بیری
ئەو ئاهەنگە کوردییانە ئەکەم ،کەهیچ کات نەبوو بە بێ کێشە کۆتایی پێبێت ..
بیری 
ئەو فارسە هیچ و پوچانە دەکەم، کەلەگەڵ هەر کێشەیەکی بچوک دنیایان لێدەکردییە جەهەنەم ..
بیری 

داناز عەبدولڕەحمان 


به‌روار:  19/03/2017
1274   جار خوێندراوه‌ته‌وه
  بابه‌تی زیاتر ...
لە گرتەیەگى ڤیدیۆیدا ئەو منداڵە پێش ئەوەى بکوژرێت بە دەستى باوکی، باس لەوە دەکات کە دایکیشی بە دار لێیداوە ، لەگرتەکەدا دەردەکەوێت زۆر ترساوە. دوێنێ بەپێی لێکۆڵینەوە پزیشکییەکا درێژه‌ ...
. بە بۆنەی بە خاك سپاردنی خاڵی دوکتور و پروفیسور / ماموستا عوسمان ئەمین سالح . کە بە هۆی نەخوشیەکی کوشندە وە کۆچی دوای کرد . گۆڕینی لە عەرەبییەوە باوکی دوین خا درێژه‌ ...
لە ڕاپۆرتێکی نوێی دەستگەی پرسی فێرگەکاندا هاتووە کە ئەو کەسانەی خوێندنی پیشەیی قۆناغی ئامادەیی تەواو کردووە خێراتر کاریان دەست کەوتووە. بە پێی ئەو ئامارە نوێیەی دەستگەی پرسی فێر درێژه‌ ...
خەندان- خۆشناو حسێن دادگای تاوانەكانی نێودەوڵەتی لەلاهای بڕیاری زیندانیكردنی هەتا هەتایی بۆ جەنڕاڵی سڕبی راتكۆ ملادیچ-ی دەكرد، كەتۆمەتباركرابوو بە ئەنجامدانی كۆمەڵكوژی لە شاری س درێژه‌ ...
ڕاپۆرتێکی نوێی ڕێکخراوی نێونەتەوەیی ئامنێستی پێشێلکارییەکانی دژ بە کەمەنەتەوەی ڕوهینگییەکان لە بورما نیشان دەدات. - بریتیس ئێدمان بەرپرس لە ڕێکخراوی ئامنیستی لە سوید دەڵێت ئەو ج درێژه‌ ...
وەزیری دەرەوەی سوید مارگۆت ڤاڵسترۆم نامەیەکی بۆ فیدراسیۆنی کۆمەڵە کوردستانییەکان ناردووە و تێیدا بەڕوونی هەڵوێستی سویدی بەرامبەر بە حکوومەتی هەرێم دەربڕیوە. ڤاڵسترۆم هەرێمی کوردستا درێژه‌ ...
ئیمڕۆ دووشەممە 2017.11.L0 پارتی سکۆنە لە مالمۆ خۆپیشاندانێکیان دژی ئیسلام لە باشووری سوید (سکۆنە) سازکرد. خۆپیشاندانەکە کە پێنج ژن و پیاوی بەتەمەن بوون بە دوو درووشم هاتنە بازاڕی درێژه‌ ...
لە ڕۆژی جیهانی پیاواندا، یەکێتی پیاوانی کوردستان کە تاکە ڕێکخراوە بۆ داکۆکی لەمافی پیاوان دەڵێت، ئاستی توندوتیژی بەرامبەر بە پیاوان و ڕێژەى خۆکوشتن لەناو پیاواندا ساڵ لەدوای ساڵ بە درێژه‌ ...
خەڵك – بەشی هەواڵ ڕۆژنامەیەكی نزیك لە یەكێتی نیشتمانی كوردستان نوسراوێكی فەرمی میحوەری 5ی هێزی پێشمەرگە بڵاودەكاتەوە، كە باس لەوە دەكات، هێزەكانیان تەنسیقی تەواویان لەگەڵ سوپای عی درێژه‌ ...
نیوزله‌ندا به‌ سێ‌ ملیۆن دۆلار هاوكاری‌ په‌نابه‌ران ده‌كات به‌شێك له‌و هاوكاریه‌ بۆ په‌نابه‌رانی‌ كورده‌ سه‌رۆك وه‌زیرانی‌ نیوزله‌ندا ڕایگه‌یاند حكومه‌تی‌ وولاَته‌كه‌ی‌ ڕه‌زامه‌ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   53
کۆی سه‌ردان:   15943883