|
محەمەد حاجی مەحمود و ئەدهەم بارزانی لەسەر کورسی مەراسیمی یادی کیمیابارانی هەڵەبجەیان بەجێهێشت
پەیامنێری ئێن ئاڕ تی ڕایگەیاند، محەمەد حاجی مەحمود سکرتێری حزبی سۆسیالست و ئەدهەم بارزانی بەرپرسی ئەنجومەنی سەرکردایەتی پارتی لە سلێمانی مەراسیمی یادی کیمیابارانی هەڵەبجەیان بەجێهێشت.
پەیامنێری ئێن ئاڕ تی وتیشی، ئەمڕۆ لەکاتی بەڕێوەچوونی مەراسیمی ٢٩هەمین ساڵیادی کیمیابارانی هەڵەبجە هەریەکە لە محەمەد حاجی مەحمود و ئەدهەم بارزانی بەهۆی نەبوونی جێگەوە مەراسیمەکەیان بەجێهێشت.
ئاماژەی بەوەش کرد، محەمەدی حاجی مەحمود لەسەر کورسییەکی خۆی دانیشتووە، بەڵام ئەندامێکی حزبەکەی کە لەگەڵیدا بووە لەسەر کورسییەک دانیشتووە کە تایبەت بووە بە شێرکۆ جەودەتی پەرلەمانتاری گۆڕان، دوای ئەوەی ڕێکخەری مەراسیمەکە بەو ئەندامەی سۆسیالیستی وتووە کە لەسەر کورسییەکەی شێرکۆ جەودەت هەستێت، محەمەدی حاجی مەحمود مەراسیمەکەی بەجێهێشتووە.
هەروەها ڕاشیگەیاند، ئەدهەم بارزانیش لەسەر کورسییەکەی خۆی دانیشتووە، بەڵام لەبەرئەوەی کورسی نەبووە بۆ ئەو کەسانەی کە لەگەڵیدا بوون تاوەکو دابنیشن، ئەویش مەراسیمەکەی بەجێهێشتووە.
نالیا
به‌روار: 16/03/2017
3461 جار خوێندراوه‌ته‌وه
|