|
230 سیاسەتمەداری سویدی داوای ئازادکردنی ئەندامانی هەدەپە دەکەن
لە بانگەوازێکدا 230 سیاسەتمەداری شارەوانییەکانی سوید داوای ئازادکردنی ئەندامانی هەدەپە دەکەن.
لەو نووسراوەدا کە بۆ بەشی کوردیی ڕادیۆی سویدیش نێردراوە هاتووە 21 شارەداری کورد سەر بە پارتی دیموکراتی گەلان هەدەپە (HDP) ، زیندانی کراون و 31 شارەدار ناچار کراون کارەکەیان جێ بهێڵن.
شارەدارە سویدییەکان نووسیویانە زیندانیکردنی سیاسەتمەدارنی کورد کە لە پرۆسەیەکی دیموکراتیدا لەلایەن هاوڵاتییانەوە هەڵبژێردراون دژ بە بنەماکانی دەوڵەتی یاسایە و پێشێلکردنی پرۆسەی دیموکراتییە.
هەر لەو نووسراوەدا هاتووە کە لە داوای سەرکەوتنەکەی پارتی هەدەپە لە هەڵبژاردنەکانی ساڵی 2015 ڕژێمی تورکی بە سەرۆکایەتی پارتی ئاکۆپێ (AKP) دەستی بە راوەدوونان و زیندانیکردنی سیاسەتمەدارانی هەدەپە کردووە.
درێژەی هەواڵ
به‌روار: 28/05/2016
732 جار خوێندراوه‌ته‌وه
|