|
دۆناڵد ترامپ په‌نابه‌رانی كورد نائومێد ده‌كات
هەژار تەها
مالمۆکورد
دۆناڵد ترامپ په‌نابه‌رانی كورد نائومێد ده‌كات ئاژانسی هه‌واڵی ڕۆیته‌رز له‌زاری په‌ناخوازانی كه‌مپه‌كانی دوورگه‌كانی مانوس و پاپانیوگینیاوه ڕایگه‌اند خولی دووه‌می چاوپێێكه‌وتنیان له‌گه‌ڵ به‌رپرسانی
ئه‌مریكادا به‌مه‌به‌ستی نیشته‌جێكردنیان له ئه‌مریكا بۆ كاتێكی نادیار دواخراوه.
دواخستنی پڕۆسه‌ی چاوپێكه‌وتنی په‌نابه‌ران له‌لایه‌ن ئه‌مریكاوه له‌پاش ئه‌وه دێت كه دۆناڵد ترامپ ، سه‌رۆكی ئێستای ئه‌مریكا ، ڕێكه‌وتنی وولاَته‌كه‌ی له‌سه‌رده‌می باراك ئۆبامادا له‌گه‌ڵ حكومه‌تی ئوسترالیادا به ڕێكه‌وتنێكی خراپ له قه‌ڵه‌مدا و له‌تویتێكدا ڕایگه‌یاند كه ئه‌وان لێكۆڵینه‌وه له‌و ڕێكه‌وتنامه‌یه ده‌كه‌ن.
په‌نابه‌رانی دوورگه‌كانی مانوسی پاپانیوگینیا و ناورۆ ئه‌و كه‌سانه‌ن كه پێشتر ویتسویانه به به‌له‌م و به‌قاچاخ خۆیان بگه‌یه‌ننه ئوسترالیا به‌لاَم له‌لایه‌ن هێزه ده‌ریایه‌كانی ئوسترالیاوه ده‌ستگیركراون و ڕه‌وانه‌ی ئه‌و كه‌مپانه كراون. به‌وه‌ش ، ڕێگه‌یان پێنادرێت داوای مافی په‌نابه‌رێتی له‌ئوسترالیا بكه‌ن. به‌هرۆز بوچانی ، ئه‌و په‌نابه‌ره كورده‌یه كه نزیكه‌ی ماوه‌ی چوار ساڵه ژیانێكی سه‌خت له كه‌مپه‌كانی دوورگه‌ی مانوس به‌سه‌رده‌بات ، ده‌ڵێت هه‌رله‌سه‌ره‌تای ڕاگه‌یاندنی ڕێكه‌وتنه‌كه‌وه دوودڵ بوین كه ئاخۆ جێبه‌جێده‌كرێت یان نا به‌لاَم تویته‌كه‌ی دۆناڵد ترامپ ئه‌وه‌ی ئاشكراكرد كه ئه‌و ڕێكه‌وتنه جێبه‌جێ ناكرێت. هه‌رچه‌نده ژماره‌ی په‌نابه‌رانی كورد له‌و دوو دوورگه‌یه به فه‌رمی ئاشكرا نیه ، به‌لاَم میدیاكان و ڕاپۆتی ڕێكخراوه نێوده‌وڵه‌تیه‌كان باس له بوونی چه‌ندین په‌نابه‌ری كورد ده‌كه‌ن له‌و دوو دوورگه‌یه.
به‌روار: 05/02/2017
2682 جار خوێندراوه‌ته‌وه
|