بۆ قوربانیانی دەستی تیرۆر، لەهەرکوێ هەن :-
بڕوا ناکەم
.
منداڵێك دەگری ..
بەزمانێکی منداڵانە
کە، هەموو خاوەن ویژدانێك
باش تییدەگا
بابە .. بابە
کەلەپووتەکانی سەدەی بیست ویەك
تۆیان لەمن و منیان لەتۆ کرد.
ئەمن، ئێستا
پشتێنەکەت .. قایشەکەت
جامانەکات .. کاسکێتەکەت
شەرواڵەکەت .. پانتۆڵەکەت
کامیان بنێمە بان چاوم
بۆنی تۆیان پێوەبکەم
بڵێی ئەو کەلە پووتانە
هاوسەر .. منداڵ،
دایك و باوکی، خۆیان بووێ ؟
بڵێی
خۆشەویستیی .. بەزەیی
لە دڵی رەشیاندا،
بوونی هەبێ ؟
فەتاح حەسەن
دانیمارك/ ڤالبی
بهروار: 29/07/2016
681 جار خوێندراوهتهوه
|