پارتی چەکی بۆ یەپەگە ناردووە
هاوسەرۆكی پارتی یەكێتی دیموكراتی PYD رایدەگەیێنێ، پارتی دیموكراتی كوردستان بە چەك و تەقەمەنی لە شەڕی دژی چەكدارانی داعش هاوكاری كردووین.
ساڵح موسلیم، هاوسەرۆكی PYD لە هەڤپەیڤینێكدا لەگەڵ رۆژنامەی حەیاتی لەندەنی، لەبارەی هاوكاریكردنیان لەلایەن وڵاتانی ئەوروپاوە رایگەیاندووە " هیچ وڵاتێكی ئەوروپی و رۆژئاوایی بە شێوەیەكی راستەوخۆ لە شەڕی دژی داعش هاوكاری نەكردووین، بەڵام رێكخراوەكانی كۆمەڵگەی مەدەنی لە ئەوروپا لەڕووی دابینكردنی پێداویستی مرۆییەوە هاوكاریان كردووین".
سەبارەت بە دابینكردنی چەك و تەقەمەنیش ساڵح موسلیم گوتی " لە بازاڕی رەش چەك و تەقەمەنیمان دابینكردووە، هەروەها لەلایەن رێكخراوە كوردییەكان و هێزی پێشمەرگەی هەرێمی كوردستان چەكمان بۆ نێردراوە، هاوكات پارتی دیموكراتی كوردستانیش لە دابینكردنی چەك و تەقەمەنییەوە بە پێی پێویست هاوكاری كردووین".
ڕووداو
بهروار: 28/07/2015
1060 جار خوێندراوهتهوه
|